บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Musavadasuttavannana [25] Pancame ekadhammam atitassati ka uppatti? bhagavato bhikkhusamghassa ca mahalabhasakkaro uppajjati, titthiyanam parihayi. Te hatalabhasakkara nippabha nitteja issapakata cincamanavikam nama paribbajikam uyyojesum "ehi tvam bhagini, samanam gotamam abhutena abbhacikkhassu"ti. Sa bhagavantam catuparisamajjhe dhammam desentam upagantva abhutena abbhacikkhitva sakkenassa abhutabhave pakasite mahajanena "dhi kalakanni"ti viharato nikkaddhapita pathaviya vivare dinne avicijalanam indhanam hutvava aviciniraye nibbatti, bhiyyoso mattaya titthiyanam labhasakkaro parihayi. Bhikkhu dhammasabhayam katham samutthapesum "avuso cincamanavika evam ularagunam aggadakkhineyyam sammasambuddham abhutena akkositva mahavinasam patta"ti. Sattha agantva "kaya nuttha bhikkhave etarahi kathaya sannisinna"ti pucchitva "imaya nama"ti vutte "na bhikkhave idaneva, pubbepi sa mam abhutena akkositva mahavinasam pattayeva"ti mahapadumajatakampi vittharetva upari dhammam desento imissa atthuppattiya "ekadhammamatitassa"ti imam suttam desesi. Tattha ekadhammanti ekam vacisaccasankhatam dhammam. Atitassati ya sa attha anariyavohare vajjetva atthaariyavoharesu patitthapanattham "saccam bhane na alikan"ti ariyehi thapita mariyada, tam atikkamitva thitassa. Puriso eva puggaloti purisapuggalo, tassa. Akaraniyanti katum asakkuneyyam. Sampajanamusavadi hi puggalo kinci papakammam katva "idam nama taya katan"ti vutte "na maya katan"ti musavadeneva pariharissati. 1- Evanca patipajjanto kinci papakammam karotiyeva, na tattha lajjati saccamariyadaya samatikkantatta. Tena vuttam "katamam ekadhammam, yadidam bhikkhave sampajanamusavado"ti. Gathayam musavadissati musa abhutam ataccham paresam vinnapanavasena vadanasilassa. Yassa dasasu vacanesu ekampi saccam natthi, evarupe vattabbameva natthi. Jantunoti sattassa. Satto hi jayanatthena "jantu"ti vuccati. Vitinnaparalokassati vissatthaparalokassa. Idiso hi manussasampatti devalokasampatti avasane nibbanasampattiti ima tissopi sampattiyo na passati. Natthi papanti tassa tadisassa idam nama papam na kattabbanti natthiti. Pancamasuttavannana nitthita. ----------------- @Footnote: 1 Si. parihapetiThe Pali Atthakatha in Roman Book 27 page 98-99. http://84000.org/tipitaka/atthapali/read_rm.php?B=27&A=2154&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=2154&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=203 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4831 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5017 The Pali Tipitaka in Roman Character :- http://84000.org/tipitaka/read/roman_read.php?B=25&A=5017 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]