AtthaPali Vol.27

3. Devasaddasuttavannana [82] Tatiye devesuti thapetva arupavacaradeve ceva asannadeve ca tadannesu upapattidevesu. Devasaddati devanam pitisamudaharasadda. Niccharantiti annamannam allapasallapavasena pavattanti. Samaya samayam upadayati samayato samayam paticca. Idam vuttam hoti:- yasmim kale thita te deva tam kalam agamma nam passissanti, tato tam samayam sampattam agammati. "samayam samayam upadaya"ti ca keci pathanti, tesam tam tam samayam paticcati attho. Yasmim samayeti yada "atthikankalupama kama"tiadina ^5- "sambadho gharavaso"tiadina ^6- ca kamesu @Footnote: ¹ khu.ja. 28/92/41 (sya) ² Si. ekaggabhaveva, ka. ekaggabhavova @³ Si. appamanaviharinoti ⁴ Si. pamanakaradhammanam @⁵ vi.mahavi. 2/417/306-7, Ma.mu. 12/234/198 @⁶ di.Si. 9/191/63, sam.ni. 16/155/210

--------------------------------------------------------------------------------------------- page287.

Gharavase ca adinava tappatipakkhato nekkhamme anisamsa ca sudittha honti, tasmim samaye. Tada hissa ekantena pabbajjaya cittam namati. Ariyasavakoti ariyassa buddhassa bhagavato savako, savakabhavam upagantukamo, ariyasavako va avassambhavi. Antimabhavikam tam savakabodhisattam sandhaya ayamarambho. Kesamassum oharetvati kese ca massum ca oharetva apanetva. Kasayani vatthani acchadetvati kasayena rattatta kasayani brahmacariyam carantanam anucchavikani vatthani nivasetva ceva parupitva ca. Agarasma anagariyam pabbajjaya cetetiti agarasma ghara nikkhamitva anagariyam pabbajjam pabbajeyyanti pabbajjaya ceteti vikappeti, pabbajatiti attho. Ettha ca yasma agarassa hitam kasivanijjadikammam agariyanti vuccati, tanca pabbajjaya natthi, sama pabbajja anagariyanti natabba. Marenati kilesamarena. Sangamaya cetetiti yujjhanatthaya cittam uppadeti, maram abhivijetum sannayhati. Yasma pana evarupassa patipajjanakapuggalassa devaputtamaropi antarayaya upakkamati, tasma tassapi marenati ettha devaputtamarenatipi attho veditabbo. Tassapi ayam icchavighatam karissatevati. Yasma pana pabbajitadivasato patthaya khuraggato va patthaya silani samadiyanto parisodhento samathavipassanasu kammam karonto yatharaham tadangappahanavikkhambhanappahananam vasena kilesamaram paripateti nama, na yujjhati nama sampaharassa abhavato, tasma vuttam "marena saddhim sangamaya ceteti"ti. Sattannanti kotthasato sattannam, pabhedato pana te sattatimsa honti. Katham? cattaro satipatthana cattaro sammappadhana cattaro iddhipada Pancindriyani panca balani satta bojjhanga ariyo atthangiko maggoti.

--------------------------------------------------------------------------------------------- page288.

Evam pabhedato sattatimsavidhapi satipatthanadikotthasato satteva hontiti vuttam "sattannan"ti. Bodhipakkhiyananti bujjhanatthena bodhiti laddhanamassa ariyapuggalassa maggananasseva va pakkhe bhavanam bodhipakkhiyanam, ^1- bodhikotthasiyananti attho. "bodhipakkhikanan"tipi patho, bodhipakkhavantanam, bodhipakkhe va niyuttananti attho. Bhavananuyogamanuyuttoti vipassanam ussukkapetva ariyamaggabhavana- nuyogamanuyutto. Vipassanakkhane hi satipatthanadayo pariyayena bodhipakkhiya nama, maggakkhaneyeva pana te nippariyayena bodhipakkhiya nama honti. Asavanam khayati kamasavadinam sabbesam asavanam khaya. Asavesu hi khinesu sabbepi kilesa khinayeva honti. Tena arahattamaggo vutto hoti. Anasavanti asavavirahitam. Cetovimuttim pannavimuttinti ettha cetovacanena arahattaphalasamadhi, pannavacanena tamsampayutta ca panna vutta. Tattha samadhi ragato vimuttatta cetovimutti, panna avijjaya vimuttatta pannavimuttiti veditabba. Vuttanhetam bhagavata:- "yo hissa bhikkhave samadhi, tadassa samadhindriyam. Ya hissa bhikkhave panna, tadassa pannindriyam. Iti kho bhikkhave ragaviraga cetovimutti, avijjaviraga pannavimutti"ti. ^2- Apicettha samathaphalam cetovimutti, vipassanaphalam pannavimuttiti veditabba. Dittheva dhammeti imasmimyeva attabhave. Sayam abhinna sacchikatvati attanayeva abhivisitthaya pannaya paccakkham katva aparappaccayena natva. Upasampajja viharatiti papunitva sampadetva viharati. Tameva sangamasisam abhivijiya ajjhavasatiti maram abhivijinitva vijitavijayatta tena katasangamasankhatassa ^3- ariyamaggassa @Footnote: ¹ Ma. bodhibhagiyanam ² sam.maha. 19/516/196 ³ Ma. katasangamavacarasankhatassa

--------------------------------------------------------------------------------------------- page289.

Sisabhutam arahattaphalasamapattiissariyatthanam abhibhavanto avasati, samapajjati icceva attho. Ime ca devasadda ditthasaccesu devesu pavattanti, visesato suddhavasadevesuti veditabbam. Gathasu mahantanti siladigunamahattena mahantam. Vitasaradanti sarajjakaranam kilesanam abhavena vigatasarajjam apagatamankubhavam. Purisajannati assadisu assajaniyadayo viya purisesu ajaniyabhuta uttamapurisa. Dujjayamajjhabhuti pacurajanehi jetum asakkuneyyam kilesavahinim abhibhavi ajjhotthari. "ajjayi"tipi pathanti, ajiniti attho. Jetvana maccuno ^1- senam, vimokkhena anavaranti lokattayabhibyapanato diyaddhasahassadivibhagato ca vipulatta annehi avaritum patisedhetum asakkuneyyatta ca anavaram maccuno marassa senam vimokkhena ariyamaggena jetva yo tvam dujjayam ajayi, tassa namo te purisajannati sambandho. Ititi vuttappakarena. Hiiti nipatamattam. Etam pattamanasam adhigatarahattam khinasavam devata namassantiti vuttamevattham nigamanavasena dasseti. Atha va ititi imina karanena. Kim pana etam karanam? namucisenavijayena pattamanasattam. Imina karanena tam devata namassantiti attho. Idani tam karanam phalato dassetum "tanhi tassa na passanti, yena maccuvasam vaje"ti vuttam. Tassattho:- yasma tassa purisajannassa panidhaya gavesantapi deva anumattampi tam karanam na passanti, yena so maccuno maranassa vasam vaje upagaccheyya, tasma tam visuddhideva namassantiti. Tatiyasuttavannana nitthita. -------------- @Footnote: ¹ Ma. manobhuno

The Pali Atthakatha in Roman Book 27 page 286-289. http://84000.org/tipitaka/atthapali/read_rm.php?B=27&A=6313&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6313&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=260 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6043 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5959 The Pali Tipitaka in Roman Character :- http://84000.org/tipitaka/read/roman_read.php?B=25&A=5959 Contents of The Tipitaka Volume 25 http://84000.org/tipitaka/read/?index_25