ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        9. Pathamaragasuttavannana
      [68] Navame yassa kassaciti aniyamitavacanam, tasma yassa kassaci puggalassa
gahatthassa va pabbajitassa va. Rago appahinoti ranjanatthena rago
samucchedavasena appahino, 2- maggena anuppattidhammatam na apadito. Dosamohesupi
eseva nayo. Tattha apayagamaniya ragadosamoha pathamamaggena, olarika
kamaragadosa dutiyamaggena, teyeva anavasesa tatiyamaggena, bhavarago
@Footnote: 1 khu.maha. 29/67/67, khu.cula. 30/164/83 (sya)  2 cha.Ma. na pahino
Avasitthamoho ca catutthamaggena pahiyanti. Evametesu pahiyantesu tadekatthato
sabbepi kilesa pahiyanteva. Evamete ragadayo yassa kassaci bhikkhussa va
bhikkhuniya va upasakassa va upasikaya va maggena appahina.
      Baddho marassati kilesamarena baddhoti vuccati. Yadaggena ca kilesamarena
baddho, tadaggena abhisankharamaradihipi baddhoyeva hoti. Patimukkassa marapasoti
patimukko assa anena appahinakilesena puggalena taya eva appahinakilesataya
marapasasankhato kileso attano cittasantane patimukko pavesito, tena sayam
bandhapitoti attho. Atha va patimukko assa bhaveyya marapaso. Sukkapakkhe
omukkassati avamukko mocito appanito assa. Sesam vuttavipariyayena
veditabbam.
      Idha gatha sukkapakkhavaseneva agata. Tatrayam sankhepattho:- yassa
ariyapuggalassa ragadosavijja virajita aggamaggena nirodhita, tam
bhavitakayasilacittapannataya bhavitattesu arahantesu annataram abbhantaram ekam
brahmabhutam brahmam va settham arahattaphalam pattam, yatha anne khinasava
pubbupanissayasampattisamannagata hutva agata, yatha ca te antadvayarahitaya
silasamadhipannakkhandhasahagataya majjhimaya patipadaya nibbanam gata adhigata, yatha va te
khandhadinam tathalakkhanam yathavato pativijjhimsu, yatha ca te tathadhamme dukkhadayo
aviparitato abbhannimsu, rupadike ca visaye yatha te ditthamattadivaseneva
passimsu, yatha va panete attha anariyavohare vajjetva ariyavoharavaseneva
pavattavaca, vacanurupanca pavattakaya, kayanurupanca pavattavaca, tatha
ayampi ariyapuggaloti tathagatam, catusaccabuddhataya buddham puggalaveram kilesaveram
Attanuvadadibhayanca atikkantanti verabhayatitam sabbesam kilesabhisankharadinam
pahinatta sabbappahayinam buddhadayo ariya ahu kathenti kittentiti.
                       Navamasuttavannana nitthita.
                          -------------



             The Pali Atthakatha in Roman Book 27 page 245-247. http://84000.org/tipitaka/atthapali/read_rm.php?B=27&A=5410&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5410&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=246              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5703              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5650              The Pali Tipitaka in Roman Character :- http://84000.org/tipitaka/read/roman_read.php?B=25&A=5650              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com