ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                    2. Dutiyanibbanapatisamyuttasuttavannana
   [72] Dutiye imam udananti imam nibbanassa pakatiya gambhirabhavato duddasabhavadipanam
udanam udanesi. Tattha duddasanti sabhavagambhiratta atisukhumasanhasabhavatta
ca anupacitananasambharehi passitum na sakkati duddasam. Vuttanhetam
"tanhi te magandiya ariyam pannacakkhu natthi, yena tvam arogyam janeyyasi,
nibbanampi passeyyasi"ti. 1- Aparampi vuttam "idampi kho thanam duddasam, yadidam
sabbasankharasamatho"tiadi. 2- Anatanti rupadisu arammanesu, kamadisu ca bhavesu
namanato tanninnabhavena pavattito sattananca tattha namanato tanha nata
nama, natthi ettha natati anatam, nibbananti attho. "anantan"tipi pathanti,
niccasabhavatta antavirahitam, acavanadhammam anirodham amatanti attho. Keci pana
"anantan"ti padassa "appamanan"ti attham vadanti. Ettha ca "duddasan"ti
imina pannaya dubbalikaranehi ragadikilesehi cirakalabhavitatta sattanam
@Footnote: 1 Ma.Ma. 13/218/193
@2 vi. maha. 4/7/7, Ma.mu. 12/281/242, Ma.Ma. 13/337/319
Appaccayabhavana na sukarati nibbanassa kicchena adhigamaniyatam dasseti. Na hi
saccam sudassananti iminapi tamevattham pakatam karoti. Tattha saccanti nibbanam.
Tanhi kenacipi pariyayena asantasabhavabhavato ekanteneva santatta
aviparitatthena saccam. Na hi tam sudassanam na sukhena passitabbam. Sucirampi kalam
punnananasambhare samanentehipi kasireneva samadhigantabbato. Tatha hi vuttam
bhagavata "kicchena me adhigatan"ti 1-
    patividdha tanha janato passato natthi kincananti tanca nirodhasaccam
sacchikiriyabhisamayavasena abhisamentena visayato kiccato ca arammanato ca
arammanapativedhena asammohapativedhena ca patividdham, yatha parinnabhisamayavasena
dukkhasaccam, bhavanabhisamayavasena maggasaccanca asammohato patividdham hoti, evam
pahanabhisamayavasena asammohato ca patividdha tanha hoti. Evanca cattari
saccani yathabhutam ariyamaggapannaya janato passato bhavadisu natabhuta tanha
natthi, tadabhave sabbassapi kilesavattassa abhavo, tatova kammavipakavattanam
asambhavoyevati evam bhagava tesam bhikkhunam anavasesavattadukkhavupasamahetubhutam
amatamahanibbanassa anubhavam pakasesi. Sesam vuttanayameva.
                       Dutiyasuttavannana nitthita.
                           -----------



             The Pali Atthakatha in Roman Book 26 page 420-421. http://84000.org/tipitaka/atthapali/read_rm.php?B=26&A=9397&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=9397&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=159              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3993              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4263              The Pali Tipitaka in Roman Character :- http://84000.org/tipitaka/read/roman_read.php?B=25&A=4263              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]