AtthaPali Vol.27

7. Dutiyasekhasuttavannana [17] Sattame bahiranti ajjhattasantanato bahi bhavam. Kalyanamittatati yassa siladigunasampanno aghassa ghata hitassa vidhata sabbakarena upakarako mitto hoti, so puggalo kalyanamitto, tassa bhavo kalyanamittata. Tatrayam kalyanamitto pakatiya saddhasampanno hoti silasampanno sutasampanno @Footnote: ¹ Ma.mu. 12/21/13 ² sam.maha. 19/55/24 Cagasampanno viriyasampanno satisampanno samadhisampanno pannasampanno. Tattha saddhasampattiya saddahati tathagatassa bodhim, tena sammasambodhihetubhutam sattesu hitasukhesitam ^1- na pariccajati, silasampattiya sabrahmacarinam piyo hoti garu ca bhavaniyo codako papagarahi vatta vacanakkhamo, sutasampattiya khandhayatanasaccapaticcasamuppadadikanam gambhiranam kathanam katta hoti, cagasampattiya khandhayatanasaccapaticcasamuppadadikanam gambhiranam kathanam katta hoti, cagasampattiya appiccho hoti santuttho pavivitto asamsattho, viriyasampattiya attano paresanca hitappatipattiyam araddhaviriyo hoti, satisampattiya upatthitassati hoti paramena satinepakkena samannagato cirakatampi cirabhasitampi sarita anussarita, samadhisampattiya avikkhitto hoti samahito ekaggacitto, pannasampattiya aviparitam pajanati. So satiya kusalakusalanam dhammanam gatiyo samanvesanto pannaya sattanam hitasukham yathabhutam janitva samadhina tattha abyaggacitto ^2- hutva viriyena satte ahitato nisedhetva ekantahite niyojeti. Tenevaha:- "piyo garu bhavaniyo vatta ca vacanakkhamo gambhiranca katham katta no catthane niyojaye"ti. Kalyanamitto bhikkhave bhikkhu akusalam pajahati, kusalam bhavetiti kalyanamitto puggalo kalyanamittam nissaya kammassakatananam uppadeti, uppannam saddham phatim karoti, saddhajato upasankamati, upasankamitva dhammam sunati, tam dhammam sutva tathagate saddham patilabhati, tena saddhapatilabhena gharavasam pahaya pabbajjam anutitthati, catuparisuddhisilam sampadeti, yathabalam dhutadhamme samadaya vattati, dasakathavatthulabhi hoti, araddhaviriyo viharati upatthitassati sampajano pubbarattapararattam bodhipakkhiyanam dhammanam bhavanamanuyutto, nacirasseva vipassanam @Footnote: ¹ Si. hitesitam ² ka. abyattacitto Ussukkapetva ariyamaggadhigamena sabbam akusalam samucchindati, sabbanca kusalam bhavanaparipurim gamento vaddheti. Vuttanhetam:- "kalyanamittasseva meghiya bhikkhuno patikankham kalyanasahayakassa kalyanasampavankassa `yam silava bhavissati, patimokkhasamvarasamvuto viharissati acaragocarasampanno, anumattesu vajjesu bhayadassavi samadaya sikkhissati sikkhapadesu.' kalyanamittassetam .pe. Kalyanasampavankassa `yam yayam katha abhisallekhika cetovivaranasappaya ekantanibbidaya .pe. Nibbanaya samvattati, seyyathidam? appicchakatha santutthikatha pavivekakatha asamsaggakatha viriyarambhakatha silakatha samadhikatha .pe. Vimuttinanadassanakatha. Evarupaya kathaya nikamalabhi bhavissati akicchalabhi akasiralabhi. ^1- Kalyanamittassetam .pe. Kalyanasampavankassa `yam araddha- viriyo viharissati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu' kalyanamittassetam .pe. Kalyanasampavankassa `yam pannava bhavissati udayatthagaminiya pannaya samannagato ariyaya nibbedhikaya samma dukkhakkhayagaminiya'ti". ^2- Evam sakalavattadukkhaparimuccananimittam kalyanamittatati veditabbam. Tenevaha:- "mamanhi ananda kalyanamittam agamma jatidhamma satta jatiya parimuccanti, jaradhamma satta jaraya parimuccanti"tiadi. ^3- Tena vuttam "kalyanamitto bhikkhave bhikkhu akusalam pajahati, kusalam bhaveti"ti. @Footnote: ¹ khu.u. 25/31/141-2 ² khu.u. 25/31/143 ³ sam.sa. 15/129/105 Gathaya sappatissoti patissavasankhatena saha patissenati sappatisso, kalyanamittassa ovadam sirasa sampaticchako subbacoti attho. Atha va hitasukhe patitthapanena pati isetiti patisso, ovadadayako. Garuadarayogena tena patissena saha vattatiti sappatisso, garusu garucittikarabahulo. Sagaravoti chabbidhenapi garavena yutto. Karam mittanam vacananti kalyanamittanam ovadam karonto yathovadam patipajjanto. Sampajanoti sattatthaniyena sampajannena samannagato. Patissatoti kammatthanam phatim gametum samatthaya satiya patissato satokari. Anupubbenati siladivisuddhipatipatiya, tattha ca vipassanapatipatiya ceva maggapatipatiya ca. Sabbasamyojanakkhayanti kamaragasamyojanadinam sabbesam samyojananam khepanato sabbasamyojanakkhayasankhatassa ariyamaggassa pariyosanabhutam arahattam tassa arammanabhutam nibbanameva va. Papune adhigaccheyyati attho. Iti imesu dvisu suttesu ariyamaggadhigamassa satthara padhanangam nama gahitanti veditabbam. Sattamasuttavannana nitthita. -------------

The Pali Atthakatha in Roman Book 27 page 73-76. http://84000.org/tipitaka/atthapali/read_rm.php?B=27&A=1599&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1599&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=195 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4661 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4893 The Pali Tipitaka in Roman Character :- http://84000.org/tipitaka/read/roman_read.php?B=25&A=4893 Contents of The Tipitaka Volume 25 http://84000.org/tipitaka/read/?index_25