ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

page100.

6. Danasuttavannana [26] Chatthe evanceti ettha evanti upamakare nipato, ceti parikappane. Sattati rupadisu satta visatta. Janeyyunti bujjheyyum. Danasamvibhagassati yaya hi cetanaya annadideyyadhammam samharitva anukampapujasu annataravasena paresam diyyati, tam danam. Yaya pana attana paribhunjitabbabhavena gahitavatthussa ekadeso samvibhajitva diyyati, ayam samvibhago. Vipakanti phalam. Yathaham janamiti yatha aham janami. Idam vuttam hoti:- tiracchanagatassapi danam datva attabhavasate pavattasukhavipaccanavasena sataguna dakkhina hotiti evamadina bhikkhave yena pakarena aham danassa samvibhagassa ca vipakam kammavipakananabalena paccakkhato janami, evam ime satta yadi janeyyunti. Na adatva bhunjeyyunti yam bhunjitabbayuttakam attano atthi, tato paresam na adatva macchariyacittena ca tanhalobhavasena ca bhunjeyyum, datvava bhunjeyyum. Na ca nesam maccheramalam cittam pariyadaya tittheyyati attano sampattinam parehi sadharanabhavasahanalakkhanam cittassa pabhassarabhavadusakanam upakkilesabhutanam kanhadhammanam annataram macchariyamalam. Atha va yathavuttam maccheranceva annampi danantarayakaram issalobhadosadimalanca nesam sattanam cittam yatha danacetana nappavattati, na va suparisuddha hoti, evam pariyadaya parito gahetva abhibhavitva na tittheyya. Ko hi sammadeva danaphalam jananto attano citte maccheramalassa okasam dadeyya. Yopi nesam assa carimo alopoti nesam sattanam yo sabbapacchimako alopo siya. Carimam kabalanti tasseva vevacanam. Idam vuttam hoti:- ime satta pakatiya yattakehi alopehi sayam yapeyyum, tesu ekameva alopam attano

--------------------------------------------------------------------------------------------- page101.

Atthaya thapetva tadanne sabbe alope agatagatanam atthikanam datva yo thapito alopo assa, so idha carimo alopo nama. Tatopi na asamvibhajitva bhunjeyayum, sace nesam patiggahaka assuti nesam sattanam patiggahaka yadi siyum, tatopi yathavuttacarimalopatopi samvibhajitvava ekadesam datvava bhunjeyyum, yathaham danasamvibhagassa vipakam paccakkhato janami, evam yadi janeyyunti. Yasma ca khotiadina kammaphalassa apaccakkhabhavato evamete 1- satta danasamvibhagesu nappavattantiti yathadhippetamattham karanena sampatipadeti. Eteneva nesam tadannapunnesu ca appatipattiya, apunnesu ca patipattiya karanam dassitanti datthabbam. Gathasu yathavuttam mahesinati mahesina bhagavata "tiracchanagate danam datva sataguna dakkhina patikankhitabba"tiadi, idheva va "evance satta janeyyun"tiadina yathavuttam, nanacarena tam yathavuttam cittam natanti attho. Vipakam samvibhagassati samvibhagassapi vipakam, ko pana vado danassa. Yatha hoti mahapphalanti yatha so vipako mahantam phalam hoti, evam ime satta yadi janeyyunti sambandho. Vineyyamaccheramalanti macchariyamalam apanetva kammaphalasaddhaya ratanattayasaddhaya ca visesato pasannena cittena yesu kilesehi arakatta ariyesu siladigunasampannesu dinnam appakampi danam mahapphalam hoti, tesu yuttakalena dajjum dadeyyum. Mahapphalabhavakaranato dakkhinam arahantiti dakkhineyya, sammapatipanna, tesu dakkhineyyesu. Dakkhinam paralokam saddahitva databbam deyyadhammam yatha tam danam hoti mahadanam, evam datva. Atha va bahuno annam datva, katham pana @Footnote: 1 Si. eva te

--------------------------------------------------------------------------------------------- page102.

Annam databbanti aha "dakkhineyyesu dakkhinan"ti. Ito manussatta manussattabhavato cuta patisandhivasena saggam gacchanti dayaka. Kamakaminoti kametabbanam ularanam devabhoganam patiladdharupavibhavena kammuna upagamane sadhukaritaya kamakamino sabbakamasamangino modanti yatharuci paricarentiti attho. Chatthasuttavannana nitthita. -------------


             The Pali Atthakatha in Roman Book 27 page 100-102. http://84000.org/tipitaka/atthapali/read_rm.php?B=27&A=2186&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=2186&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=204              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4843              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5024              The Pali Tipitaka in Roman Character :- http://84000.org/tipitaka/read/roman_read.php?B=25&A=5024              Contents of The Tipitaka Volume 25 http://84000.org/tipitaka/read/?index_25

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]