ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        7. Kamayogasuttavannana
      [96] Sattame kamayogayuttoti pancakamaguniko rago kamayogo, tena
yutto kamayogayutto, asamucchinnakamaragassetam adhivacanam. Ruparupabhavesu
chandarago bhavayogo, tatha jhananikanti sassataditthisahagato ca rago, tena
yutto bhavayogayutto, appahinabhavaragoti attho. Agamiti brahmaloke
thitopi patisandhiggahanavasena imam manussalokam agamanasilo. Tenevaha
"agantva itthattan"ti  manussattabhavasankhatam itthabhavam agamanadhammo,
manussesu uppajjanasiloti attho. Kamancettha kamayogo itthattam agamanassa
karanam, yo pana kamayogayutto, so ekantena bhavayogayuttopi hotiti
dassanattham "kamayogayutto bhikkhave bhavayogayutto"ti ubhayampi ekajjham katva
vuttam.
      Kamayogavisamyuttoti ettha asubhajjhanampi kamayogavisamyogo,
kamayogavisamyogo, tam padakam katva adhigato anagamimaggo ekanteneva
kamayogavisamyogo nama, tasma tatiyamaggaphale thito ariyapuggalo "kamayogavisamyutto"ti
vutto. Yasma pana ruparupabhavesu chandarago anagamimaggena na pahiyati,
tasma so appahinabhavayogatta "bhavayogayutto"ti vutto. Anagamiti kamalokam
patisandhiggahanavasena anagamanato anagami. Kamayogavisamyogavaseneva hi saddhim
anavasesaorambhagiyasamyojanasamugghatena ajjhattasamyojanabhavasiddhito itthattam
anaganta hoti, tattha parinibbayi anavattidhammo. Yassa pana anavasesam
bhavayogo pahino, tassa avijjayogadiavasitthakilesapi tadekatthabhavato pahina
eva hontiti so parikkhinabhavasamyojano "araham khinasavo"ti vuccati. Tena
vuttam "kamayogavisamyutto bhikkhave bhavayogavisamyutto araham hoti khinasavo"ti.
Ettha ca kamayogavisamyogo anagami catutthajjhanassa sukhadukkhasomanassa-
domanassappahanam viya, tatiyamaggassa ditthivicikicchasilabbataparamasasamyojanaparikkhayo
viya ca catutthamaggassa vannabhananattham vuttoti datthabbam. Pathamapadena
sotapannasakadagamihi saddhim sabbo puthujjano gahito, dutiyapadena sabbo
anagami, tatiyapadena arahati arahattanikutena desanam nitthapesi.
      Gathasu ubhayanti ubhayena, kamayogena bhavayogena ca samyuttati. Attho.
Satta gacchanti samsaranti puthujjana sotapanna sakadagaminoti ime tividha
satta kamayogabhavayoganam appahinatta gacchanti samsaranti, tato eva
jatimaranagamino honti. Ettha ekabiji kolamkolo sattakkhattuparamoti tisu
sotapannesu sabbamudu sattakkhattuparamo, so atthamam bhavam na nibbatteti,
attano paricchinnajativasena pana samsarati, tatha itarepi. Sakadagamisupi yo
idha sakadagamimaggam patva devaloke uppajjitva puna idha nibbattati,
so attano paricchinnajativaseneva samsarati. Ye pana sakadagamino
vomissakanayena vina tattha tattha devesuyeva manussesuyeva va nibbattanti,
te uparimaggadhigamaya yava indriyaparipaka punappunam uppajjanato
samsarantiyeva. Puthujjane pana vattabbameva natthi sabbabhavasamyojananam aparikkhinatta.
Tena vuttam:-
            "kamayogena samyutta      bhavayogena cubhayam
             satta gacchanti samsaram     jatimaranagamino"ti.
      Kame pahantvanati kamaragasankhate kilesakame anagamimaggena
pajahitva. Chinnasamsayati samucchinnakankha, tanca kho sotapattimaggeneva.
Vannabhananattham pana catutthamaggassa evam vuttam. Arahanto hi idha "../../bdpicture/chinnasamsaya"ti
adhippeta. Tenevaha "khinamanapunabbhava"ti. Sabbaso khino navavidhopi mano
Ayatim punabbhavo ca etesanti khinamanapunabbhava. Managgahanena cettha
tadekatthataya lakkhanavasena va sabbo catutthamaggavajjho kileso gahitoti.
Khinamanataya ca saupadisesa nibbanadhatu vutta hoti, khinapunabbhavataya
anupadisesa. Sesam suvinneyyameva.
                       Sattamasuttavannana nitthita.
                        -----------------



             The Pali Atthakatha in Roman Book 27 page 342-344. http://84000.org/tipitaka/atthapali/read_rm.php?B=27&A=7569&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=7569&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=276              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6408              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6276              The Pali Tipitaka in Roman Character :- http://84000.org/tipitaka/read/roman_read.php?B=25&A=6276              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]