ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                     5. Aparalakuntakabhaddiyasuttavannana
    [65] Pancame sambahulanam bhikkhunam pitthito pitthitoti ayasma
lakuntakabhaddiyo ekadivasam sambahulehi bhikkhuhi saddhim gamantarena pindaya
caritva katabhattakicco pattam vodakam katva thavikaya pakkhipitva amse laggetva
civaram sangharitva tampi vamamse thapetva pasadikena abhikkantena patikkantena
alokitena vilokitena saminjitena pasaritena okkhittacakkhu iriyapathasampanno
attano satipannavepullam pakasento viya satisampajannam supatthitam katva
samahitena cittena pade padam nikkhipanto gacchati, gacchanto ca bhikkhunam pacchato
pacchato gacchati tehi bhikkhuhi asammisso. Kasma? asamsatthaviharitaya. Apica
tassa ayasmato rupam paribhutam paribhavatthaniyam puthujjana ohilenti. Thero tam
janitva pitthito pitthito gacchati "ma ime mam nissaya apunnam pasavimsu"ti.
Evam te bhikkhu ca thero ca savatthim patva viharam pavisitva yena bhagava
tenupasankamanti. Tena vuttam "tena kho pana samayena ayasma
lakuntakabhaddiyotiadi,
    tattha dubbannanti virupam. Tenassa vannasampattiya santhanasampattiya
ca abhavam dasseti. Duddasikanti apasadikadassanam. Tenassa anubyanjanasampattiya
akarasampattiya ca abhavam dasseti. Okotimakanti rassam. Imina arohasampattiya
Abhavam dasseti. Yebhuyyena bhikkhunam paribhutarupanti puthujjanabhikkhuhi ohilitarupam.
Puthujjana ekacce chabbaggiyadayo tassa ayasmato gunam  ajananta
hatthakannaculikadisu ganhanta paramasanta kilanta paribhavanti, na ariya
kalyanaputhujjana va.
    Bhikkhu amantesiti kasma amantesi? therassa gunam pakasetum. Evam kira
Bhagavato ahosi "ime bhikkhu mama puttassa mahanubhavatam na jananti, tena tam
paribhavanti, tam nesam digharattam ahitaya dukkhaya bhavissati, handaham imassa gune
bhikkhunam pakasetva paribhavato nam mocessami"ti.
    Passatha noti passatha nu. Na ca sa samapatti sulabharupa, ya tena
bhikkhuna asamapannapubbati rupasamapatti arupasamapatti brahmaviharasamapatti
nirodhasamapatti phalasamapattiti evam pabheda savakasadharana ya kaci samapattiyo
nama, tasu ekapi samapatti na sulabharupa, dullabha, natthiyeva sa tena
lakuntakabhaddiyena bhikkhuna asamapannapubba. Etenassa yam vuttam "mahiddhiko
mahanubhavo"ti, tattha mahiddhikatam pakasetva idani mahanubhavatam pakasetum 1-
"yassa catthaya"tiadimaha. Tam hettha vuttanayameva. Ettha ca bhagava "eso
bhikkhave bhikkhu"tiadina "bhikkhave ayam bhikkhu na yo va so va dubbanno
duddasiko okotimakoti bhikkhunam pitthito pitthito agacchatiti ca ettakena
na onatabbo, atha kho mahiddhiko mahanubhavo, yankinci savakena pattabbam,
sabbantam tena anuppattam, tasma tam pasanacchattam viya garum katva oloketha, 2-
tam vo digharattam hitaya sukhaya bhavissati"ti dasseti.
    Etamattham viditvati etam ayasmato lakuntakabhaddiyassa
mahiddhikatamahanubhavatadibhedam gunarasim sabbakarato janitva tadatthadipakam imam
udanam udanesi.
@Footnote: 1 cha.Ma. dassetum  2 ka. oloketabbam
    Tattha nelangoti elam vuccati doso, nassa elanti nelam. Kimpana
tam? suparisuddhasilam. 1- Tam hi niddosatthena idha "nelan"ti adhippetam. Tam nelam
padhanabhutam angam etassati nelango. So yam "ratho"ti vakkhati, tena sambandho,
tasma suparisuddhasilangoti attho. Arahattaphalasilam hi idhadhippetam. Seto pacchado
etassati setapacchado. Pacchadoti rathassa upari attharitabbakambaladi. So
pana suparisuddhadhavalabhavena seto va hoti rattaniladisu va annataro. Idha
pana arahattaphalavimuttiya adhippetatta suparisuddhabhavam upadaya "setapacchado"ti
vuttam yatha annatrapi "ratho silaparikkharo"ti. 2- Eko satisankhato aro
etassati ekaro. Vattatiti pavattati. Rathoti therassa attabhavam sandhaya vadati.
    Anighanti niddukkham, khobhavirahitam yanam viya kilesakkhobhavirahitanti attho.
Ayantanti sambahulanam bhikkhunam pitthito pitthito agacchantam. Chinnasotanti
pacchinnasotam. Pakatirathassa hi sukhappavattanattham akkhasisesu. Nabhiyanca upalittanam
sappiteladinam soto savanam sandanam hoti, tena so acchinnasoto nama hoti.
Ayampana chattimsaya sotanam anavasesappahinatta chinnasoto nama hoti, tam
chinnasotam. Natthi etassa bandhananti abandhano. Rathupattharassa hi akkhena
saddhim niccalabhavakaranattham bahuni bandhanani honti, tena so sabandhano.
Ayampana sabbasamyojanabandhananam anavasesato parikkhinatta abandhano, tam
abandhanam. Passati bhagava therassa gunehi somanassappatto hutva attanam
vadati.
    Iti sattha ayasmantam lakuntakabhaddiyam arahattaphalasisena sucakkam, 3- arahatta-
phalavimuttiya suuttaracchadam, 4- supatthitaya satiya svaram, kilesaparikhobhabhavena
@Footnote: 1 Ma. catuparisuddhisilam  2 sam.maha. 19/4/5
@3 Si. sacakkam  4 Si. saguttaracchadam
Aparikhobham, tanhupalepabhavena anupalepam, samyojanadinam abhavena abandhanam
suparikkhittam 1- suyuttam ajannaratham katva dasseti.
                       Pancamasuttavannana nitthita.
                          ------------



             The Pali Atthakatha in Roman Book 26 page 394-397. http://84000.org/tipitaka/atthapali/read_rm.php?B=26&A=8815&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8815&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=151              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3841              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4131              The Pali Tipitaka in Roman Character :- http://84000.org/tipitaka/read/roman_read.php?B=25&A=4131              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]