AtthaPali Vol.2

{283} Tena samayena buddho bhagavati dutthullavacasikkhapadam. Tattha adissati apadisitva. Vannampi bhanatiti adini parato avibhavissanti. Chinnakati chinnaottappa. Dhuttikati satha. Ahirikayoti nillajja. Ohasantiti sitam katva mandahasitam hasanti. Ullapantiti aho ayyoti adina nayena uccakaranim nanavidham palobhanakatham kathenti. Ujjagghantiti mahahasitam hasanti. Upphandentiti pandako ayam nayam purisoti adina nayena parihasam karonti. {285} Sarattoti dutthullavacassadaragena saratto. Apekkhava patibaddhacittoti vuttanayameva. Kevalam idha vacassadarago yojetabbo. Matugamam dutthullahi vacahiti ettha adhippetam matugamam dassento matugamoti adimaha. Tattha vinnu patibala subhasitadubbhasitam dutthulladutthullam ajanitunti ya pandita Satthakaniratthakakatham asaddhammasaddhammapatisamyuttam kathanca janitum patibala ayam idha adhippeta ya pana mahallikapi bala elamuga ayam idha anadhippetati dasseti. Obhaseyyati avabhaseyya nanappakaram asaddhammavacanam vadeyya. Yasma pana evam obhasantassa yo so obhaso nama so atthato ajjhacaro hoti ragavasena abhibhavitva sannamavelam acaro tasma tamattham dassento obhaseyyati ajjhacaro vuccatiti aha. Yathatanti ettha tanti nipatamattam. Yatha yuva yuvatinti attho. Dve magge adissati adi yenakarena obhasato sanghadi. Seso hoti tam dassetum vuttam. Tattha dve maggeti vaccamagganca passavamagganca. Sesam uddese tava pakatameva. Niddese pana thometiti itthilakkhanena subhalakkhanena samannagatasiti vadati na tava sisam eti. Tava vaccamaggo ca passavamaggo ca idiso tena nama idisena itthilakkhanena subhalakkhanena samannagatasiti vadati sisam eti sanghadiseso. Vanneti pasamsatiti imani pana thomanapadassa vevacanani. Khumsetiti vacapatodena ghatteti. Vambhetiti apasadeti. Garahatiti dosam vadeti. Parato pana paliya agatehi animittasiti adihi ekadasahi padehi aghatite sisam na eti ghatitepi tesu sikhiranisi sambhinnasi ubhatobyanjanasiti imehi tihi ghatiteyeva sanghadiseso. Deti meti yacanayapi ettakeneva sisam na eti. Methunadhammam dehiti evam methunadhammena ghatiteeva Sanghadiseso. Kada te mata pasidissatiti adisu ayacanavacanesupi ettakeneva sisam na eti. Kada te mata pasidissati kada te methunam dhammam labhissamiti va tava matari pasannaya methunam dhammam labhissamiti va adina pana nayena methunadhammena ghatiteyeva sanghadiseso. Katham tvam samikassa desiti adisu pucchavacanesupi methunadhammanti vutteyeva sanghadiseso na itaratha. Evam kira tvam samikassa desiti patipucchavacanesupi eseva nayo. Acikkhanaya puttho bhanatiti katham dadamana samikassa piya hotiti evam puttho acikkhati. Ettha ca evam dehi evam dadamanati vuttepi sisam na eti methunadhammam evam dehi upanehi evam methunadhammam dadamana upanayamana piya hotiti adina pana nayena methunadhammena ghatiteyeva sanghadiseso. Anusasanavacanesupi eseva nayo. Akkosaniddese animittasiti nimittarahitasi. Kunciyapanaliyamattameva tava udakasotanti vuttam hoti. Nimittamattasiti tava itthinimittam aparipunnam sannamattamevati vuttam hoti. Alohitati sukkhasota. Dhuvalohitati niccalohitakilinnasota. Dhuvacolati niccam pakkhittanicola sada anicolakam sevasiti vuttam hoti. Paggharantiti savanti sada te muttam savatiti vuttam hoti. Sikhiraniti bahinikkhantaanimamsa. Itthipandakati animittava vuccati. Vepurisikati samassudadhika purisarupa itthi. Sambhinnati sambhinnavaccamaggapassavamagga. Ubhatobyanjanakati itthinimittena ca Purisanimittena cati ubhatobyanjanakehi samannagata. Imesu pana ekadasasu padesu sikhiranisi sambhinnasi ubhatobyanjanakasiti imani tiniyeva padani suddhani sisam enti . Iti imani ca tini purimani ca vaccamaggapassavamaggamethunadhammapadani tini chappadani suddhani apattikarani. Sesani animittasiti adini animitte methunadhammam me dehiti va animittasi methunadhammam me dehiti va adina nayena methunadhammena ghatitaneva apattikarani hontiti veditabbani. {286} Idani yvayam otinno viparinatena cittena obhasati tassa vaccamaggapassavamagge adissa etesam vannabhananadinam vasena vittharato apattibhedam dassento itthi ca hoti itthisanniti adimaha. Tesam attho kayasamsagge vuttanayeneva veditabbo. Ayam pana viseso. Adhakkhakanti akkhakato patthaya adho. Ubbhajanumandalanti janumandalato patthaya uddham. Ubbhakkhakanti akkhakato patthaya uddham. Adhojanumandalanti janumandalato patthaya adho. Akkhakam pana janumandalanca ettheva dukkatakkhette sangaham gacchati bhikkhuniya kayasamsagge viya. Na hi buddha garukapattim savasesam pannapentiti. Kayapatibaddhanti vattham va puppham va abharanam va. {287} Atthapurekkharassati animittasiti adinam padanam attham kathentassa atthakatham va sajjhayam karontassa. Dhammapurekkharassati Palim vacentassa va sajjhayantassa va. Evam atthanca dhammanca purakkhitva bhanantassa atthapurekkharassa ca dhammapurekkharassa ca anapatti. Anusasanipurekkharassati idanipi animittasi ubhatobyanjanakasi appamadam dani kareyyasi yatha ayatimpi evarupa mahositi evam anusitathim purakkhitva bhanantassa anusasanipurekkharassa anapatti. Yo pana bhikkhuninam palim vacento pakativacanamaggam pahaya hasanto hasanto sikhiranisi sambhinnasi ubhatobyanjanakasiti punappunam bhanati tassa apattiyeva. Ummattakassa anapatti. Idha adikammiko udayitthero tassa anapatti adikammikassati. Padabhajaniyavannana nitthita samutthanadisu idam sikkhapadam tisamutthanam kayacittato vacacittato kayavacacittato ca samutthati kiriya sannavimokkham sacittakam lokavajjam kayakammam vacikammam akusalacittam dvivedananti. {288} Vinitavatthusu lohitavatthusmim so bhikkhu itthiya lohitakam nimittam sandhayaha itara na annasi tasma dukkatam. Kakkasalomanti rassalomehi bahulomam. Akinnalomanti jatitalomam. Kharalomanti thaddhalomam. Dighalomanti arassalomam. Sabbam itthinimittameva sandhaya vuttam. {289} Vapitam kho teti asaddhammam sandhayaha. Sa asallakkhetva no ca kho pativuttanti aha. Pativuttam nama udakavappe vijehi appatitthitokase panakehi vinasitavije va Okase puna vijam patitthapetva udakena asittam thalavappe visamavisamapatitanam vijanam samakaranatthaya puna atthadantakena samikatam. Tesu annataram sandhaya esa aha. Maggavatthusmim maggo samsaratiti angajatamaggam sandhayaha. Sesam sabbattha uttanamevati. Samantapasadikaya vinayasamvannanaya dutthullavacasikkhapadavannana nitthita.

The Pali Atthakatha in Roman Book 2 page 39-44. http://84000.org/tipitaka/atthapali/read_rm.php?B=2&A=807&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=807&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=397 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=13714 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=5394 The Pali Tipitaka in Roman Character :- http://84000.org/tipitaka/read/roman_read.php?B=1&A=5394 Contents of The Tipitaka Volume 1 http://84000.org/tipitaka/read/?index_1