ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                       10. Maradheyyasuttavannana
      [59] Dasamassa ka uppatti? ekadivasam kira sattha sekkhabahulaya
parisaya parivuto nisinno tesam ajjhasayam oloketva upari visesadhigamaya
ussaham janetum asekkhabhumim thomento imam suttam abhasi. Tattha atikkammatiadisu
@Footnote: 1 vi.maha. 4/33/28. sam.sa. 15/151/135

--------------------------------------------------------------------------------------------- page229.

Ayam sankhepattho:- atikkamma atikkamitva abhibhavitva. Maradheyyam marassa visayam issariyatthanam. Adiccova yatha adicco abbhadiupakkilesavimutto attano iddhiya anubhavena tejasati tihi gunehi samannagato nabham abbhussakkamano 1- sabbam akasagatam tamam atikkamma atikkamitva abhibhavitva vidhamitva virocati obhasati tapati, evameva khinasavo bhikkhu tihi dhammehi samannagato sabbupakkilesavimutto maradheyyasankhatam tebhumakadhammappavattam abhibhavitva virocatiti. Asekkhenati ettha sikkhasu jatati sekkha, sattannam sekkhanam eteti va sekkha, apariyositasikkhatta sayameva sikkhantiti va sekkha, maggadhamma hetthimaphalattayadhamma ca. Aggaphaladhamma pana upari sikkhitabbabhavena na sekkhati asekkha. Yattha hi sekkhabhavasanka atthi, tatthayam patisedhoti lokiyadhammesu nibbane ca asekkhabhavanapatti datthabba. Silasamadhipannasankhata hi sikkha attano patipakkhakilesehi vimutta 2- parisuddha upakkilesanam arammanabhavampi anupagamanato satisayam sikkhati vattum yutta atthasupi maggaphalesu vijjanti, tasma catumaggahetthimaphalattayadhamma viya arahattaphaladhammapi "tasu sikkhasu jata"ti ca, tamsikkhasamangino arahato itaresam viya sekkhatte sati "sekkhassa ete"ti ca, "sikkha silam etesan"ti ca sekkhati asanka siyunti tadasankanivattanattham asekkhati yathavuttasekkhabhavappatisedham katva vuttam. Arahattaphale hi pavattamana sikkha parinitthitakiccatta na sikkhakiccam karonti, kevalam sikkhaphalabhavena pavattanti. Tasma ta na sikkhavacanam arahanti, napi tamsamangino sekkhavacanam, na ca tamsampayutta dhamma sikkhanasila. "sikkhasu jata"ti @Footnote: 1 Si. abbhussukkamano 2 cha.Ma. vippayutta

--------------------------------------------------------------------------------------------- page230.

Evamadiatthehi aggaphaladhamma sekkha na honti. Hetthimaphalesu pana sikkha sakadagamimaggavipassanadinam upanissayabhavato sikkhakiccam karontiti sikkhavacanam arahanti, tamsamangino ca sekkhavacanam, tamsampayutta dhamma ca sikkhanasila. Sekkhadhamma yathavuttehi atthehi sekkha hontiyeva. Atha va sekkhati apariyositasikkhanam vacananti asekkhati padam pariyositasikkhanam dassananti na lokiyadhammanibbananam asekkhabhavapatti. Vuddhippatta sekkha asekkha ca sekkhadhammesu eva kesanci vuddhippattanam asekkhata apajjatiti arahattamaggadhamma vuddhippatta, yathavuttehi ca atthehi sekkhati katva asekkha apannati ce? tam na, sadisesu tabboharato. Arahattamaggato hi ninnanakaranam arahattaphalam thapetva parinnadikiccakaranam vipakabhavanca, tasma te eva sekkha dhamma arahattaphalabhavam apannati sakka vattum. Kusalasukhato ca vipakasukham santatarataya panitataranti vuddhippattava te dhamma hontiti "asekkha"ti vuccanti. Te pana asekkhadhamme khandhavasena idha tidha vibhajitva tehi samannagamena khinasavassa anubhavam vibhavento bhagava "asekkhena silakkhandhena"tiadimaha. Tattha silasaddassa attho hettha vutto. Khandhasaddo pana rasimhi pannattiyam rulhiyam guneti bahusu atthesu ditthappayogo. Tatha hi "asankhyeyyo appameyyo mahaudakakkhandhotveva sankhyam gacchati"tiadisu 1- rasimhi agato. "addasa kho bhagava mahantam darukkhandham gangaya nadiya sotena vuyhamanan"tiadisu 2- pannattiyam. "cittam mano manasam hadayam pandaram mano manayatanam manindriyam, vinnanam vinnanakkhandho"tiadisu 3- rulhiyam. "na kho avuso @Footnote: 1 an.catukka. 21/51/63 anchakka. 22/308/375 @2 sam.sala. 18/322/223 (sya) 3 abhi.san. 34/65/32

--------------------------------------------------------------------------------------------- page231.

Visakha ariyena atthangikena maggena tayo khandha sangahita, tihi ca kho avuso visakha khandhehi ariyo atthangiko maggo sangahito"tiadisu 1- gune. Idhapi guneyeva datthabbo. Tasma asekkhena silasankhatena gunenati attho. Samannagatoti sampayutto samangibhuto. Samadahati etena, sayam va samadahati, samadhanameva vati samadhi. Pakarehi janati yathasabhavam pativijjhatiti panna. Silameva khandho silakkhandho. Sesesupi eseva nayo. Tattha aggaphalabhuta sammavaca sammakammanto sammaajivo ca sabhaveneva asekkho silakkhandho nama, tatha sammasamadhi asekkho samadhikkhandho. Tadupakarakato pana sammavayamasammasatiyo samadhikkhandhena sangaham gacchanti. Tatha sammaditthi asekkho pannakkhandho. Tadupakarakato sammasankapPo. Pannakkhandhe sangaham gacchatiti evamettha atthapi arahattaphaladhamma tihi khandhehi sangahetva dassitati veditabbam. Yassa ete subhavitati yena arahata ete siladayo asekkhadhammakkhandha subhavita sutthu vaddhita, so adicco viya 2- virocatiti sambandho. "yassa cete"tipi pathanti. Tesam casaddo nipatamattam. Evametasmim vagge pathamasutte vattam, pariyosanasutte vivattam, itaresu vattavivattam kathitam. Dasamasuttavannana nitthita. Pathamavaggavannana nitthita. ------------- @Footnote: 1 Ma.mu. 12/462/412 2 cha.Ma. adiccova


             The Pali Atthakatha in Roman Book 27 page 228-231. http://84000.org/tipitaka/atthapali/read_rm.php?B=27&A=5041&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5041&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=237              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5549              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5554              The Pali Tipitaka in Roman Character :- http://84000.org/tipitaka/read/roman_read.php?B=25&A=5554              Contents of The Tipitaka Volume 25 http://84000.org/tipitaka/read/?index_25

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]