Atthakatha Book 2 : PALI ROMAN
Vinaya.A. (samanta.2)

     {242} Chatthasikkhapade. Anacaram acaratiti pannattivitikkamam
karoti. Upanaddhiti upanaham janento tasmim puggale attano
kodham bandhi punappunam aghatam janesiti attho. Upanaddho
bhikkhuti so janitaupanaho bhikkhu. {243} Abhihatthum pavareyyati
abhiharitva handa bhikkhu khada va bhunja vati evam pavareyya.
Padabhajane pana handa bhikkhuti adim anuddharitva sadharanameva
abhihatthum pavaranaya attham dassetum yavatakam icchasi tavatakam
ganhahiti vuttam. Jananti pavaritabhavam jananto. Tam panassa
jananam yasma tihakarehi hoti tasma janati nama samam va
janatitiadina nayena padabhajanam vuttam. Asadanapekkhoti
Asadanam codanam mankukaranabhavam apekkhamano. Patigganhati
apatti dukkatassati yassa abhihatam tasmim patigganhante
abhiharakassa dukkatam. Itarassa pana sabbo apattibhedo
pathamasikkhapade vutto. Imasmim pana sikkhapade sabba apattiyo
abhiharakasseva veditabba. Sesam pathamasikkhapade vuttanayatta
pakatameva. Tisamutthanam kayacittato vacacittato kayavacacittato
ca samutthati kiriya sannavimokkham sacittakam pannattivajjam
kayakammam vacikammam akusalacittam dukkhavedananti.
                Dutiyappavaranasikkhapadam chattham.


             The Pali Atthakatha in Roman Book 2 page 412-413.
http://84000.org/tipitaka/atthapali/read_rm.php?B=2&A=8693&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=8693&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1