บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Pannaparihinasuttavannana [41] Catutthe suparihinati sutthu parihina. Ye ariyaya pannaya parihinati ye satta pancannam khandhanam udayavayapativijjhanena catusaccapativijjhanena ca kilesehi araka thitatta ariyaya parisuddhaya vipassanapannaya ca maggapannaya ca parihina, te lokiyalokuttarahi sampattihi ativiya parihina mahajanika. Ke pana teti? ye kammavaranena samannagata. Te hi micchattaniyatabhavato ekantena parihina aparipunna mahajanika. Tenaha "duggati patikankha"ti. Vipakavaranasamanginopi parihina. Atha va sukkapakkhe aparihina nama tividhavaranavirahita sammaditthika kammassakatananena ca samannagata. Sesam vuttanayanusarena veditabbam. Gathasu pannayati nissakkavacanam, vipassanananato maggananato ca parihanenati. Samivacanam va etam, yathavuttananassa parihanenati, uppadetabbassa anuppadanameva cettha parihanam. Nivittham namarupasminti namarupe upadanakkhandhapancake "etam mama"tiadina tanhaditthivasena abhinivittham ajjhositam, tato eva idam saccanti mannatiti "idameva saccam moghamannan"ti mannati. "sadevake loke"ti vibhatti parinametabba. Evam pathamagathaya sankilesapakkham dassetva idani yassa anuppattiya namarupasmim mannanabhinivesehi kilesavattam vattati, tassa uppattiya vattassa upacchedoti pannaya anubhavam pakasento "panna hi settha lokasmin"ti gathamaha. Tattha lokasminti sankharalokasmim. Sammasambuddho viya sattesu, sankharesu pannasadiso dhammo natthi. Pannuttara hi kusala dhamma, pannaya ca siddhaya sabbe anavajjadhamma siddha eva honti. Tatha hi vuttam "sammaditthissa sammasankappo pahoti"tiadi. 1- Ya panettha panna adhippeta, sa setthati thomita. Yatha ca sa pavattati, tam dassetum "yayam nibbedhagamini"tiadi vuttam. Tassattho:- ya ayam panna anibbiddhapubbam apadalitapubbam lobhakkhandhadim nibbijjhanti padalenti gacchati pavattatiti nibbedhagamini, yaya ca tasmim tasmim bhavayonigativinnanatthitisattavasesu sattanikayesu khandhanam pathamabhinibbattisankhataya jatiya tamnimittassa ca kammabhavassa parikkhayam pariyosanam nibbanam arahattanca samma aviparitam janati sacchikaroti, ayam sahavipassana maggapanna settha lokasminti. Idani yathavuttapannanubhavasampanne khinasave abhitthavanto "tesam deva manussa ca"ti osanagathamaha. Tassattho:- tesam catusu ariyasaccesu parinnadinam solasannam kiccanam nitthitatta catusaccasambodhena sambuddhanam, sativepullappattiya satimatam, vuttanayena samugghatitasammohatta pannavepullappattiya hasapannanam, pubbabhage va siladiparipunnato patthaya yava nibbanasacchikiriyaya hasavedatutthipamojjabahulataya hasapannanam, sabbaso parikkhinabhavasamyojanatta @Footnote: 1 Ma.u. 14/141/126, sam.maha. 19/1/1 Antimasariradharinam, khinasavanam deva manussa ca pihayanti piya honti tabbhavam adhigantum icchanti "aho pannanubhavo, aho vata mayampi edisa evam nittinnasabbadukkha bhaveyyama"ti. Catutthasuttavannana nitthita. ---------------The Pali Atthakatha in Roman Book 27 page 177-179. http://84000.org/tipitaka/atthapali/read_rm.php?B=27&A=3909&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=3909&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=219 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5178 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5287 The Pali Tipitaka in Roman Character :- http://84000.org/tipitaka/read/roman_read.php?B=25&A=5287 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]