AtthaPali Vol.2

{326} Surapanavaggassa pathamasikkhapade. Bhaddavatikata eko gamo. So bhaddikaya vatiya samannagatatta etam namam labhati. Pathavinoti addhika. Tejasa tejanti attano tejasa anubhavena nagassa tejam. Kapotikati kapotanam padasamavannarattobhasa. Pasannati suramandassetam adhivacanam. Ananucchaviyam bhikkhave sagatassati pancabhinnassa sato majjapanannama na anucchaviyanti vuttam hoti. {328} Pupphasavo nama madhukapupphadinam rasena kato. Phalasavo nama muddikaphaladini madditva tesam Rasena kato. Madhuvasavo nama muddikadinam jatirasena kato. Makkhikamadhunapi kariyatiti vadanti. Gulasavo nama ucchurasadihi kariyati. Sura nama pitthakinnapakkhitta nalikeradinampi rasena kata suratveva sankhyam gacchati. Tassayeva kinnapakkhittaya mande gahite merayotveva sankhyam gacchatiti vadanti. Antamaso kusaggenapi pivatiti etam suram va merayam va bijato patthaya kusaggenapi pivato pacittiyanti attho. Ekena pana payogena bahumpi pivantassa ekava apatti. Vicchinditva vicchinditva pivato payogagnanaya apattiyo. {329} Amajjanca hoti majjavannam majjagandham majjarasanti lonasocirakam va surattam va hoti. Supasampaketi vasagahapanattham isakam majjam pakkhipitva supam pacanti tasmim anapatti. Mamsasampakepi eseva nayo. Telam pana vatabhesajjatthampi majjena saddhim pacanti tasmimpi anatikkhittamajjeyeva anapatti. Yam pana atikkhittamajjam hoti yattha majjassa vannagandharasa pannayanti tasmim apattiyeva. Amajjam aritthanti yo arittho majjam na hoti tasmim anapatti. Amalakadinamyeva kira rasena arittham karonti. So majjavannagandharaso ceva hoti na ca majjam. Tam sandhayetam vuttam. Yo pana sambharapakkhitto so majjam hoti bijato patthaya na vattati. Sesamettha uttanameva. Elakalomasamutthanam kiriya nosannavimokkham acittakam lokavajjam kayakammam akusalacittam tivedananti. Vatthussa ajananataya cettha acittakata veditabba. Akusaleneva patabbataya lokavajjatati. Surapanasikkhapadam pathamam.

The Pali Atthakatha in Roman Book 2 page 450-452. http://84000.org/tipitaka/atthapali/read_rm.php?B=2&A=9504&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=9504&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1