บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Manasuttavannana [6] Chatthe mananti jatiadivatthukam cetaso unnamanam. So hi "seyyohamasmi"tiadina nayena mannanti tena sayam va mannati mananam sampaggahoti va manoti vuccati. Svayam seyyohamasmiti mano, sadisohamasmiti mano, hinohamasmiti manoti evam tividho. Puna seyyassa seyyohamasmiti mano, seyyassa sadiso, seyyassa hino, sadisassa seyyo, sadisassa sadiso, sadisassa hino, hinassa seyyo, hinassa sadiso, hinassa hinohamasmiti manoti evam navavidhopi unnatilakkhano, ahamkararaso, sampaggaharaso va, uddhumatabhava- paccupatthano, ketukamyatapaccupatthano va, ditthivippayuttalobhapadatthano ummado viyati datthabbo. Pajahathati tassa sabbassapi attukkamsanaparavambhananimittata, garutthaniyesu abhivadanapaccutthanaanjalikammasamicikammadinam akarane karanata, jatimadapurisamadadibhavena pamadapattihetubhavoti evamadibhedam adinavam tappatipakkhato niratimanataya anisamsanca paccavekkhitva rajasabham anuppattacandalo viya sabrahmacarisu nicacittatam paccupatthapetva pubbabhage tadangadivasena tam pajahanta vipassanam vaddhetva anagamimaggena samucchindathati attho. Anagamimaggavajjho eva hi mano idhadhippeto. Mattaseti jatimadapurisamadadivasena manena pamadapattihetubhutena matta attanam paggahetva madanta. 1- Sesam vuttanayameva. @Footnote: 1 Ma.Ma. caranta Imesu pana patipatiya chasu suttesu gathasu va anagamiphalam papetva desana nitthapita. Tattha ye ime aviha atappa sudassa sudassi akanitthati upapattibhavavasena panca anagamino, tesu avihesu upapanna aviha nama. Te antaraparinibbayi upahaccaparinibbayi asankharaparinibbayi sasankharaparinibbayi uddhamsoto akanitthagamiti pancavidha. Tatha atappa sudassa sudassino. Akanitthesu pana uddhamsoto akanitthagami parihayati. Tattha yo avihadisu uppajjitva ayuvemajjham anatikkamitva arahattappattiya kilesaparinibbanena parinibbayati, ayam antaraparinibbayi nama. Yo pana avihadisu adito pancakappasatadibhedam ayuvemajjham atikkamitva parinibbayati, ayam upahaccaparinibbayi nama. Yo asankharena adhimattappayogam akatva appadukakhena akasirena parinibbayati, ayam asankharaparinibbayi nama. Yo pana sasankharena adhimattappayogam katva dukkhena kicchena kasirena parinibbayati, ayam sasankharaparinibbayi nama. Itaro pana avihadisu uddhamvahitabhavena uddhamassa tanhasotam vattasotam maggasotameva vati uddhamsoto. Avihadisu uppajjitva arahattam pattum asakkonto tattha tattha yavatayukam thatva patisandhiggahanavasena akanittham gacchatiti akanitthagami. Ettha ca uddhamsoto akanitthagami, uddhamsoto na akanitthagami, na uddhamsoto akanitthagami, na uddhamsoto na akanitthagamiti catukkam veditabbam. Katham? yo avihato patthaya cattaro devaloke sodhetva akanittham gantva Parinibbayati, ayam uddhamsoto akanitthagami nama. Yo pana hettha tayo devaloke sodhetva sudassidevaloke thatva parinibbayati, ayam uddhamsoto na akanitthagami nama. Yo ito akanitthameva gantva parinibbayati, ayam na Uddhamsoto akanitthagami nama. Yo pana hettha catusu devalokesu thatva 1- tattheva parinibbayati, ayam na uddhamsoto na akanitthagami namati. Tattha avihesu uppajjitva kappasatato uddham parinibbayiko, dvinnam kappasatanam matthake parinibbayiko, pancakappasate asampatte 2- parinibbayikoti tayo antaraparinibbayino. Vuttam hetam "upapannam va samanantara appattam va vemajjhan"ti. 3- Vasaddena hi pattamattopi sangahitoti. Evam tayo antaraparinibbayino, eko upahaccaparinibbayi eko uddhamsoto. Tesu asankharaparinibbayino panca, sasankharaparinibbayino pancati dasa honti. Tatha atappasudassasudassisuti cattaro dasaka cattarisam. Akanitthe pana uddhamsotassa abhavato tayo antaraparinibbayino, eko upahaccaparinibbayiti asankharaparinibbayino cattaro, sasankharaparinibbayino cattaroti attha, evamete atthacattarisam anagamino. Te sabbepi imesu suttetu avisesavacanena gahitati datthabbam. Chatthasuttavannana nitthita. ---------------The Pali Atthakatha in Roman Book 27 page 56-58. http://84000.org/tipitaka/atthapali/read_rm.php?B=27&A=1230&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1230&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=184 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4479 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4775 The Pali Tipitaka in Roman Character :- http://84000.org/tipitaka/read/roman_read.php?B=25&A=4775 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]