ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                         9. Sippasuttavannana
    [29] Navame ko nu kho sippam janatiti avuso amhesu idha sannipatitesu
ko nu jivitanimittam sikkhitabbatthena "sippan"ti laddhanamam yankinci
Ajivam vijanati. Ko kim sippam sikkhiti ko digharattam sippacariyakulam
payirupasitva agamato payogato ca hatthisippadisu kim sippam sikkhi. Kataram sippam
sippanam agganti sabbasippanam agarayhataya mahapphalataya akicchasiddhiya 1- ca kataram
sippam aggam uttamam, yam nissaya sukhena sakka jivitunti adhippayo.
Tatthekacceti tesu bhikkhusu ekacce bhikkhu. Ye hatthacariyakula pabbajita, te.
Evamahamsuti te evam bhanimsu. Ito parampi "ekacce"ti vuttatthane eseva nayo.
Hatthisippanti yam hatthinam parigganhanadamanasaranarogatikicchadibhedam kattabbam, tam
uddissa pavattam sabbampi sippam idha "hatthisippan"ti adhippetam. Assasippanti
etthapi eseva nayo. Rathasippam pana rathayogganam damanasaranadividhanavasena ceva rathassa
karanavasena ca veditabbam. Dhanusippanti issasasippam, yo dhanubbedhoti vuccati.
Tharusippanti sesaavudhasippam. Muddasippanti hatthamuddaya gananasippam.
Gananasippanti acchiddakagananasippam. 2- Sankhanasippanti sankalanapatuppadanadivasena
pindagananasippam. Tam yassa pagunam hoti, so rukkhampi disva ettakani ettha
pannani"ti bhanitum janati. Lekhasippanti nanakarehi akkharalikhanasippam, lipinnanam
va. Kaveyyasippanti attano cintavasena va parato patiladdhamutavasena va, "imassa
ayamattho, evam nam yojessami"ti evam attavasena va, kincideva kabbam disva
"tappatibhagam kabbam karissami"ti thanuppattikapatibhanavasena va cintakaviadinam
catunnam kavinam kabbakaranasippam. Vuttanhetam bhagavata:-
           "cattarome bhikkhave kavi cintakavi sutakavi atthakavi patibhanakavi"ti. 3-
    Lokayatasippanti "kako seto atthinam setatta, balaka ratta lohitassa
rattatta"ti evamadinayappavattam paralokanibbananam patisedhakam vitandasatthasippam.
@Footnote: 1 Ma. kiccasiddhiya  2 Ma. acchindakagananasippam
@3 ana. catukka. 21/231/257
Khattavijjasippanti abbheyyamasurakkhadinitisatthasippam. 1- Imani kira dvadasa
mahasippani nama. Tenevaha tattha tattha "sippanam aggan"ti.
    Etamattham viditvati etam sabbasippayatananam jivikatthataya vattadukkhato
anissaranabhavam, siladinamyeva pana suparisuddhanam nissaranabhavam, tamsamanginoyeva ca
bhikkhubhavam sabbakarato viditva tadatthavibhavanam imam udanam udanesi.
    Tattha asippajiviti catunnam tanhuppadanam samucchedaduravikkhambhanena 2- paccayasaya
visositatta yankinci upanissaya jivikam na kappetiti asippajivi, etena
ajivaparisuddhisilam dasseti. Lahuti appakiccataya sallahukavuttitaya ca lahu
abahulasambharo, etena catuppaccayasantosasiddham subharatam dasseti. Atthakamoti sadevakassa
lokassa atthameva kametiti atthakamo, etena sattanam anatthaparivajjanassa pakasitatta
patimokkhasamvarasilam dasseti panatipatadianatthaviramanaparidipanato. Yatindriyoti
cakkhvadinam channam indriyanam abhijjhadyappavattito sannamena yatindriyo,
etena indriyasamvarasilam vuttam. Sabbadhi vippamuttoti evam suparisuddhasilo
catuppaccayasantose avatthito sappaccayam namarupam pariggahetva aniccadivasena
sankhare sammasanto vipassanam ussukkapetva tato param patipatiya pavattitehi
catuhi ariyamaggehi samyojananam pahinatta sabbadhi sabbattha bhavadisu vippamutto.
    Anokasari amamo nirasoti tatha sabbadhi vippamuttatta eva okasankhatesu
chasupi ayatanesu tanhabhisaranassa abhavena anokasari, rupadisu katthaci
mamankarabhavato amamo, sabbena sabbam anasimsanato niraso. Hitva manam ekacaro
sa bhikkhuti evambhuto ca so arahattamaggappattisamakalameva anavasesam manam
hitva pajahitva ime bhikkhu viya ganasanganikam akatva pavivekakamataya
@Footnote: 1 Ma. angeyyamasurakkhadinitasatthasippam, ka. ajjheyyamasurakkhadinitisatthasippam
@2 ka. suduravikkhambhanena
Tanhasahayavirahena ca sabbiriyapathesu ekacaro, so sabbaso bhinnakilesatta paramatthato
bhikkhu nama. Ettha ca "asippajivi"tiadina lokiyaguna kathita, "sabbadhi
vippamutto"tiadina lokuttaraguna kathita. Tattha asippajivitiadi "vibhave 1-
thitasseva ayam dhammo, na sippam nissaya micchajivena jivikam kappentassa,
tasma sippesu saraggahanam vissajjetva adhisiladisuyeva tumhehi sikkhitabban"ti
dasseti.
                       Navamasuttavannana nitthita.
                         ---------------



             The Pali Atthakatha in Roman Book 26 page 215-218. http://84000.org/tipitaka/atthapali/read_rm.php?B=26&A=4835&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=4835&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=83              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2384              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2420              The Pali Tipitaka in Roman Character :- http://84000.org/tipitaka/read/roman_read.php?B=25&A=2420              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]