Atthakatha Book 27 : PALI ROMAN
Iti.A. (paramatthadī.)

                   4. Samaṇabrāhmaṇasuttavaṇṇanā
      [103] Catutthe yehi kecīti ye keci. Idaṃ dukakhanti yathābhūtaṃ nappajānantīti
"idaṃ dukkhaṃ, ettakaṃ dukkhaṃ, na ito bhiyyo"ti aviparītaṃ sabhāvasarasalakkhaṇato
@Footnote: 1 dī.pā. 11/358/269   2 saṃ.sa. 15/185/188
Vipassanāpaññāsahitāya maggapaññāya dukkhasaccaṃ na jānanti na paṭivijjhanti. Sesesupi
eseva nayo. Na me te bhikkhavetiādīsu ayaṃ saṅkhepattho:- bhikkhave
catusaccakammaṭṭhānaṃ ananuyuttā pabbajjāmattasamaṇā ceva jātimattabrāhmaṇā ca na mayā
te samitapāpasamaṇesu samaṇoti, bāhitapāpabrāhmaṇesu brāhmaṇoti ca sammatā
anuññātā. Kasmā? samaṇakaraṇānaṃ brāhmaṇakaraṇānañca dhammānaṃ abhāvatoti.
Tenevāha "na ca pana te āyasmanto"tiādi. Tattha sāmaññatthanti
sāmaññasaṅkhātaṃ atthaṃ, cattāri sāmaññaphalānīti attho. Brahmaññatthanti tasseva
vevacanaṃ. Apare pana "sāmaññatthanti cattāro ariyamaggā, brahmaññatthanti
cattāri ariyaphalānī"ti vadanti. Sesaṃ vuttanayameva. Sukkhapakkho vuttavipariyāyena
veditabbo. Gāthāsu apubbaṃ natthi.
                       Catutthasuttavaṇṇanā niṭṭhitā.
                         --------------


             The Pali Atthakatha in Roman Book 27 page 372-373.
http://84000.org/tipitaka/atthapali/read_rm.php?B=27&A=8261
             อรรถกถาบาลีอักษรไทย :-
http://84000.org/tipitaka/atthapali/read_th.php?B=27&A=8261
             อ่านอรรถกถาแปลไทย :-
http://84000.org/tipitaka/attha/attha.php?b=25&i=283
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=6586
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=6428
             The Pali Tipitaka in Roman Character :-
http://84000.org/tipitaka/read/roman_read.php?B=25&A=6428
             Contents of The Tipitaka Volume 25
http://84000.org/tipitaka/read/?index_25