ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                        7. Dvidhapathasuttavannana
    [77] Sattame addhanamaggapatipannoti addhanasankhatam dighamaggam
patipanno gacchanto hoti. Nagasamalenati evamnamakena therena.
Pacchasamanenati ayam tada bhagavato upatthako ahosi. Tena nam pacchasamanam katva
maggam patipajji. Bhagavato hi pathamabodhiyam visativassani anibaddha upatthaka
ahesum, tato param yava parinibbana pancavisativassani ayasma anando
chayava upatthasi. Ayam pana anibaddhupatthakakalo. 1- Tena vuttam "ayasmata
nagasamalena pacchasamanena"ti. Dvidhapathanti dvidhabhutam maggam. "dvedhapathan"tipi
pathanti. Ayasma nagasamalo attana pubbe tattha kataparicayatta ujubhavancassa
sandhaya vadati "ayam bhante bhagava pantho"ti. Aha
    bhagava pana tada tassa saparissayabhavam natva tato annam maggam
gantukamo "ayam nagasamala pantho"ti aha. "saparissayo"ti ca vutte
asaddahitva "bhagava na tattha parissayo"ti vadeyya, tadassa digharattam ahitaya
@Footnote: 1 Ma. anibaddhupatthako
Dukkhayati "saparissayo"ti na kathesi. Tikkhattum "ayam pantho, imina gacchama"ti
vatva catutthavare "na bhagava imina maggena gantum icchati, ayameva ca
ujumaggo, handaham bhagavato pattacivaram datva imina maggena gamissami"ti
cintetva satthu hatthe pattacivaram datum asakkonto bhumiyam thapetva paccupatthitena
dukkhasamvattanikena kammuna codiyamano bhagavato vacanam anadiyitvava pakkami.
Tena vuttam "atha kho ayasma nagasamalo bhagavato pattacivaram tattheva chamayam
nikkhipitva pakkami"ti. Tattha bhagavato pattacivaranti attano hatthagatam bhagavato
pattacivaram. Tatthevati tasmimyeva magge chamayam pathaviyam nikkhipitva pakkami. Idam
vo bhagava pattacivaram, sace icchatha. Ganhatha, yadi attana icchitamaggamyeva
gantukamatthati adhippayo. Bhagavapi attano pattacivaram sayameva gahetva
yathadhippetam maggam patipajji.
    Antaramagge cora nikkhamitvati tada kira pancasata purisa ludda
lohitapanino rajaparadhino hutva arannam pavisitva corikaya jivikam
kappenta "paripanthikabhavena ranno ayapatham pacchindissama"ti maggasamipe
aranne titthanti. Te theram tena maggena gacchantam disva "ayam samano
imina maggena agacchati, avalanjitabbam maggam valanjeti, amhakam atthibhavam
na janati, handa nam janapessama"ti kujjhitva gahanatthanato vegena
nikkhamitva sahasa theram bhumiyam patetva hatthapadehi kottetva mattikapattancassa
bhinditva civaram khandakhandikam chinditva pabbajitatta "tam na hanama, ito
patthaya imassa maggassa sappatibhayabhavam 1- janahi"ti vissajjesum. Tena vuttam
"atha kho ayasmato .pe. Vipphalesun"ti
@Footnote: 1 cha.Ma. parissayabhavam
    Bhagavapi "ayam tena maggena gato corehi badhito mam pariyesitva
idaneva agamissati"ti natva thokam gantva magga okkamma annatarasmim
rukkhamule nisidi. Ayasmapi kho nagasamalo paccagantva satthara gatamaggameva
gahetva gacchanto tasmim rukkhamule bhagavantam passitva upasankamitva vanditva
tam pavattim sabbam arocesi. Tena vuttam "atha kho ayasma nagasamalo
.pe. Sanghatinca vipphalesun"ti.
    Etamattham viditvati etam ayasmato nagasamalassa attano vacanam
anadiyitva akhemantamaggagamanam, attano ca khemantamaggagamanam viditva tadatthadipanam
imam udanam udanesi.
    Tattha saddhim caranti saha caranto. Ekato vasanti idam tasseva vevacanam,
saha vasantoti attho. Misso annajanena vedaguti veditabbatthena vedasankhatena
catusaccaariyamaggananena gatatta adhigatatta, vedassa va sakalassa neyyassa
param gatatta vedagu. Attano hitahitam na janatiti anno, avidva baloti
attho. Tena annena janena misso saha caranamattena misso. Vidva pajahati
papakanti tena vedagubhavena vidva jananto papakam abhaddakam attano
dukkhavaham pajahati, papakam va akalyanapuggalam pajahati. Yatha kim? konco
khirapakova ninnaganti yatha koncasakuno udakamissite khire upanite vina toyam
khiramattasseva pivanato khirapako ninnatthanagamanena ninnagasankhatam udakam pajahati
vajjeti, evam pandito kira duppannapuggalehi thananisajjadisu sahabhutopi
acarena te pajahati, na kadacipi sammisso hoti.
                       Sattamasuttavannana nitthita.
                         --------------



             The Pali Atthakatha in Roman Book 26 page 452-454. http://84000.org/tipitaka/atthapali/read_rm.php?B=26&A=10123&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=10123&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=175              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4280              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4588              The Pali Tipitaka in Roman Character :- http://84000.org/tipitaka/read/roman_read.php?B=25&A=4588              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com