Atthakatha Book 26 : PALI ROMAN
U.A. (paramatthadi.)

                        4. Dutiyasattasuttavannana
    [64] Catutthe andhikatati kasa nama anandhampi andham karonti.
Yathaha:-
               "luddho attham na janati       luddho dhammam na passati
                andhatamam tada hoti          yam lobho sahate naran"ti. 1-
Tasma kamena anandhapi andha katati andhikata. Sesam anantarasutte vuttanayameva.
Tattha hi manussanam pavatti bhikkhuhi disva bhagavato arocita, idha bhagavata
samamyeva ditthati ayameva viseso. Sattha savatthito nikkhamitva jetavanam
gacchanto antaramagge aciravatiyam nadiyam macchabandhehi odditam kuminam pavisitva
nikkhantum asakkonte  bahu macche passi, tato aparabhage ekam khirapakam vaccham
goravam katva anubandhitva thannapipasaya givam pasaretva matu antarasatthiyam
mukham upanentam passi. Atha bhagava viharam pavisitva pade pakkhaletva
pannattavarabuddhasane nisinno pacchimam vatthudvayam purimassa upamanabhavena
gahetva imam udanam udanesi.
@Footnote: 1 khu.iti. 25/88/305, khu. maha. 29/22/17. khu.cula. 30/692/351 (sya)
    Tattha kamandhati vatthukamesu kilesakamena andha vicakkhuka kata.
Jalasanchannati sakaattabhavaparaattabhavesu ajjhattikabahirayatanesu, tannissitesu
ca dhammesu atitadivasena anekabhedabhinnesu hetthupariyavasena aparaparam uppattiya
antogadhanam anatthavahato ca jalabhutaya tanhaya sukhumacchiddena jalena
parivuto viya udakarahado sanchanna paligunthita ajjhotthata. Tanhachadanachaditati
tanhasankhatena chadanena sevalapanakena viya udakam chadita, paticchanna
pihitati attho. Padadvayenapi kamacchandanivaranena nivaritam kusalacittacaratam
dasseti.
    Pamattabandhuna baddhati kilesamarena devaputtamarena ca baddha. Yadaggena
hi kilesamarena baddha, tadaggena devaputtamarenapi baddha nama honti.
Vuttanhetam:-
               "antalikkhacaro paso       yvayam carati manaso
                tena tam badhayissami       na me samana mokkhasi"ti. 1-
Namuci kanho pamattabandhuti tini marassa namani. Devaputtamaropi hi kilesamaro
viya anatthena pamatte satte bandhatiti pamattabandhu. "pamatta bandhane
baddha"tipi 2- pathanti. Tattha bandhaneti kamagunabandhaneti attho. Baddhati
niyamita. Yatha kim? macchava kuminamukhe yatha nama macchabandhakena odditassa
kuminassa mukhe pavittha maccha tena baddha hutva maranam enti papunanti,
evameva marena odditena kamagunabandhanena baddha ime satta jaramaranamanventi.
Vaccho khirapakova mataram yatha khirapayi tarunavaccho attano mataram anveti
@Footnote: 1 vi. maha. 4/33/28, sam.sa. 15/151/135  2 Si.,Ma. pamattabandhane baddhatipi
Anugacchati, na annam. Evam marabandhanabaddha satta samsare paribbhamanta
maranameva anventi anugacchanti, na ajaram amaranam nibbananti adhippayo.
                       Catutthasuttavannana nitthita.
                          -------------


             The Pali Atthakatha in Roman Book 26 page 392-394.
http://84000.org/tipitaka/atthapali/read_rm.php?B=26&A=8775&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=26&A=8775&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=25&i=150
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=3823
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=4119
             The Pali Tipitaka in Roman Character :-
http://84000.org/tipitaka/read/roman_read.php?B=25&A=4119
             Contents of The Tipitaka Volume 25
http://84000.org/tipitaka/read/?index_25