ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                         7. Subhutisuttavannana
    [57] Sattame subhutiti tassa therassa namam, so hi ayasma padumuttarassa
bhagavato padamule katabhiniharo kappasatasahassam upacitapunnasambharo imasmim
buddhuppade ularavibhave gahapatikule uppanno bhagavato dhammadesanam sutva
samvegajato ghara nikkhamma pabbajitva katadhikaratta ghatento vayamanto nacirasseva
chalabhinno jato, brahmaviharabhavanaya pana ukkamsaparamippattiya "etadaggam
bhikkhave mama savakanam bhikkhunam aranaviharinam yadidam subhuti"ti 1- aranavihare
bhagavata etadagge thapito. So ekadivasam sayanhasamayam divatthanato viharanganam
otinno catupparisamajjhe bhagavantam dhammam desentam disva "desanapariyosane
vutthahitva vandissami"ti kalaparicchedam katva bhagavato avidure annatarasmim
rukkhamule nisinno phalasamapattim samapajji. Tena vuttam "tena kho pana samayena
ayasma subhuti .pe. Samapajjitva"ti.
    Tattha dutiyajjhanato patthaya rupavacarasamadhi sabbopi arupavacarasamadhi
avitakkasamadhi eva. Idha pana catutthajjhanapadako arahattaphalasamadhi
@Footnote: 1 an. ekaka. 20/201-2/24
"avitakkasamadhi"ti adhippeto. Dutiyajjhanadihi pahina micchavitakka na tava supahina
accantappahanabhavato, ariyamaggena pana pahina eva puna pahanakiccabhavato
tasma aggamaggapariyosanabhuto arahattaphalasamadhi sabbesam micchavitakkanam
pahanante uppannatta visesato "avitakkasamadhi"ti vattabbatam arahati, pageva
catutthajjhanapadako. Tena vuttam "idha pana catutthajjhanapadako arahattaphalasamadhi
`avitakkasamadhi'ti adhippeto"ti.
    Etamattham viditvati etam ayasmato subhutissa sabbamicchavitakka-
sabbasankilesappahanasankhatam attham sabbakarato janitva tadatthadipakam imam udanam
udanesi.
    Tattha yassa vitakka vidhupitati yena ariyapuggalena, yassa va ariyapuggalassa
kamavitakkadayo sabbepi micchavitakka vidhupita ariyamaggananena santapita
samucchinna. Ajjhattam suvikappita asesati niyakajjhattasankhate attano santane
uppajjanaraha suvikappita sutthu vikappita asesato, kincipi asesetva sutthu
samucchinnati 1- attho. Tam sangamaticca arupasanniti ettha tanti nipatamattam.
Atha va hetuattho tamsaddo. Yasma anavasesato 2- micchavitakka samucchinna,
tasma ragasangadikam pancavidham sangam sabbampi va kilesasangam aticca atikkamitva
atikkamanahetu rupasabhavabhavato ruppanasankhatassa ca vikarassa tattha abhavato
nibbikarahetubhavato va "arupan"ti laddhanamam nibbanam arammanam katva
pavattahi maggaphalasannahi arupasanni. Catuyogatigatoti kamayogo bhavayogo
ditthiyogo avijjayogoti cattaro yoge yatharaham catuhipi maggehi atikkamitva
gato. Na jatumetiti makaro padasandhikaro, jatu ekamseneva punabbhavaya na eti,
ayatim punabbhavabhinibbatti tassa natthiti attho. "na jatimeti"tipi pathanti,
@Footnote: 1 cha.Ma. asesetva susamucchinnati  2 cha.Ma. anavasesena
So evattho. Iti bhagava ayasmato subhutissa arahattaphalasamapattiviharam
anupadisesanibbananca arabbha pitivegavissattham udanam udanesi.
                       Sattamasuttavannana nitthita.
                          -------------



             The Pali Atthakatha in Roman Book 26 page 373-375. http://84000.org/tipitaka/atthapali/read_rm.php?B=26&A=8360&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8360&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=143              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3675              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3972              The Pali Tipitaka in Roman Character :- http://84000.org/tipitaka/read/roman_read.php?B=25&A=3972              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]