AtthaPali Vol.27

7. Sukhapatthanasuttavannana [76] Sattame sukhaniti sukhanimittani. Patthayamanoti icchamano akankhamano. Silanti gahatthasilam pabbajitasilanca. Gahattho ce, gahatthasilam, pabbajito ce, catuparisuddhisilanti adhippayo. Rakkheyyati samadiyitva

--------------------------------------------------------------------------------------------- page274.

Avitikkamanto sammadeva gopeyya. Pasamsa me agacchatuti "mama kalyano kittisaddo agacchatu"ti icchanto pandito sappanno silam rakkheyya. Silavato hi gahatthassa tava "asuko asukakulassa putto silava kalyanadhammo saddho pasanno dayako karako"tiadina parisamajjhe kalyano kittisaddo abbhuggacchati, pabbajitassa "asuko nama bhikkhu silava vattasampanno sorato sukhasamvaso sagaravo sappatisso"tiadina .pe. Abbhuggacchatiti. Vuttanhetam:- "puna caparam gahapatiyo silavato silasampannassa kalyano kittisaddo abbhuggacchati"ti. ^1- Tatha:- "akankheyya ce bhikkhave bhikkhu `sabrahmacarinam piyo cassam manapo, garu ca bhavaniyo ca'ti, silesvevassa paripurakari"tiadi. ^2- Bhoga me uppajjantuti ettha gahatthassa silavato kalyanadhammassa ye yena sippatthanena jivikam kappeti yadi kasiya yadi vanijjaya yadi rajaporisena, tam tam yathakalam yathavidhinca ativiya appamattabhavato athassa anuppanna ceva bhoga uppajjanti, uppanna ca bhoga phatim gamissanti. Pabbajitassa pana silacarasampannassa appamadaviharissa sato silasampannassa silasampadaya appicchatadigunesu ca pasanna manussa ularulare paccaye abhiharanti, evamassa anuppanna ceva bhoga uppajjanti, uppanna ca thira honti. Tatha hi vuttam:- "puna caparam gahapatayo silava silasampanno appamadadhikaranam mahantam bhogakkhandham adhigacchati"ti. ^1- @Footnote: ¹ vi.maha. 5/285/61, an.pancaka. 22/213/281, khu.u. 25/76/221 ² Ma.mu. 12/65/43

--------------------------------------------------------------------------------------------- page275.

Tatha:- "akankheyya ce bhikkhave bhikkhu `labhi assam civarapinpatasenasanagilanapaccayabhesajjaparikkharanan'ti silesvevassa paripurakari"ti ^1- ca. Sesam vuttanayameva. Gathasu patthayanoti patthayanto. Tayo sukheti tinisukhani. Vittalabhanti dhanalabham, bhoguppattinti attho. Visesato cettha pasamsaya cetasikam sukham bhogehi kayikam sukham, itarena upapattisukham, tatha pathamena ditthadhammasukham, tatiyena samparayasukham, dutiyena ubhayam sukham gahitanti veditabbam. Idani pasamsadikaranassa silassa viya pasamsadinampi visesakaranam papamittaparivajjanam kalyanamittasevananca adinavanisamsehi saddhim dassento "akaronto"tiadimaha. Tattha sankiyoti papasmim parisankitabbo "addha imina papam katam va karissati va, tatha hi so ^2- papapurisehi saddhim sancarati"ti. Assati imassa papajanasevino puggalassa upari, assa va avanno abhutopi papajanasevitaya. Ruhatiti virulhim vepullam apajjati pattharati. Assati va bhummatthe samivacanam, tasmim puggaleti attho. Sa ve tadisako hotiti yo yadisam papamittam va kalyanamittam va bhajati upasevati ca, so puggalo bhumibhagavasena udakam viya tadisova hoti, papadhammo kalyanadhammo va hoti. Kasma? sahavaso hi tadiso yasma sahavaso samsaggo uparago viya phalikamanisu purisaupanissayabhutam puggalakaram gahapeti, tasma papapuggalena sahavaso na katabboti adhippayo. @Footnote: ¹ vi.maha. 5/285/61, an.pancaka. 22/213/281, khu.u. 25/76/221 ² cha.Ma. tatha hesa

--------------------------------------------------------------------------------------------- page276.

Sevamano sevamananti param pakatisuddham puggalam kalena kalam attanam sevamanam sevamano bhajamano papapuggalo, tena va seviyamano. Samphuttho samphusanti tena pakatisuddhena puggalena sahavasena samsaggena samphuttho papapuggalo sayampi tatha tam samphusanto. Saro diddho kalapam vati yatha nama saro visena diddho litto sarakalapagato sarasamuhasankhatam sarakalapam attana phuttham alittampi upalimpati, evam papena upalepabhaya dhiroti dhitisampannatta dhiro panditapuriso papasahayo na bhaveyya. Putimaccham kusaggenati yatha kucchitabhavena putibhutam maccham kusatinaggena yo puriso upanayhati putabandhavasena bandhati, tassa te kusa aputikapi putimacchasambandhena puti duggandhameva vayanti. Evam balupasevanati evamsampada balajanupasevana datthabba. Evam dhirupasevanati yatha asurabhinopi patta taggarasambandhena surabhim vayanti, evam panditupasevana pakatiya asilavato silasamadanadivasena silagandhavayanassa karanam hoti. Tasmati yasma akalyanamittasevanaya kalyanamittasevanaya ca ayam ediso adinavo anisamso ca, tasma pattaputasseva ^1- palasaputassa viya duggandhasugandhavatthu- samsaggena asadhusadhujanasannissayena ca. Natva sampakamattanoti attano dukkhudrayam sukhudrayanca phalanipphattim natva janitva asante papamitte na upaseveyya, sante upasante vantadose pasatthe va pandite seveyya. Tatha hi asanto nirayam nenti, santo papenti suggatinti, iti bhagava pathamagathaya yathavuttani tini sukhanimittani dassetva tato parahi pancahi gathahi patipakkhaparivajjanena saddhim pasamsasukhassa agamanam dassetva osanagathaya tinnampi sukhanam agamanakaranena saddhim osanasukham dasseti. Sattamasuttavannana nitthita. -------------- @Footnote: ¹ Ma. palasaputasseva

The Pali Atthakatha in Roman Book 27 page 273-276. http://84000.org/tipitaka/atthapali/read_rm.php?B=27&A=6024&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6024&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=254 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5902 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5835 The Pali Tipitaka in Roman Character :- http://84000.org/tipitaka/read/roman_read.php?B=25&A=5835 Contents of The Tipitaka Volume 25 http://84000.org/tipitaka/read/?index_25