AtthaPali Vol.2

{203} Bhojanavaggassa pathamasikkhapade. Avasathapindoti avasathe pindo. Samanta parikkhittam addhikagilanagabbhinipabbajitanam yathanurupam pannattamancapitham anekagabbhappamukhaparicchedam avasatham katva tattha punnakamataya pindo pannatto hoti. Yagubhattabhesajjadi sabbam tesam tesam danatthaya thapitam hotiti attho. Bhiyyopiti Svepi. Apasakkantiti apagacchanti. Manussa ujjhayantiti titthiye apassanta titthiya kuhim gatati pucchitva ime passitva pakkantati sutva ujjhayanti. Kukkuccayantoti kukkuccam karonto akappiyasannam uppadentoti attho. {206} Sakkoti tamha avasatha pakkamitunti addhayojanam va yojanam va gantum sakkoti. Na sakkotiti ettakameva na sakkoti. Anuddissati imesamyeva va ettakanamyeva vati evam pasandam anuddisitva sabbesam pannatto hoti. Yavadatthoti bhojanampi ettakanti aparicchinditva yavadattho pannatto hoti. Sakim bhunjitabbanti ekadivasam bhunjitabbam. Dutiyadivasato patthaya patiggahane dukkatam ajjhohare ajjhohare pacittiyam. Ayam panettha vinicchayo. Ekakulena va nanakulehi va ekato hutva ekasmim va thane nanathanesu va ajja ekasmim sve ekasminti evam aniyatatthane va pannattam ekasmim thane ekadivasam bhunjitva dutiyadivase tasmim va thane annasmim va bhunjitum na vattati. Nanakulehi pana nanathanesu pannattam ekasmim thane ekadivasam bhunjitva dutiyadivase annattha bhunjitum vattati. Patipatim pana khepetva puna adito patthaya bhunjitum na vattatiti mahapaccariyam vuttam. Ekapugananapuga- ekagamananagamesupi eseva nayo. Yopi ekakulassa va nanakulanam va ekato pannatto tanduladinam abhavena antarantara chijjati sopi na bhunjitabbo. Sace pana na sakkoma Datunti upacchinditva puna kalyanacitte uppanne datum arabhanti ekam puna ekadivasam bhunjitum vattatiti mahapaccariyam vuttam. {208} Anapatti gilanassati gilanassa anuvasitva bhunjantassa anapatti. Gacchanto vati yo gacchanto antaramagge ekadivasam gatatthane ca ekadivasam bhunjati tassapi anapatti. Agacchantepi eseva nayo. Gantva paccagacchanto hi antaramagge ekadivasam agatatthane ca ekadivasam bhunjitum labhati. Gacchissamiti bhunjitva nikkhantassa nadi va purati coradibhayam va hoti so nivattitva khemabhavam natva gacchanto puna ekadivasam bhunjitum labhatiti sabbamidam mahapaccariyadisu vuttam. Uddissa pannatto hotiti bhikkhunamyeva atthaya uddisitva pannatto hoti. Na yavadatthoti yavadattham pannatto na hoti thokam thokam labbhati. Tadisam niccampi bhunjitum vattati. Panca bhojanani thapetva sabbatthati yagukhajjakaphalaphaladibhede sabbattha anapatti. Yaguadini hi niccampi bhunjitum vattati. Sesam uttanameva. Elakalomasamutthanam kayato ca kayacittato ca samutthati kiriya nosannavimokkham acittakam pannattivajjam kayakammam ticittam tivedananti. Avasathapindasikkhapadam pathamam.

The Pali Atthakatha in Roman Book 2 page 382-384. http://84000.org/tipitaka/atthapali/read_rm.php?B=2&A=8067&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8067&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1