AtthaPali Vol.27

6. Kamupapattisuttavannana [95] Chatthe kamupapattiyoti kamapatilabha kamapatisevana va. Paccupatthitakamati nibaddhakama nibaddharammana yatha tam manussa. Manussa hi nibaddhavatthusmim vasam vattenti. Yattha patibaddhacitta honti, satampi sahassampi datva tameva matugamam anetva nibaddhabhogam bhunjanti. Ekacce ca deva. Catumaharajikato patthaya hi catudevalokavasino nibaddhavatthusmimyeva vasam vattenti. Pancasikhavatthu cettha nidassanam. Tatha ekacce apayike nerayike thapetva sesaapayasattapi nibaddhavatthusmimyeva vasam vattenti. Maccha hi attano macchiya, kacchapo kacchapiyati evam sabbepi tiracchana peta vinipatika ca. Tasma nerayike thapetva sesaapayasatte upadaya yava tusitakaya ime satta paccupatthitakama nama. Nimmanaratinoti sayam nimmite nimmane rati etesanti nimmanaratino. Te hi nilapitadivasena yadisam yadisam rupam icchanti, tadisam tadisam nimminitva ramanti ayasmato anuruddhassa purato manapakayika devata Viya. Paranimmitavasavattinoti parehi nimmite kame vasam vattentiti paranimmitavasavattino. Tesam hi manam natva pare yatharucitam kamabhogam nimminanti, te tattha vasam vattenti. Katham te parassa manam janantiti? pakatisevanavasena. ^1- Yatha hi kusalo sudo ranno bhunjantassa yam yam ruccati, tam tam janati, evam pakatiya abhirucitarammanam natva tadiseyeva nimminanti, te tattha vasam vattenti, methunasevanadivasena kame paribhunjanti. Keci pana "hasitamattena olokitamattena alingitamattena hatthaggahanamattena ca tesam kamakiccam ijjhati"ti vadanti, tam atthakathayam "etam pana natthi"ti patikkhittam. Na hi kayena aphusantassa photthabbakamakiccam sadheti. Channampi kamavacaradevanam kama pakatika eva. Vuttanhetam:- "../../bdpicture/cha ete kamavacara sabbakamasamiddhino sabbesam ekasankhatam ayu bhavati kittakan"ti. ^2- Gathasu ye canneti ye yathavuttadevehi anne ca kamabhogino manussa ceva ekacce apayupaga ca, sabbe te. Itthabhavannathabhavanti imam yathapatiladdhattabhavanceva. Upapattibhavantarasankhatam ito annathabhavancati dvippabhedam samsaram nativattare na atikkamanti. Sabbe pariccaje kameti dibbadibhede sabbepi kame vatthukame ca kilesakame ca pariccajeyya. Kilesakame anagamimaggena pajahantoyeva hi vatthukame pariccajati nama. Piyarupasatarupagadhitanti piyarupesu rupadisu sukhavedanassadena gadhitam giddham. Chetva sotam duraccayanti annehi duraccayam duratikkamam tanhasotam arahattamaggena samucchinditva. Sesam hettha vuttanayameva. ^3- Chatthasuttavannana nitthita. ---------------- @Footnote: ¹ Si. patisevanavasena ² abhi.vi. 35/1023/516 ³ cha.Ma. vuttanayamevati

The Pali Atthakatha in Roman Book 27 page 340-341. http://84000.org/tipitaka/atthapali/read_rm.php?B=27&A=7532&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=7532&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=275 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6392 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6262 The Pali Tipitaka in Roman Character :- http://84000.org/tipitaka/read/roman_read.php?B=25&A=6262 Contents of The Tipitaka Volume 25 http://84000.org/tipitaka/read/?index_25