AtthaPali Vol.27

7. Atapisuttavannana [34] Sattame anatapiti kilesanam atapanatthena atapo, viriyam, so etassa atthiti atapi, na atapi anatapi, sammappadhanavirahito kusitoti

--------------------------------------------------------------------------------------------- page120.

Vuttam hoti. Ottapo vuccati paputtaso, so etassa atthiti ottapi, na ottapi anottapi, ottaparahito. Atha va atapappatipakkho anatapo, kosajjam, so assa atthiti anatapi. Yam "na ottapati ottappitabbena, na ottapati papakanam akusalanam dhammanam samapattiya"ti evam vuttam, tam anottappam anottapo, so assa atthiti anottapiti evamettha attho veditabbo. Abhabboti anaraho. Sambodhayati ariyamaggatthaya. Nibbanayati kilesanam accantavupasamaya amatamahanibbanaya. Anuttarassa yogakkhemassati arahattaphalassa. Tam hi uttaritarassa abhavato anuttaram, catuhi yogehi anupaddutatta khemam nibbhayanti yogakkhemanti ca vuccati. Adhigamayati pattiya. Atapiti viriyava. So hi "araddhaviriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu"ti ^1- evam vuttena viriyarambhena samannagato kilesanam accantameva atapanasiloti atapi. Ottapiti "yam ottapati ottappitabbena, ottapati papakanam akusalanam dhammanam samapattiya"ti ^2- evam vuttena ottappena samannagatatta ottapanasiloti ottappi. Ayam hi ottapiti vutto. Tadavinabhavato hiriya ca samannagato eva hotiti hirottappasampanno anumattepi vajje bhavadassavi silesu paripurakari hoti. Iccassa silampada dassita. Atapiti imina nayenassa kilesaparitapitadipanena samathavipassanabhavananuyuttata dassita. Yathavuttanca viriyam saddhasatisamadhipannahi vina na hotiti vimuttiparipacakani saddhapancamani indriyani atthato vuttaneva honti. Tesu ca siddhesu anicce aniccasanna anicce dukkhasanna dukkhe anattasanna pahanasanna viragasanna nirodhasannati cha nibbedhabhagiya sanna siddha evati. Evam imehi dvihi dhammehi @Footnote: ¹ di.pa. 11/345/237 ² abhi.san. 34/31/26

--------------------------------------------------------------------------------------------- page121.

Samannagatassa lokiyanam silasamadhipannanam sijjhanato maggaphalanibbanadhigamassa bhabbatam dassento "atapi ca kho .pe. Adhigamaya"ti aha. Gathasu kusitoti micchavitakkabahulataya kamabyapadavihimsavitakkasankhatehi kucchitehi papadhammehi sito sambandho yuttoti kusito, kucchitam va sidati sammapatipattito avasidatiti kusito dakarassa takaram katva. Hinaviriyoti nibbiriyo, catusupi iriyapathesu viriyakaranarahito. Anussahasamhananasabhavassa cittalasiyassa thinassa, asattivighatasabhavassa kayalasiyassa middhassa ca abhinhappavattiya thinamiddhabahulo. Papajigucchanalakkhanaya hiriya abhavena tappatipakkhena ahirikena samannagatatta ca ahiriko. Hirottappaviriyanam abhaveneva sammapatipattiyam natthi etassa adaroti anadaro. Ubhayathapi tatha dhammapuggalena duvidhakiriyakaranena anadaro. Bhutthunti phusitum. Sambodhimuttamanti sambodhisankhatam uttamam arahattam adhigantum abhabboti attho. Satimati cirakatacirabhasitanam anussarane samatthassa satinepakkassa bhavena catusatipatthanayogena satima. Nipakoti sattatthaniyasampajannasankhatena ceva kammatthanapariharanapannasankhatena ca nepakkena samannagatatta nipako. Jhayiti arammanupanijjhanena lakkhanupanijjhanena cati dvihipi jhanehi jhayi. Appamattoti "divasam cankamena nisajjaya avaraniyehi dhammehi cittam parisodheti"ti- adina ^1- nayena kammatthanabhavanaya appamatto. Samyojanam jatijaraya chetvati jatiya ceva jaraya ca satte samyojetiti samyojananti laddhanamam kamaragadikam dasavidhampi kilesajatam anusayasamugghatavasena mulato chinditva. Atha va samyojanam jatijaraya chetvati jatijaraya samyojanam chinditva. Yassa hi samyojanani acchinnani, tassa jatijaraya acchedo asamugghatova. Yassa pana tani chinnani, @Footnote: ¹ abhi.vi. 35/519/300

--------------------------------------------------------------------------------------------- page122.

Tassa jatijarapi chinnava karanassa samugghatitatta tasma samyojanam chindanto eva jatijarapi chindati. Tena vuttam "samyojanam jatijaraya chetva"ti. Idheva sambodhimanuttaram phuseti imasmimyeva attabhave aggamaggam arahattam va phuse papuneyya. Sattamasuttavannana nitthita. --------------

The Pali Atthakatha in Roman Book 27 page 119-122. http://84000.org/tipitaka/atthapali/read_rm.php?B=27&A=2614&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=2614&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=212 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5015 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5170 The Pali Tipitaka in Roman Character :- http://84000.org/tipitaka/read/roman_read.php?B=25&A=5170 Contents of The Tipitaka Volume 25 http://84000.org/tipitaka/read/?index_25