AtthaPali Vol.26

4. Nihuhumkasuttavannana ^5- [4] Catutthe ajapalanigrodheti tassa kira chayayam ajapala gantva nisidanti, tenassa "ajapalanigrodho "tveva namam udapadi. Keci pana "yasma tattha vede sajjhayitum asamattha mahallakabrahmana pakaraparikkhepayuttani nivesanani katva sabbe vasimsu, tasma ajapalanigrodhoti namam jatan"ti vadanti. Tatrayam vacanattho:- na japantiti ajapa, mantanam anajjhayakati attho, ajapa lanti adiyanti nivasam etthati ajapaloti. Yasma va majjhantike samaye anto pavitthe aje attano chayaya paleti rakkhati, tasma `ajapalo'tissa @Footnote: ¹ Si.Ma. sattamaya rattiya ² vi.maha. 4/1/1 ³ vi.A. 3/7 (sya) @⁴ Ma. paccayanirodhapaccavekkhanavasena ⁵ cha.Ma. humhunkasutta... khu.u. 25/4/96 Namam rulhanti apare. Sabbathapi namametam tassa rukkhassa. Tassa samipe. Samipatthe hi etam bhummam "ajapalanigrodhe"ti. Vimuttisukhapatisamvediti ^1- tatrapi dhammam vicinanto ^2- vimuttisukhanca patisamvedento nisidi. Bodhirukkhato puratthimadisabhage esa rukkho hoti. Sattahanti ca idam na pallankasattahato anantarasattaham. Bhagava hi pallankasattahato aparanipi tini sattahani bodhisamipeyeva vitinamesi. Tatrayam anupubbikatha:- bhagavati kira sammasambodhim patva sattaham ekapallankena nisinne "na bhagava vutthati, kinnu kho annepi ^3- buddhattakara dhamma atthi"ti ekaccanam devatanam kankha udapadi. Atha bhagava atthame divase samapattito vutthaya devatanam kankham natva kankhavidhamanattham akase uppatitva yamakapatihariyam dassetva tasam kankham vidhametva pallankato isakam pacinanissite uttaradisabhage thatva cattari asankhyeyyani kappasatasahassanca upacitanam paraminam phaladhigamatthanam ^4- pallankam bodhirukkhanca animisehi cakkhuhi olokayamano sattaham vitinamesi, tam thanam animisacetiyam nama jatam. Atha pallankassa ca thitatthanassa ca antara puratthimato ca pacchimato ca ayate ratanacankame cankamanto sattaham vitinamesi, tam thana ^5- ratanacankamacetiyam nama jatam. Tato pacchimadisabhage devata ratanagharam mapayimsu, tattha pallankena nisiditva abhidhammapitakam visesato anantanayam samantapatthanam vicinanto sattaham vitinamesi, tam thanam ratanagharacetiyam nama jatam. Evam bodhisamipeyeva cattari sattahani vitinametva pancame sattahe bodhirukkhamulato ^6- ajapalanigrodham upasankamitva tassa mule pallankena nisidi. @Footnote: ¹ ka. vimuttisukham patisamvediti ² Ma. vicinantoye antarantara ³ Ma. ajjapi @⁴ Si. punnadigamaniyatthanam phalasamapattadigamatthanam, Ma. punnadigamaniyatthanam @baladigamaniyatthanam ⁵ cha.Ma. ayam patho na dissati ⁶ cha.Ma. bodhirukkhato Tamha samadhamha vutthasiti tato laphasamapattisamadhito yathakalaparicchedam hi, vutthahitva ca pana tattha evam nisinne bhagavati eko brahmano tam gantva panham pucchi. Tena vuttam "athakho annataro"tiadi. Tattha annataroti namagottavasena anabhinnato apakato eko. Humhunkajatikoti ^1- so kira ditthamangaliko manathaddho manavasena kodhavasena ca sabbam avokkhajatikam passitva jiguctanto "humhun"ti karonto vicarati, tasma "humhunkajatiko"ti vuccati "huhukkajatiko"tipi patho. Brahmanoti jatiya brahmano. Yena bhagavati yassam disayam bhagava nisinno. Bhummatthe hi etam karanavacanam. Yena va disabhagena bhagava upasankamitabbo, tena disabhagena upasankami. Athava yenati hetuatthe karanavacanam, yena karanena bhagavaa devamanussehi upasankamitabbo, tena karanena upasankamiti attho. Kena ca karanena bhagava upasankamitabbo? nanappakararogadukkhabhipilitatta aturakayehi mahajanehi mahanubhavo bhisakko viya rogatikicchanattham, nanavidhakilesabyadhipilitatta aturacittehi devamanussehi kilesabyadhitikicchanattham, dhammassavanapanhapucchanadikaranehi bhagava upasankamitabbo. Tena ayampi brahmano attano kankham chinditukamo upasankami. Upasankamitvati upasankamanapariyosanadipanam. Athava yam thanam upasankami, tatopi bhagavato samipabhutam asannataram thanam upagantvati attho. Sammoditi samam samma va modi. Bhagava canena, sopi ^2- bhagavata "kacci bhoto khamaniyam kacci yapaniyan"tiadina patisantharakaranavasena samappavattamodo ahosi. Sammodaniyanti sammodanaraham sammodajananayoggam. Kathanti kathasallapam. Saraniyanti saritabbayuttam sadhujanehi pavattetabbam, kalantare va cintetabbam vitisaretvati nitthapetva. @Footnote: ¹ Si.,ka. huhunkajatiko ² Si. bhagavato vacanena modi Ekamantanti bhavanapumsakaniddeso. Ekasmim thane, abhisammukhadike cha nisajjadose vajjetva ekasmim padeseti attho. Etadavocati etam idani vattabbam "kittavata nu kho"tiadivacanam avoca. Tattha kittavatati kittakena pamanena. Nuti samsayatthe nipato. Khoti padapurane bhoti brahmananam jatisamudagatam alapanam. Tatha hi vuttam "bhovadi nama so hoti, sace hoti sakincano"ti. ^1- Gotamati bhagavantam gottena alapati. Katham panayam brahmano sampatisamagato bhagavato gottam janatiti? nayam Sampatisamagato, chabbassani padhanakaranakale upatthahantehi pancavaggiyehi saddhim caramanopi, aparabhage tam vattam chaddetva uruvelayam senanigame ^2- eko adutiyo hutva pindaya caramanopi tena brahmanena ditthapubbo ceva sallapitapubbo ca. Tena so pubbe pancavaggiyehi gayhamanam bhagavato gottam anussaranto "bho gotama"ti bhagavantam gottena alapati. Yato patthaya va bhagava mahabhinikkhamanam nikkhamanto anomanaditire pabbajito, tato pabhuti "samano gotamo"ti cando viya suriyo viya ca pakato pannato, na tassa gottajanane karanam gavesitabbam. Brahmanakaranati brahmanam karonatiti brahmanakarana, brahmanabhavakarati attho. Ettha ca kittavatati etena yehi dhammehi brahmano hoti, tesam dhammanam parimanam pucchati. Katame ca panati imina tesam sarupam pucchati. Etamattham viditvati etam tena putthassa panhassa sikhapattam attham ^3- viditva tayam velayam imam udanam udanesi, na pana tassa brahmanassa dhammam desesi. Kasma? dhammadesanaya abhajanabhavato. Tathahi tassa brahmanassa imam gatham sutva na saccabhisamayo ahosi. Yatha ca imassa, evam upakassa ajivakassa buddhagunappakasanam. @Footnote: ¹ Ma.Ma. 13/457/449 ² Si. senaninigame ³ Si. siyapattatam Dhammacakkappavattanato hi pubbabhage bhagavata bhasitam paresam ^1- sunantanampi tapussabhallikanam ^2- saranadanam viya vasanabhagiyameva jatam, na sekkhabhagiyam, na nibbedhabhagiyam. Esa hi dhammatati. Tattha yo brahmanoti yo bahitapapadhammataya brahmano, na ditthamangalikataya huhunkarakasavadipapadhammayutto hutva kevalam jatimattakena brahmannam patijanati. So brahmano bahitapapadhammatta huhunkarappahanena nihuhunko, ragadikasavabhavena nikkasavo, bhavananuyogayuttacittataya yatatto, silasamyamena va samyatacittataya yatatto, catumaggananasankhatehi vedehi antam sankharapariyosanam nibbanam, vedanam va antam gatatta vedantagu. Maggabrahmacariyassa vusitatta vusitabrahmacariyo, dhammena so brahmavadam vadeyya "brahmano ahan"ti etam vadam dhammena nayena vadeyya, yassa sakalalokasannivasepi kuhinci ekarammanepi ragussado dosussado mohussado manussado ditthussadoti ime ussada natthi, anavasesam pahinati attho. Catutthasuttavannana nitthita. -------------

The Pali Atthakatha in Roman Book 26 page 53-57. http://84000.org/tipitaka/atthapali/read_rm.php?B=26&A=1193&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=1193&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=41 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1493 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1496 The Pali Tipitaka in Roman Character :- http://84000.org/tipitaka/read/roman_read.php?B=25&A=1496 Contents of The Tipitaka Volume 25 http://84000.org/tipitaka/read/?index_25