AtthaPali Vol.2

{257} Navamasikkhapade. Panitabhojananiti uttamabhojanani. Kassa sampannam na manapanti sampattiyuttam kassa na piyam. Saduti surasam. {259} Yo pana bhikkhu evarupani panitabhojanani agilano attano atthaya vinnapetva bhunjeyyati ettha suddhani sappiadini vinnapetva bhunjanto pacittiyam napajjati. Sekhiyesu supodanavinnattidukkatam apajjati. Odanasamsatthani pana vinnapetva bhunjanto pacittiyam apajjatiti veditabbo. Ayam kirettha adhippayo. Teneva ca panitaniti avatva panitabhojananiti Sutte vuttam. Panitaniti hi vutte sappiadinamyeva gahanam hoti. Panitabhojananiti vutte pana panitasamsatthani sattadhannanibbattani bhojanani panitabhojananiti ayamattho pannayati. Idani vinnapeti payoge dukkatantiadisu ayam vinicchayo. Sappina bhattam dehi sappim akiritva dehi sappimissakam katva dehi sappim dehi sappinca bhattanca dehiti vinnapentassa vinnattiya dukkatam patiggahane dukkatam ajjhohare pacittiyam. Sappibhattam dehiti vutte pana yasma salibhattam viya sappibhattam nama natthi tasma supodanavinnattidukkatameva veditabbam. Sace pana sappina bhattam dehiti vutte pana bhattam datva sappim katva bhunjati navanitam va khiram va dadhim va deti mulam va pana deti imina sappim gahetva bhunjati yathavatthukameva. Gosappina bhattam dehiti vutte pana gosappina va detu gosappimhi asati purimanayeneva gonavanitadini va gavimyeva va detu ito sappina bhunjati yathavatthukameva. Sace pana gosappina yacito ajiya sappiadihi deti visamketam. Evam hi sati annam yacitena annam dinnam nama hoti tasma anapatti. Esa nayo ajiya sappina dehiti adisupi. Kappiyasappina dehiti vutte akappiyasappina deti visamketameva. Akappiyasappina dehiti vutte akappiyasappina deti patiggahanepi paribhogepi dukkatameva. Akappiyasappimhi asati purimanayeneva akappiyanavanitadihi deti sappim katva bhunjati akappiyasappinava dinnam hoti. Akappiyasappinati vutte kappiyena deti visamketameva. Sappinati vutte sesesu navanitadisu annatarena deti visamketameva. Eseva nayo navanitena dehiti adisupi. Yena yena hi vinnatti hoti tasmim va tassa mule va laddhe tam tam laddhameva hoti. Sace pana annam paliyam agatam va anagatam va deti visamketam. Paliyam agatanavanitadini thapetva annehi navanitadihi vinnapentassa dukkatam. Yatha ca sappibhattam dehiti vutte salibhattassa viya sappibhattassa abhava supodanavinnatti dukkatameva hotiti vuttam evam navanitabhattam dehiti adisupi. Patipatiya ekamekam vittharetva vuccamanepi hi ayamevattho vattabbo siya. So ca sankhepenapi sakka natum kim tattha vittharena. Tena vuttam eseva nayo navanitena dehiti adisupiti. Sace pana sabbehipi sappiadihi ekatthane va nanathane va vinnapetva patiladdham ekabhajane akiritva ekarasam katva tato kusaggenapi jivhagge ekavindum thapetva ajjhoharati nava pacittiyani apajjati. Vuttampi cetam parivare kayikani na vacasikani sabbani nanavatthukani apubbam acarimam apajjeyya ekato panhamesa kusalehi cintitati ^1-. {261} Agilano gilanasanniti ettha sace gilanasannipi hutva @Footnote: ^1. vi. parivara. 8/534. Bhesajjatthaya panca bhesajjani vinnapeti mahanamasikkhapadena karetabbo. Nava panitabhojanani vinnapento pana imina sikkhapadena karetabbo. Bhikkhuninam pana etani patidesaniyavatthuni honti. Supodanavinnattiyam ubhayesampi sekhapannattidukkatameva. Sesamettha uttanameva. Catussamutthanam kayato ca kayavacato ca kayacittato ca kayavacacittato ca samutthati kiriya nosannavimokkham acittakam pannattivajjam kayakammam vacikammam ticittam tivedananti. Panitabhojanasikkhapadam navamam.

The Pali Atthakatha in Roman Book 2 page 423-426. http://84000.org/tipitaka/atthapali/read_rm.php?B=2&A=8934&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8934&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1