ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                        7. Sariputtasuttavannana
    [37] Sattame apubbam natthi. Gathaya adhicetasoti adhicittavato,
sabbacittanam adhikena arahattaphalacittena samannagatassati attho. Appamajjatoti
na pamajjato, appamadena anavajjadhammesu sataccakiriyaya samannagatassati
vuttam hoti. Muninoti "yo munati ubho loke, muni tena pavuccati"ti 1- evam
ubhayalokamunanena monam vuccati nanam, tena arahattaphalananasankhatena nanena
samannagatatta va khinasavo muni nama, tassa munino. Monapathesu sikkhatoti
arahattananasankhatassa monassa pathesu sattattimsabodhipakkhiyadhammesu tisu va
sikkhasu sikkhato. Idanca pubbabhagappatipadam gahetva vuttam. Parinitthitasikkho hi
araha, tasma evam sikkhato, imaya sikkhaya munibhavam pattassa muninoti
evamettha attho datthabbo. Yasma ca etadeva, tasma hetthimamaggaphalacittanam
vasena adhicetaso, catusaccasambodhapatipattiyam appamadavasena appamajjato,
maggananasamannagamena muninoti evametesam tinnam padanam attho yujjatiyeva.
Atha va "appamajjato sikkhato"ti padanam hetuatthata datthabba appamajjanahetu
sikkhanahetu ca adhicetasoti.
    Soka na bhavanti tadinoti tadisassa khinasavamunino abbhantare
atthaviyogadivatthuka soka cittasantapa na honti. Atha va tadinoti
@Footnote: 1 khu.dha. 25/269/63. khu.cula.30/164/84 (sya)
Tadilakkhanasamannagatassa evarupassa munino soka na bhavantiti ayamettha
atatho. Upasantassati ragadinam accantupasamena upasantassa. Sada satimatoti
sativepullappattiya niccakalam satiya avirahitassa.
    Ettha ca "adhicetaso"ti imina adhicittasikkha, "appamajjato"ti etena
adhisilasikkha, "munino monapathesu sikkhato"ti etehi adhipannasikkha. "munino"ti
va etena adhipannasikkha, "monapathesu sikkhato"ti etena tasam lokuttarasikkhanam
pubbabhagapatipada, "soka na bhavanti"tiadihi sikkhaparipuriya anisamso
pakasitoti veditabbam. Sesam vuttanayameva.
                       Sattamasuttavannana nitthita.
                        ----------------



             The Pali Atthakatha in Roman Book 26 page 272-273. http://84000.org/tipitaka/atthapali/read_rm.php?B=26&A=6089&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=6089&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=101              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2728              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2803              The Pali Tipitaka in Roman Character :- http://84000.org/tipitaka/read/roman_read.php?B=25&A=2803              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]