AtthaPali Vol.26

6. Pindolasuttavannana [36] Chatthe pindolabharadvajoti pindam ulamano pariyesamano pabbajitoti pindolo. So kira parijinnabhogo brahmano hutva mahantam bhikkhusamghassa labhasakkaram disva pindatthaya nikkhamitva pabbajito. So mahantam @Footnote: ¹ ka. abhinandati Kapallam "pattan"ti gahetva carati, kapallapuram yagum pivati, bhattam bhunjati, puvakhajjakanca khadati. Athassa mahagghasabhavam satthu arocayimsu. Sattha tassa pattatthavikam nanujani, ^1- hetthamance pattam nikkujjitva thapeti, so thapentopi ghamsentova panametva thapeti, ganhantopi ghamsentova akaddhitva ganhati. Tam gacchante gacchante kale ghamsanena parikkhinam, nalikodanamattasseva ganhanakam jatam. Tato satthu arocesum, athassa sattha pattatthavikam anujani. Thero aparena samayena indriyabhavanam bhavento aggaphale arahatte patitthasi. Iti so pubbe savisesam ^2- pindatthaya ulatiti pindolo, gottena pana bharadvajoti ubhayam ekato katva "pindolabharadvajo"ti vuccati. Arannakoti gamantasenasanapatikkhipanena aranne nivaso assati arannako, arannakadhutangam samadaya vattantassetam namam. Tatha bhikkhasankhatanam amisapindanam pato pindapato, parehi dinnanam pindanam patte nipatananti attho. Pindapatam unchati tam tam kulam upasankamanto gavesatiti pindapatiko. Pindaya va patitum caritum vattametassati pindapati, pindapatiyeva pindapatiko. Sankarakutadisu pamsunam upari thitatta abbhuggatatthena pamsukulam viyati pamsukulam, pamsu viya va kucchitabhavam ulati gacchatiti pamsukulam, pamsukulassa dharanam pamsukulam, tam silam etassati pamsukuliko. Sanghatiuttarasangaantaravasakasankhatani tini civarani ticivaram, ticivarassa dharanam ticivaram, tam silam etassati tecivariko. Appicchotiadinam padanam attho hettha vuttoyeva. Dhutavadoti dhuto vuccati dhutakileso puggalo, kilesadhunanakadhammo va. Tattha atthi dhuto, na dhutavado, atthi na dhuto, dhutavado, atthi neva dhuto, @Footnote: ¹ ka. nanujanati ² Si. amisamesam Na dhutavado, atthi dhuto ceva dhutavado cati idam catukkam veditabbam. Tesu yo sayam dhutadhamme samadaya vattati, na param tadatthaya samadapeti, ayam pathamo. Yo pana sayam na dhutadhamme samadaya vattati, param samadapeti, ayam dutiyo. Yo ubhayarahito, ayam tatiyo. Yo pana ubhayasampanno, ayam catuttho. Evarupo ca ayasma pindolabharadvajoti tena vuttam "dhutavado"ti. Ekadesasarupekasesavasena hi ayam niddeso yatha tam "namarupan"ti. Adhicittamanuyuttoti etatha atthasamapattisampayogato arahattaphalasamapattisampayogato va cittassa adhicittabhavo veditabbo, idha pana "arahattaphalacittan"ti vadanti. Tamtamsamapattisu samadhi eva adhicittam, idha pana arahattaphalasamadhi veditabbo. Keci pana "adhicittamanuyuttena bhikkhave bhikkhuna kalena kalam tini nimittani manasikatabbani"ti etasmim adhicittasutte ^1- viya samathavipassanacittam adhicittanti idhadhippetan"ti vadanti, tam na sundaram. Purimoyevattho gahetabbo. Etamattham viditvati etam ayasmato pindolabharadvajassa adhitthanaparikkharasampadasampannam adhicittanuyogasankhatam attham sabbakarato viditva. Evam ^2- "adhicittanuyogo mama sasananutthanan"ti ^3- dipento imam udanam udanesi. Tattha anupavadoti vacaya kassacipi anupavadanam. Anupaghatoti kayena kassaci upaghatakaranam. Patimokkheti ettha patimokkhapadassa attho hettha nanappakarehi vutto, tasmim patimokkhe. Sattannam apattikkhandhanam avitikkamalakkhano samvaro. Mattannutati patiggahanaparibhogavasena pamanannuta. Pantanca sayanasananti vivittam sanghattanavirahitam senasanam. Adhicitte ca ayogoti atthannam samapattinam adhigamaya bhavananuyogo. @Footnote: ¹ an. tika. 20/103/250 ² Ma. etam ³ Si. sasananti Aparo nayo:- anupavadoti kassacipi uparujjhanavacanassa avadanam. Tena sabbampi vacasikasilam sanganhati. Anupaghatoti kayena kassaci upaghatassa paravihethanassa akaranam. Tena sabbampi kayikasilam sanganhati. Yadisam panidam ubhayam buddhanam sasanantogadham hoti, tam dassetum "patimokkhe ca samvaro"ti vuttam. Casaddo nipatamattam. Patimokkhe ca samvaroti patimokkhasamvarabhuto anupavado anupaghato cati attho. Atha va patimokkheti adhikarane bhummam. Patimokkhe nissayabhute samvaro. Ko pana soti? anupavado anupaghato. Upasampadavelayam hi avisesena Patimokkhasilam samadinnam nama hoti, tasmim patimokkhe thitassa tato param upavadupaghatanam akaranavasena samvaro, so anupavado anupaghato cati vutto. Atha va patimokkheti nipphadetabbe bhummam yatha "cetaso avupasamo ayoniso manasikarapadatthanan"ti ^1- tena patimokkhena sadhetabbo anupavado anupaghato patimokkhasamvarasangahito anupavado anupaghato icceva attho. Samvaroti ^2- imina pana satisamvaro nanasamvaro khantisamvaro viriyasamvaroti imesam catunnam samvaranam gahanam, patimokkhasadhanam idam samvaracatukkam. Mattannuta ca bhattasminti pariyesanapatiggahanaparibhogavissajjananam vasena bhojane pamanannuta. Pantanca sayanasananti bhavananukulam arannarukkhamuladivivittasenasanam. Adhicitte ca ayogoti sabbacittanam adhikatta uttamatta adhicittasankhate arahattaphalacitte sadhetabbe tassa nipphadanattham samathavipassana- bhavanavasena ayogo. Etam buddhanasasananti etam parassa anupavadanam, anupaghatanam, patimokkhasamvaro, pariyesanapatiggahanadisu mattannuta, vivittavaso, @Footnote: ¹ sam.maha. 19/232/92 ² ka. samvaro cati Yathavuttaadhicittanuyogo ca buddhanam sasanam ovado anusitthiti attho. Evam imaya gathaya tisso sikkha kathitati veditabba. Chatthasuttavannana nitthita. -------------

The Pali Atthakatha in Roman Book 26 page 268-272. http://84000.org/tipitaka/atthapali/read_rm.php?B=26&A=6013&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=6013&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=100 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2712 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2785 The Pali Tipitaka in Roman Character :- http://84000.org/tipitaka/read/roman_read.php?B=25&A=2785 Contents of The Tipitaka Volume 25 http://84000.org/tipitaka/read/?index_25