Atthakatha Book 2 : PALI ROMAN
Vinaya.A. (samanta.2)

     {311} Atthame. Abbhuyyatoti abhiuyyato parasenam abhimukho
gamissamiti nagarato niggatoti attho. Uyyuttanti katauyyatam
gamato nikkhantanti attho. {314} Dvadasapuriso hatthiti cattaro
Arohaka ekekapadarakkhaka dve dveti evam dvadasapuriso
hoti. Tipuriso assoti eko arohako dve padarakkhakati
evam tipuriso hoti. Catuppuriso rathoti eko sarathi eko
yodho dve anirakkhakati evam catuppuriso hoti. Cattaro
purisa sarahatthati avudhahattha cattaro purisati. Ayam
pacchimakotiya caturangasamannagata sena nama. Idisam senam
dassanaya gacchato pade pade dukkatam. Dassanupacaram vijahitvati
kenaci antarita va ninnam orulha va na dissati idha thatva
na sakka datthunti annam thanam gantva passato payoge payoge
pacittiyanti attho. {315} Ekamekanti hatthiadisu catusu angesu
ekamekam antamaso ekapurisarulhakahatthimpi ekampi sarahattham purisam.
Anuyyutta nama raja uyyanam va nadim va gacchati evam
anuyyutta hoti. {316} Apadasuti jivitabrahmacariyantarayesu sati ettha
gato muccissamiti gacchato anapatti. Sesamettha uttanameva.
Elakalomasamutthanam kiriya nosannavimokkham acittakam lokavajjam
kayakammam akusalacittam tivedananti.
                  Uyyuttasikkhapadam atthamam.


             The Pali Atthakatha in Roman Book 2 page 448-449.
http://84000.org/tipitaka/atthapali/read_rm.php?B=2&A=9467&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=9467&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1