AtthaPali Vol.2

{153} Dutiyasikkhapade. Pariyayenati varena patipatiyati attho. Adhicetasoti adhicittavato sabbacittanam adhikena arahattaphalacittena samannagatassati attho. Appamajjatoti nappamajjato. Appamadena kusalanam dhammanam sataccakiriyaya samannagatassati vuttam hoti. Muninoti yo munati ubho loke muni tena pavuccatiti evam ubhayaloke munanena va monam vuccati nanam tena nanena samannagatatta va khinasavo muni nama vuccati tassa munino. Monapathesu sikkhatoti arahattannanasankhatassa monassa pathesu sattattimsabodhipakkhiyadhammesu tisu va sikkhasu sikkhato. Idanca pubbabhagapatipadam gahetva vuttam. Tasma evam pubbabhage sikkhato imaya sikkhaya munibhavam pattassa muninoti evamettha attho datthabbo. Soka na bhavanti tadinoti tadisassa khinasavamunino abbhantare itthaviyogadivatthuna soka na santi. Athava tadinoti tadilakkhanasamannagatassa evarupassa munino soka na bhavantiti ayampettha attho. Upasantassati ragadinam upasamena upasantassa. Sada satimatoti sativepullappattatta niccakalam satiya avirahitassa. Akase antalikkheti antalikkhasankhate akase na kasinugghatime na rupaparicchede. Cankamatipi titthatipiti tasam bhikkhuninam katham sutva ima bhikkhuniyo mam ettakameva Ayam janatiti avamannanti handaham dani etasam attano anubhavam dassemiti dhammabahumanam uppadetva abhinnapadakam catutthajjhanam samapajjitva vutthaya evarupam iddhipatihiriyam dassesi akase antalikkhe cankamatipi .pe. Antara pidhayatiti. Tattha antara pidhayatiti antaradhayatipi adassanampi gacchatiti attho. Tanneva udanam bhanati annanca bahum buddhavacananti thero kira attano bhatuttherassa santike padmam yatha kokanudam sugandham pato siya phullamavitagandham angirasam passa virocamanam tapantamadiccamivantalikkheti imam gatham uddisapetva cattaro mase sajjhayi na ca pagunam katumasakki. Tato nam thero abhabbo tvam imasmim sasaneti vihara nikkaddhapesi. So rodamano dvarakotthake atthasi. Atha bhagava buddhavineyyasatte olokento tam disva viharacarikancaramano viya tassa santikam gantva culapanthaka kasma rodasiti aha. So tamattham arocesi. Athassa bhagava suddham pilotikakhandam datva idam rajoharananti parimajjahiti aha. So sadhuti sampaticchitva attano nivasanatthane nisiditva tassa ekamantam parimajji. Tam parimajjitatthanam kalakamahosi. So evam parisuddhampi nama vattham imam attabhavam nissaya kalakam jatanti samvegam Patilabhitva vipassanam arabhi. Athassa bhagava araddhaviriyabhavam natva adhicetasoti imam obhasagatham abhasi. Thero gathapariyosane arahattam papuni. Tasma thero pakatiyava imam gatham mamayati. So tam imissa gathaya mamayanabhavam janapetum tamyeva bhanati annanca antarantara aharitva bahum buddhavacanam. Tena vuttam tanneva udanam bhanati annanca bahum buddhavacananti ^1-. {156} Ekato upasampannayati bhikkhunisanghe upasampannaya. Bhikkhusanghe pana upasampannam ovadantassa pacittiyam. Sesamettha uttanameva. Idampi ca padasodhammasamutthanameva. Atthangatasikkhapadam dutiyam.

The Pali Atthakatha in Roman Book 2 page 371-373. http://84000.org/tipitaka/atthapali/read_rm.php?B=2&A=7821&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7821&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=631 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=19219 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8522 The Pali Tipitaka in Roman Character :- http://84000.org/tipitaka/read/roman_read.php?B=1&A=8522 Contents of The Tipitaka Volume 1 http://84000.org/tipitaka/read/?index_1