|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
13. Udayasuttavannana [1112-3] Jhayinti udayasuttam. Tattha annavimokakhanti pannanubhavanijjhatam vimokkham pucchati. Atha bhagava yasma udayo catutthajjhanalabhi, tasmassa patiladdhajjhanavasena nanappakarato annavimokkham dassento gathadvayamaha. Tattha pahanam kamacchandananti yadidam pathamajjhanam nibbattentassa kamacchandappahanam, tampi annam vimokkham pabrumi, evam sabbapadani yojetabbani. [1114] Upekkhasatisamsuddhanti catutthajjhanaupekkhasatihi samsuddham. Dhammatakkapurejavanti imina tasmim catutthajjhanavimokkhe thatva jhanangani vipassitva adhigatam arahattavimokkham vadati. Arahattavimokkhassa hi maggasampayutta- sammasankappadibhedo dhammatakko purejavo hoti. Tenaha "dhammatakkapurejavan"ti. Avijjaya pabhedananti etameva ca annavimokkham avijjapabhedasankhatam nibbanam nissaya jatatta karanopacarena "avijjaya pabhedanan"ti pabrumiti. [1115-6] Evam avijjapabhedanavacanena vuttam nibbanam sutva "tam kissa vippahanena vuccati"ti pucchanto "kimsu sannojano"ti gathamaha. Tattha kimsu sannojanoti kim samyojano. Vicarananti vicaranakaranam. 1- Kassassa vippahanenati kimnamakassa assa dhammassa vippahanena. Athassa bhagava tamattham byakaronto "nandisannojano"ti gathamaha. Tattha vitakkassati kamavitakkadiko vitakko assa. [1117-8] Idani tassa nibbanassa maggam pucchanto "katham satassa"ti gathamaha. Tattha vinnananti abhisankharavinnanam. Athassa maggam kathento bhagava @Footnote: 1 ka. kimsu vicaranoti kim vicaranam--------------------------------------------------------------------------------------------- page451.
"ajjhattanca"ti gathamaha. Tattha evam satassati evam satassa sampajanassa. Sesam sabbattha pakatameva. Evam bhagava idampi suttam arahattanikuteneva desesi, desanapariyosane ca pubbasadiso eva dhammabhisamayo ahositi. Paramatthajotikaya khuddakatthakathaya suttanipatatthakathaya udayasuttavannana nitthita. -------------The Pali Atthakatha in Roman Book 29 page 450-451. http://84000.org/tipitaka/atthapali/read_rm.php?B=29&A=10118&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=10118&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=437 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=11342 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=11341 The Pali Tipitaka in Roman Character :- http://84000.org/tipitaka/read/roman_read.php?B=25&A=11341 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]