ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        5. Sukkadhammasuttavannana
      [42] Pancame sukkati na vannasukkataya sukka, sukkabhavaya pana
paramavodanaya samvattantiti nipphattisukkataya sukka. Sarasenapi sabbe kusala
dhamma sukka eva kanhabhavapatipakkhato. Tesam hi uppattiya cittam pabhassaram
hoti parisuddham. Dhammati kusala dhamma. Lokanti sattalokam. Palentiti
adharasandharanena 1- mariyadam thapenta rakkhanti. Hiri ca ottappancati
ettha hiriyati hiriyitabbena, hiriyanti etenati va hiri. Vuttampi cetam "yam
hiriyati hiriyitabbena, hiriyati papakanam akusalanam dhammanam samapattiya, ayam
vuccati hiri"ti 2- ottappati 3- ottappitabbena ottappanti etenati va
ottappam. Vuttampi cetam "yam ottappati ottappitabbena, ottappati papakanam
akusalanam dhammanam samapattiya, idam vuccati ottappan"ti. 2-
      Tattha ajjhattasamutthana hiri, bahiddhasamutthanam ottappam. Attadhipateyya
hiri, lokadhipateyyam ottappam. Lajjasabhavasanthita hiri, bhayasabhavasanthitam
ottappam. Sappatissavalakkhana hiri, vajjabhirukabhayadassavilakkhanam ottappam.
      Tattha ajjhattasamutthana hirim catuhi karanehi samutthapeti jatim
paccavekkhitva, vayam paccavekkhitva, surabhavam paccavekkhitva bahusaccam
@Footnote: 1 Si. adharanasandharanena, Ma. acarasandharanena
@2 abhi.san. 34/30/26    3 i. ottappanti
Paccavekkhitva. Katham? "papakaranam nametam na jatisampannanam kammam, hinajaccanam
kevattadinam kammam, madisassa jatisampannassa idam kammam katum na
yuttan"ti evam tava jatim paccavekkhitva panatipatadipapakammam akaronto
hirim samutthapeti. Tatha "papakaranam nametam daharehi kattabbakammam, madisassa
vaye thitassa idam kammam katum na yuttan"ti evam vayam paccavekkhitva
panatipatadipapakammam akaronto hirim samutthapeti. Tatha "papakaranam nametam
dubbalajatikanam kammam, madisassa surabhavasampannassa idam kammam katum na
yuttan"ti evam surabhavam paccavekkhitva panatipatadipapakammam akaronto hirim
samutthapeti. Tatha "papakaranam nametam andhabalanam kammam, na panditanam,
madisassa panditassa bahussutassa idam kammam katum na yuttan"ti evam bahusaccam
paccavekkhitva panatipatadipapakammam akaronto hirim samutthapeti. Evam
ajjhattasamutthanam hirim catuhi karanehi samutthapeti. Samutthapetva ca pana
attano citte hirim pavesetva papakammam na karoti. Evam hiri ajjhattasamutthana
nama hoti.
      Katham ottappam bahiddhasamutthanam nama? "sace tvam papakammam karissasi,
Catusu parisasu garahappatto bhavissasi.
               Garahissanti tam vinnu      asucim nagariko yatha
               vajjito silavantehi      katham bhikkhu karissasi"ti
paccavekkhanto hi bahiddha samutthitena ottappena papakammam na karoti. Evam
ottappam bahiddhasamutthanam nama hoti.
      Katham hiri attadhipateyya nama? idhekacco kulaputto attanam adhipatim
Jetthakam katva "madisassa saddhapabbajitassa bahussutassa dhutavadissa na yuttam
Papakammam katun"ti papakammam na karoti. Evam hiri attadhipateyya nama hoti.
Tenaha bhagava:-
               "so attanamyeva adhipatim karitva akusalam pajahati, kusalam
          bhaveti, savajjam pajahati, anavajjam bhaveti, suddhamattanam pariharati"ti. 1-
      Katham ottappam lokadhipateyyam nama? idhekacco kulaputto lokam adhipatim
jetthakam katva papakammam na karoti. Yathaha:-
               "maha kho panayam lokasannivaso, mahantasmim kho pana
          lokasannivase santi samanabrahmana iddhimanto dibbacakkhuka
          paracittaviduno, te duratopi passanti, asannapi na dissanti,
          cetasapi cittam pajananti, tepi mam evam janissanti `passatha bho
          imam kulaputtam, saddho agarasma anagariyam pabbajito samano
          vokinno viharati papakehi akusalehi dhammehi'ti. Santi devata
          iddhimantiniyo dibbacakkhuka paracittaviduniyo, ta duratopi passanti,
          asannapi na dissanti, cetasapi cittam pajananti, tapi mam evam
          janissanti `passatha bho imam kulaputtam, saddha agarasma anagariyam
          pabbajito samano vokinno viharati papakehi akusalehi dhammehi'ti.
          So lokamyeva adhipatim karitva akusalam pajahati"ti. 1-
Evam lokadhipateyyam ottappam.
      Lajjasabhavasanthitati ettha lajjati lajjanakaro, tena sabhavena
santhita hiri. Bhayanti apayabhayam, tena sabhavena santhitam ottappam. Tadubhayam
papaparivajjane pakatam hoti. Tattha yatha dvisu ayogulesu eko sitalopi
@Footnote: 1 an.tika. 20/40/142-3
Bhaveyya guthamakkhito, eko unho aditto. Tesu yatha sitalam guthamakkhitatta
jigucchanto vinnujatiko na ganhati, itaram dahabhayena, evam pandito
lajjaya jigucchanto papam na karoti, ottappena apayabhito papam na karoti.
Evam lajjasabhavasanthita hiri, bhayasabhavasanthitam ottappam.
      Katham sappatissavalakkhana hiri, vajjabhirukabhayadassavilakkhanam ottappam? ekacco
Hi jatimahattapaccavekkhana satthumahattapaccavekkhana dayajjamahattapaccavekkhana
sabrahmacarimahattapaccavekkhanati catuhi karanehi tattha garavena sappatissavalakkhanam
hirim samutthapetva papam na karoti, ekacco attanuvadabhayam paranuvadabhayam
dandabhayam duggatibhayanti catuhi karanehi vajjato bhayanto vajjabhirukabhayadassavilakkhanam
ottappam samutthapetva papakammam na karoti. Ettha ca ajjhattasamutthanadita
hirottappanam tattha tattha pakatabhavena vutta, na pana nesam kadaci
annamannam vippayogo. Na hi lajjanam nibbhayam, papabhayam va alajjanam atthiti. 1-
      Ime ce bhikkhave dve sukka dhamma lokam na paleyyunti bhikkhave
ime dve anavajjadhamma yadi lokam na rakkheyyum, lokapalaka yadi na bhaveyyum.
Nayidha pannayetha matati idha imasmim loke janika mata "ayam me mata"ti
garucittikaravasena na pannayetha, "ayam mata"ti na labbheyya. Sesapadesupi
eseva nayo. Matucchati matubhagini. Matulaniti matulabhariya. Garunanti
mahapituculapitujetthabhatuadinam garutthaniyanam. Sambhedanti sankaram, mariyadabhedam va.
Yatha ajelakatiadihi upamam dasseti. Ete hi satta "ayam me mata"ti va
"matuccha"ti va garucittikaravasena na jananti, yam vatthum nissaya uppanna,
tatthapi vippatipajjanti. Tasma upamam aharanto ajelakadayo ahari. Ayanhettha
@Footnote: 1 Si.,i. na hi lajja na bhayam nibbhayam va alajjanam atthiti
Sankhepattho:- yatha ajelakadayo tiracchana hirottapparahita matadisannam
akatva bhinnamariyada sabbattha sambhedena vattanti, evamayam manussaloko yadi
lokapalakadhamma na bhaveyyum, sabbattha sambhedena vatteyya. Yasma panime
lokapalakadhamma palenti, tasma natthi sambhedoti.
      Gathasu yesam ce hiriottappanti ceti nipatamattam, yesam sattanam hiri
ca ottappanca sabbadava sabbakalameva na vijjati  na upalabbhati. Vokkanta
sukkamula teti te satta kusalamulupacchedavahassapi kammassa karanato
kusalakammanam patitthanabhutanam hirottappanameva va abhavato kusalato vokkamitva
apasakkitva thitatta vokkanta sukkamula, punappunam jayanamiyanasabhavatta
jatimaranagamino samsaram nativattantiti attho.
      Yesanca hiriottappanti yesam pana parisuddhamatinam sattanam hiri ca
ottappancati ime dhamma sada sabbakalam rattindivam navamajjhimatherakalesu
samma upagamma thita papa jigucchanta bhayanta tadangadivasena papam
pajahanta. Virulhabrahmacariyati sasanabrahmacariye maggabrahmacariye ca virulham
apanna, aggamaggadhigamena sabbaso santakilesataya santagunataya va santo,
punabbhavassa khepitatta khinapunabbhava 1- hontiti.
                       Pancamasuttavannana nitthita.
                         --------------



             The Pali Atthakatha in Roman Book 27 page 179-183. http://84000.org/tipitaka/atthapali/read_rm.php?B=27&A=3951&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=3951&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=220              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5199              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5303              The Pali Tipitaka in Roman Character :- http://84000.org/tipitaka/read/roman_read.php?B=25&A=5303              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]