ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {192} Navamasikkhapade. Mahanage titthamaneti bhummatthe
upayogavacanam. Mahanagesu titthamanesuti attho. Athava mahanage
titthamane disvati ayamettha pathaseso datthabbo. Itaratha
hi attho na yujjati. Antarakathati avasanam appatva
arambhassa ca avasanassa ca vemajjhatthanam pattakatha. Vippakatati
kayiramana honti. Saccam mahanaga kho taya gahapatiti
addhacchikena olokayamana there pavisante disva tehi sutabhavam
natva evamaha. {194} Bhikkhuniparipacitanti bhikkhuniya paripacitam.
Gunappakasanena nipphaditam laddhabbam katanti attho. Padabhajane
panassa bhikkhuninca tassa paripacanakaranca dassetum bhikkhuni nama
ubhatosanghe upasampanna paripacitam nama pubbe adatukamananti
adi vuttam. Pubbe gihisamarambhati ettha pubbeti pathamam
samarambhati samaraddham vuccati. Patiyaditassetam adhivacanam.
Gihinam samarambho gihisamarambho. Bhikkhuniya paripacanato pathamameva
yam gihinam patipadanabhattam tato annatra tam pindapatam thapetva
annam bhunjantassa apatti. Tam pana bhunjantassa anapattiti
vuttam hoti. Padabhajane pana yasma natakapavaritehi
bhikkhussatthaya asamaraddhopi pindapato atthato samaraddhova hoti
Yathasukham aharapetabbato tasma byanjanam anadiyitva atthameva
dassetum gihisamarambho nama nataka va honti pavarita vati
vuttam. {195} Pakatipatiyattanti pakatiya tasseva bhikkhuno atthaya
patiyaditam hoti therassa dassamati. Mahapaccariyam pana tassa
annassati avatva bhikkhunam dassamati patiyattam hotiti avisesena
vuttam. {197} Panca bhojanani thapetva sabbattha anapattiti yagukhajjakaphalaphale
sabbattha bhikkhuniparipacitepi anapatti. Sesam uttanameva.
Pathamaparajikasamutthanam kayacittato samutthati kiriya sannavimokkham
sacittakam pannattivajjam kayakammam ticittam tivedananti.
                  Paripacanasikkhapadam navamam.



             The Pali Atthakatha in Roman Book 2 page 381-382. http://84000.org/tipitaka/atthapali/read_rm.php?B=2&A=8033&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8033&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com