AtthaPali Vol.26

10. Uppajjantisuttavannana [60] Dasame yavakivanti yattakam kalam. Yatoti yada, yato patthaya, yasmim kaleti va attho. Evametam anandati ananda tathagate uppanne tathagatassa tathagatasavakanamyeva ca labhasakkaro abhivaddhati, titthiya pana nitteja nippabha ^1- pahinalabhasakkara hontiti yam taya vuttam, etam evam, na etassa annathabhavo. Cakkavattino hi cakkaratanassa patubhavena loko cakkaratanam muncitva annattha pujasakkarasammanam nappavatteti, cakkaratanameva pana sabbo loko sabbabhavehi sakkaroti garum karoti maneti pujeti. Iti @Footnote: ¹ cha.Ma. vihatappabha

--------------------------------------------------------------------------------------------- page383.

Vattanusaripunnamattanissandassapi tava mahanto anubhavo, kimangam pana vivattanusaripunnabalupatthambhassa anantaparimeyyagunaganadharassa buddharatanassa dhammaratanassa samgharatanassa cati dasseti. Bhagava hi sammasambodhim patva pavattavaradhammacakko anukkamena loke ekasatthiya arahantesu jatesu satthi arahante janapadacarikatthaya vissajjetva uruvelam gantva uruvelakassapappamukhe sahassajatile arahatte patitthapetva tehi parivuto latthivanuyyane nisiditva bimbisarappamukhanam angamagadhavasinam dvadasanahutani sasane otaretva yada rajagahe vihasi, tato patthaya bhagavato bhikkhusamghassa ca yatha yatha uparupari ularalabhasakkaro abhivaddhati, tatha tatha sabbatitthiyanam labhasakkaro parihayi eva. Athekadivasam ayasma anando divatthane nisinno bhagavato ca ariyasamghassa ca sammapatipattim paccavekkhitva pitisomanassajato "katham nu kho titthiyanan"ti tesam patipattim avajjesi. Athassa nesam sabbathapi duppatipattiyeva upatthasi. So "evammahanubhave nama punnupanissayassa sammapatipattiya ^1- ca ukkamsaparamippatte bhagavati, ariyasamghe ca dharante katham ime annatitthiya evam duppatipanna akatapunna varaka labhino sakkata bhavissanti"ti titthiyanam labhasakkarahanim nissaya karunnam uppadetva atha attano parivitakkam "yavakivanca bhante"tiadina bhagavato arocesi. Bhagava ca tam "ananda taya miccha parivitakkitan"ti avatva suvannalingasadisam ^2- givam unnametva supupphitasatapattasassirikam mahamukham abhippasannataram katva "evametam ananda"ti sampahamsitva "yavakivanca"tiadina tassa vacanam paccanumodi. Tena vuttam @Footnote: ¹ cha.Ma. dhammanudhammappatipattiya ² Si. suvannamudingasadisam

--------------------------------------------------------------------------------------------- page384.

"atha kho ayasma anando .pe. Bhikkhusamgho ca"ti. Atha bhagava tassa atthuppattiyam atitepi mayi anuppanne ekacce nicajana sammanam labhitva mama uppadato patthaya hatalabhasakkara ahesunti baverujatakam ^1- kathesi. Etamattham vitvati ditthigatikanam tava sakkarasammano yava na sammasambuddha loke uppajjanti, tesampana uppadato patthaya te hatalabhasakkara nippabha nittejava honti, duppatipattiya dukkhato ca na muccantiti etamattham sabbakarato viditva tadatthadipakam imam udanam udanesi. Tattha obhasati tava so kimiti so khajjupanakakimi tavadeva obhasati jotati dippati. ^2- Yava na unnamate ^3- pabhankaroti tisupi mahadipesu ekakkhane alokakaranena "pabhankaro"ti laddhanamo suriyo yava na uggamati na udeti. Anuggate hi suriye laddhobhasa khajjupanaka viparivattamanapi kantakaphalasadisa tamasi vijjotanti. Verocanamhi uggate, hatappabho hoti na capi bhasatiti samantato andhakaram vidhamitva kiranasahassena virocanasabhavataya verocananamake adicce utthite so khajjupanako hatappabho nittejo kalako hoti, rattandhakare viya na bhasati dippati. ^2- Evam obhasitameva takkikananti ^4- yatha tena khajjupanakena suriyuggamanato pureyeva obhasitam hoti, evam takketva vitakketva parikappanamattena ditthinam gahanato "takkika"ti laddhanamehi titthiyehi obhasitam attano samayatejena dipetva adhitthitam tava, yava sammasambuddha loke nuppajjanti na takkika sujjhanti na capi savakati yada pana sammasambuddha loke uppajjanti, tada @Footnote: ¹ ka. paveru..., khu.ja. 27/654 adi/154 (sya) ² cha.Ma. dibbati @³ Si. na udeti, ka. na unnamati ⁴ Si. titthiyananti

--------------------------------------------------------------------------------------------- page385.

Ditthigatika na sujjhanti na sobhanti, na capi tesam savaka sobhanti, annadatthu vihatasobha rattikhitta viya sara na pannayanteva. Atha va yava sammasambuddha loke nuppajjanti, tavadeva takkikanam obhasitam attano samayena jotanam balalapanam, na tato param. Kasma? yasma na takkika sujjhanti, na capi savaka. Te hi durakkhatadhammavinaya sammapatipattirahita na samsarato sujjhanti aniyyanikasasanatta. Tenaha "dudditthi na dukkha pamuccare"ti. Takkika hi ayathavaladdhikataya dudditthi micchabhinivitthaditthika viparitadassana tam ditthim anissajjitva samsaradukkhato na kadacipi muccantiti. Dasamasuttavannana nitthita. Nitthita ca jaccandhavaggavannana ---------------

The Pali Atthakatha in Roman Book 26 page 382-385. http://84000.org/tipitaka/atthapali/read_rm.php?B=26&A=8568&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8568&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=146 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3736 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4025 The Pali Tipitaka in Roman Character :- http://84000.org/tipitaka/read/roman_read.php?B=25&A=4025 Contents of The Tipitaka Volume 25 http://84000.org/tipitaka/read/?index_25