AtthaPali Vol.27

11. Apayikasuttavannana [48] Ekadasame apayikati apaye nibbattissantiti apayika. Tatthapi niraye nibbattissantiti nerayika. Idamappahayati idam idani vakkhamanam duvidham papasamacaram appajahitva, tathapatipattitathapagganhanavasena pavattam vacam cittam ditthinca appatinissajjitvati attho. Abrahmacariti brahmam settham caratiti brahma va settho acaro etassa atthiti brahmacari, na brahmacariti abrahmacari, brahmacaripatirupako dussiloti attho. Brahmacaripatinnoti "brahmacari ahan"ti evampatinno. Paripunnanti akhandadibhavena avikalam. Parisuddhanti upakkilesabhavena parisuddham. Amulakenati ditthadimulavirahitena, dittham sutam parisankitanti imehi codanamulakehi vajjitena Abrahmacariyena asetthacariyena. Anuddhamsetiti "parisuddho ayan"ti janantova parajikavatthuna dhamseti padhamseti, codeti akkosati va. Gathasu abhutavaditi parassa dosam adisvava abhutena tucchena musavadam katva param abbhacikkhanto. Katvati yo va pana papakammam katva "naham etam karomi"ti aha. Ubhopi te pecca sama bhavantiti te ubhopi jana ito paralokam gantva nirayam upagamanato gatiya samana bhavanti. Tattha gatiyeva nesam paricchinna, na pana ayu nesam. Bahum hi papam katva ciram niraye paccati, parittam katva appamattakameva kalam. Yasma pana tesam ubhinnampi kammam lamakameva. Tena vuttam "nihinakamma manuja parattha"ti. "paratta"ti pana padassa purato ^1- "pecca"ti padena sambandho:- parattha pecca ito gantva te nihinakamma paraloke ^2- sama bhavantiti. Evam bhagava abbhutabbhakkhanavasena bhutadosapaticchadanavasena ca pavattassa musavadassa vipakam dassetva idani tasmim thane nisinnanam bahunnam papabhikkhunam duccaritakammassa vipakadassanena samvejanattham dve gatha abhasi. Tattha kasavakanthati kasavarasapitatta kasavena vatthena palivethitakantha. Papadhammati lamakadhamma. Asannatati kayadihi sannamarahita. Papati tatharupa papapuggala papehi kammehi upapajjitva ^3- "tassa kayopi aditto sampajjalito sajotibhuto, sanghatipi aditta"tiadina ^4- lakkhanasamyutte vuttanayena mahadukakham anubhavantiyeva. Tatiyagatha ayam sankhepattho:- yance bhunajeyya dussilo nissilapuggalo kayadihi asannato ratthavasihi saddhadinnam yam ratthapindam "samanomhi"ti @Footnote: ¹ Si. parato ² cha.Ma. ayam patho na dissati ³ Si.,Ma. uppajjitva @⁴ vi.mahavi. 1/230/163, sam.ni. 16/218/247 Patijananto gahetva bhunjeyya, tato aditto aggivanno ayogulova bhutto seyyo sundarataro, kimkarana? tappaccaya hissa ekova attabhavo jhayeyya, dussilo pana hutva saddhadeyyam bhunjitva anekanipi jatisatani niraye upapajjeyyati. Ekadasamasuttavannana nitthita. ----------------

The Pali Atthakatha in Roman Book 27 page 200-202. http://84000.org/tipitaka/atthapali/read_rm.php?B=27&A=4423&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=4423&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=226 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5341 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5413 The Pali Tipitaka in Roman Character :- http://84000.org/tipitaka/read/roman_read.php?B=25&A=5413 Contents of The Tipitaka Volume 25 http://84000.org/tipitaka/read/?index_25