AtthaPali Vol.27

9. Dhatusosamsandanasuttavannana [78] Navame dhatusoti dhatuto. Dhatuti ca ajjhasayadhatu ajjhasayasabhavo adhippeto, yo adhimuttitipi vuccati. Samsandantiti taya dhatusabhagaya yathadhatu yathaajjhasayam alliyanti ekato honti. Samentiti taya eva samanajjhasayataya ekacitta hutva samagacchanti annamannam bhajanti upasankamanti, attano rucibhavakhantiditthiyo va tattha tattha same karonta pavattanti. Hinadhimuttikati hine kamagunadike adhimutti etesanti hinadhimuttika, hinajjhasaya. Kalyana- dhimuttikati kalyane nekkhammadike adhimutti etesanti kalyanadhimuttika, @Footnote: ¹ khu.thera. 26/606/356

--------------------------------------------------------------------------------------------- page279.

Panitajjhasaya. Sace hi acariyupajjhaya na silavanto, antevasikasaddhiviharika ca silavanto, te acariyupajjhayepi na upasankamanti, attano sadise saruppabhikkhuyeva upasankamanti. Sace pana acariyupajjhaya silavanto. Itare na silavanto, tepi na acariyupajjhaye upasankamanti, attano sadise hinadhimuttikeyeva upasankamanti. Evam upasankamanam pana na kevalam etarahi eva, atha kho atitanagatepiti dassento "atitampi bhikkhave"tiadimaha. Sankhepato sankilesadhammesu abhinivittha hinadhimuttika, vodanadhammesu abhinivittha kalyanadhimuttika. Idam pana dussilanam dussilasevanameva, silavantanam silavantasevanameva, duppannanam duppannasevanameva, pannavantanam pannavantasevanameva ko niyametiti? ajjhasayadhatu niyameti. Sambahula kira bhikkhu ekasmim game bhikkhacaram caranti, te manussa bahum bhattam aharitva pattani puretva "yathasabhagam paribhunjatha"ti vatva uyyojesum. Bhikkhu ahamsu "avuso manussa dhatusampayuttakamme payojenti"ti. Evam ajjhasayadhatu niyametiti. Dhatusampayuttena ayamattho dipetabbo:- gijjhakutapabbatasmim hi gilanaseyyaya nipanno bhagava arakkhatthaya parivaretva vasantesu sariputtamoggallanadisu ekamekam attano parisaya saddhim cankamantam oloketva bhikkhu amantesi "passatha no tumhe bhikkhave sariputtam sambahulehi bhikkhuhi saddhim cankamantanti. Evam bhanteti. Sabbe kho te bhikkhave bhikkhu mahapanna"ti ^1- sabbam vittharetabbam. Gathasu samsaggati sankilesato sahavasadivasena samayogato, atha va dassanasamsaggo savanasamsaggo samullapasamsaggo sambhogasamsaggo kayasamsaggoti evam pancavidhe samsagge yato kutoci samsaggato. Vanatho jatoti @Footnote: ¹ sam.ni. 16/99/149

--------------------------------------------------------------------------------------------- page280.

Kileso uppanno maggena asamuhato. Asamsaggena chijjatiti samsaggapatikkhepena kayavivekadina pubbabhage chijjitva puna accantaasamsaggena samucchedavivekena chijjati pahiyati. Ettavata sankhepato hinadhimuttiya samudayo atthangamo ca dassito hoti. Yasma pana te samsagga te ca kilesa kosajjavasena uppajjanti ceva vaddhanti ca, na viriyarambhavasena, tasma hinadhimuttike kusite puggale vajjetva kalayanadhimuttike araddhaviriyena sevantena asamsaggena samsaggajo vanatho chinditabboti. Yathavuttamattham vittharato dassento kusitasevanaya tava adinavam pakasetum "parittam darun"tiadimaha. Tattha parittam darunti khuddakam katthamayam kullam. Yatha side mahannaveti yatha khuddakam kullam aruhitva mahasamuddam taritukamo tiram appatva samuddamajjheyeva sideyya, patitva macchakacchapabhakkho bhaveyya. Evam kusitam agamma, sadhujivipi sidatiti evameva kusitam viriyarambharahitam kilesavasikam puggalam nissaya tena katasamsaggo sadhujivipi parisuddhajivopi parisuddhasilopi samano hinasamsaggato uppannehi kamavitakkadihi khajjamano param gantum asamattho samsarannaveyeva sidati. Tasmati yasma evamanatthavaho kusitasamsaggo, tasma tam agamma alasiyanuyogena kucchitam sidatiti kusitam, tato eva hinaviriyam nibbiriyam akalyanamittam parivajjeyya. Ekanteneva pana kayavivekadinanceva tadangavivekadinanca vasena pavivittehi, tato eva kilesehi arakatta ariyehi parisuddhehi, nibbanam patipesitattabhavato pahitattehi arammanalakkhanupanijjhananam vasena jhayanato jhayihi sabbakalam paggahitaviriyataya araddhaviriyataya araddhaviriyehi panditehi sappannehiyeva saha avaseyya samvaseyyati. Navamasuttavannana nitthita. -------------

The Pali Atthakatha in Roman Book 27 page 278-280. http://84000.org/tipitaka/atthapali/read_rm.php?B=27&A=6133&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6133&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=256 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5950 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5871 The Pali Tipitaka in Roman Character :- http://84000.org/tipitaka/read/roman_read.php?B=25&A=5871 Contents of The Tipitaka Volume 25 http://84000.org/tipitaka/read/?index_25