ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        5. Upaparikkhasuttavannana
      [94] Pancame tatha tathati tena tena pakarena. Upaparikkheyyati
vimamseyya parituleyya sammaseyya va. Yatha yathassa upaparikkhatoti yatha yatha
assa bhikkhuno upaparikkhantassa. Bahiddha cassa vinnanam avikkhittam avisatanti
bahiddha rupadiarammane uppajjanakavikkhepabhavato avikkhittam samahitam. Tato
eva avisatam siya. Idam vuttam hoti:- bhikkhave yena yena pakarena imassa
araddhavipassakassa bhikkhuno upaparikkhato sankhare sammasantassa pubbe
samahitakarasallakkhanavasena samathanimittam 1- gahetva sakkaccam nirantaram sammasanananam
@Footnote: 1 Ma. pavattacittam
Pavattentassa attano vipassanacittam kammatthanato bahiddha rupadiarammane
uppajjanakam na siya, accaraddhaviriyataya uddhaccapakkhiyam na siya, tena tena
pakarena bhikkhu upaparikkheyya parituleyyati. Ajjhattam asanthitanti yasma viriye
mandam vahante samadhissa balavabhavato kosajjabhibhavena ajjhattam gocarajjhatta
sankhate kammatthanarammane sankocavasena thitatta santhitam nama hoti, viriyasamataya
pana yojitaya asanthitam hoti vithim patipannam. Tasma yatha yathassa upaparikkhato
vinnanam ajjhattam asanthitam assa vithipatipannam siya, tatha tatha upaparikkheyya.
Anupadaya na paritasseyyati yatha yathassa upaparikkhato "etam mama, eso me
atta"ti tanhaditthiggahavasena rupadisu kanci sankharam aggahetva tato eva
tanhaditthiggahavasena na paritasseyya, tatha tatha upaparikkheyyati sambandho.
Katham pana upaparikkhato tividham petam siyati? uddhaccapakkhiye ca kosajjapakkhiye ca
Dhamme avajjento 1- viriyasamatam yojetva pubbeva vipassanupakkilesehi cittam
visodhetva yatha sammadeva vipasasanananam vipassanavithim patipajjati, tatha sammasato.
      Iti bhagava catusaccakammatthanikassa bhikkhuno anukkamena patipadananadassana-
visuddhiya araddhaya accaraddhaviriyaatisithilaviriyavipassanupakkilesehi cittassa
visodhanupayam dassetva idani tatha visodhite vipassananane nacirasseva vipassanam
maggena ghatetva sakalavattadukkhasamatikkamaya samvattatiti dassento "bahiddha 2-
bhikkhave vinnane"tiadimaha, tam vuttanayameva. Yam pana vuttam "ayatim
jatijaramaranadukkhasamudayasambhavo na hoti"ti, tassattho:- evam vipassanam maggena
ghatetva maggapatipatiya aggamaggena anavasesato kilesesu khinesu ayatim
anagate jatijaramaranasakalavattadukkhassa samudayasankhato sambhavo uppado ca na
@Footnote: 1 cha.Ma. vajjento      2 Si. bahiddha cassa
Hoti, jatisankhato va dukkhasamudayo jaramaranasankhato dukkhasambhavo ca na hoti.
      Gathayam sattasangappahinassati tanhasango ditthisango manasango
kodhasango avijjasango kilesasango duccaritasangoti imesam sattannam sanganam
pahinatta sattasangappahinassa. Keci pana "sattatanusaya eva satta sanga"ti
vadanti. Netticchinnassati chinnabhavanettikassa. Vikkhino jatisamsaroti punappunam
jayanavasena pavattiya jatihetukatta ca jatibhuto samsaroti jatisamsaro, so
bhavanettiya chinnatta vikkhino parikkhino, tato eva natthi tassa punabbhavoti.
                       Pancamasuttavannana nitthita.
                         --------------



             The Pali Atthakatha in Roman Book 27 page 338-340. http://84000.org/tipitaka/atthapali/read_rm.php?B=27&A=7492&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=7492&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=274              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6383              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6256              The Pali Tipitaka in Roman Character :- http://84000.org/tipitaka/read/roman_read.php?B=25&A=6256              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com