ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                      3. Tapaniyasuttavannana
      [30] Tatiye tapaniyati idha ceva samparaye ca tapanti vibadhenti
vihethentiti tapaniya. Tapanam va dukkham ditthe ceva dhamme abhisamparaye ca
tassa uppadanena ceva anubalappadanena ca hitati tapaniya. Atha va tapanti
tenati tapanam, pacchanutapo, vippatisaroti attho, tassa hetubhavato hitati
tapaniya. Akatakalyanoti akatam kalyanam bhaddakam punnam etenati akatakalyano.
Sesapadadvayam tasseva vevacanam. Punnam hi pavattihitataya ayatim sukhataya ca
bhaddakatthena kalyananti ca kucchitasalanadiatthena kusalanti ca dukkhabhirunam
samsarabhirunanca rakkhanatthena bhiruttananti ca vuccati. Katapapoti katam upacitam
papam etenati katapaPo. Sesapadadvayam tasseva vevacanam. Akusalakammam hi
lamakatthena papanti ca attano pavattikkhane vipakakkhane ca ghorasabhavataya
luddanti ca kilesehi dusitabhavena kibbisanti ca vuccati. Iti bhagava "dve
dhamma tapaniya"ti dhammadhitthanena uddisitva akatam kusaladhammam katanca
akusaladhammam puggaladhitthanena niddisi. Idani tesam tapaniyabhavam dassento
"so akatam me kalyanantipi tappati, katam me papantipi tappati"ti aha.
Cittasantasena tappati anutappati anusocatiti attho.
      Gathasu dutthu caritam, kilesaputikatta va duttham caritanti duccaritam, kayena
duccaritam, kayato va pavattam duccaritam kayaduccaritam. Evam vacimanoduccaritanipi
datthabbani. Imani ca kayaduccaritadini kammapathappattani adhippetaniti yam na
kammapathappattam akusalajatam, tam sandhayaha "yancannam dosasanhitan"ti.
Tassattho:- yampi ca annam kammapathabhavam appattatta 1- nippariyayena
kayakammadisankhyam na labhati, ragadikilesasamsatthatta dosasahitam akusalam, tampi
katvati attho. Nirayanti niratiatthena nirassadatthena va nirayanti laddhanamam
sabbampi duggatim, ayasankhatasukhappatikkhepena va sabbattha sugatiduggatisu nirayadukkham
so tadiso puggalo upagacchatiti evamettha attho datthabbo.
      Ettha ca kayaduccaritassa tapaniyabhave nando yakyo nando manavako
nando goghatako dve bhatikati etesam vatthuni kathetabbani:- te kira gavim
vadhitva mamsam dve kotthase akamsu. Tato kanittho jettham aha "mayham daraka
bahu, imani me antani dehi"ti. Atha nam jettho "sabbam mamsam dvedha
vibhattam, puna kimaggahesi"ti paharitva jivitakkhayam papesi. Nivattitva ca nam
olokento matam disva "bhariyam vata maya katam, svaham akaraneneva nam
maresin"ti cittam uppadesi. Athassa balavavippatisaro uppajji. So thitatthanepi
nisinnatthanepi tadeva kammam avajjeti, cittassadam na labhati, asitapitakhaditampissa
sarire ojam na pharati, atthicammamattameva ahosi. Atha nam eko thero
pucchi "upasaka tvam ativiya kiso atthicammamatto jato, kidiso te rogo,
udahu atthi kinci tapaniyakammam katan"ti. So "ama bhante"ti sabbam arocesi.
Athassa so "bhariyante upasaka kammam katam, anaparadhatthane aparaddhan"ti aha.
So teneva kammuna kalam katva niraye nibbatti. Vaciduccaritassa pana
@Footnote: 1 i. appattam
Suppabuddhasakkakokalikacincamanavikadinam vatthuni kathetabbani, manoduccaritassa pana
ukkalajayabhannadinam.
                       Tatiyasuttavannana nitthita.
                        -----------------



             The Pali Atthakatha in Roman Book 27 page 116-118. http://84000.org/tipitaka/atthapali/read_rm.php?B=27&A=2536&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=2536&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=208              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4950              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5126              The Pali Tipitaka in Roman Character :- http://84000.org/tipitaka/read/roman_read.php?B=25&A=5126              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]