ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 29 : PALI ROMAN Sutta.A.2 (paramattha.2)

               4. Puralasasutta (sundarikabharadvajasutta) vannana
      evamme sutanti puralasasuttam. 2- Ka uppatti? bhagava pacchabhattakiccavasane
buddhacakkhuna lokam olokento sundarikabharadvajam brahmanam arahattassa
upanissayasampannam disva "tattha mayi gate katha pavattissati, tato kathavasane
dhammadesanam sutva esa brahmano pabbajitva arahattam papunissati"ti ca
natva tattha gantva katham samutthapetva imam suttamabhasi.
      Tattha evamme sutantiadi sangitikarakanam vacanam, kimjacco bhavantiadi
vacanam tassa brahmanassa, na brahmano nomhitiadi vacanam 3- bhagavato. Tam
sabbampi samodhanetva "puralasasuttan"ti vuccati. Tattha vuttasadisam vuttanayeneva
veditabbam, avuttam vannayissama, tanca kho uttanatthani padani anamasanta.
Kosalesuti kosala nama janapadino rajakumara, tesam nivaso ekopi janapado
rulhisaddena "kosala"ti vuccati. Tasmim kosalesu janapade. Keci pana "yasma
pubbe mahapanadam rajakumaram nana natakadini 4- disva hasitamattampi 5-
akarontam sutva raja anapesi `yo mama puttam hasapeti, sabbabharanehi nam
@Footnote: 1 cha.Ma.,i. apubbapadavannana  2 pali. sundarikabharadvajasuttam
@3 cha.Ma. ayam patho na dissati  4 ka. natakani  5 cha.Ma.,i. sitamattampi
Alankaromi'ti. Tato nangalani chaddetva mahajanakayo sannipati, 1- te ca
manussa atirekasattavassani nanakilikadayo dassentapi tam nasakkhimsu hasapetum.
Tato sakko devanatam pesesi, so dibbanatakam dassetva hasapesi. Atha te
manussa attano attano vasanokasabhimukha pakkamimsu. Te patipathe mittasuhajjadayo
disva patisantharamakamsu `kacci bhoto 2- kusalam, kacci bhoto 2- kusalan'ti. Tasma
tam `kusalan'ti saddam upadaya so padeso `kosalo'ti 3- vuccati"ti vannayanti.
Sundarikaya nadiya tireti sundarikati evamnamikaya nadiya tire.
      Tena kho panati yena samayena bhagava tam brahmanam vinetukamo gantva
tassa nadiya tire sasisam parupitva rukkhamule nisajjasankhatena iriyapathaviharena
viharati. Sundarikabharadvajoti so brahmano tassa nadiya tire vasati,
agginca juhati, bharadvajoti cassa gottam, tasma evam vuccati. Aggim  juhatiti
ahutipakkhipanena jaleti. Aggihuttam paricaratiti agyayatanam sammajjanupalepana-
balikammadina payirupasati. Ko nu kho imam habyasesam bhunjeyyati so kira
brahmano aggamhi juhitva avasesam payasam disva cintesi "aggimhi tava
pakkhittapayaso mahabrahmuna bhutto, ayam pana avaseso atthi. Tam yadi
brahmuno mukhato jatassa brahmanasseva dadeyyam, evam me pitara saha
puttopi santappito bhaveyya, suvisodhito ca brahmalokagamimaggo assa, handaham
brahmanam gavesami"ti. Tato brahmanadassanattham utthayasana catuddisa
anuvilokesi "ko nu kho imam habyasesam bhunjeyya"ti.
      Annatarasmim rukkhamuleti tasmim vanasande settharukkhamule. Sasisam parutanti
saha sisena parutakayam. Kasma pana bhagava evamakasi, 4- kim narayanasankhatabalopi 5-
@Footnote: 1 ka. mahajanakaye sannipatite  2 cha.Ma.,i. bho  3 cha.Ma. kosalati
@4 ka. evamakasiti  5 ka. narayanasanghatabalopi
Hutva nasakkhi himapatam sitavatanca patibahitunti? atthetam 1- karanam. Na hi
buddha sabbaso kayapatijagganam karonti eva, 2- apica bhagava "agate brahmane
sisam vivarissami, mam disva brahmano katham pavattessati, athassa kathanusarena
dhammam desessami"ti kathapavattanattham evamakasi. Disvana vamena .pe.
Tenupasankamiti so kira bhagavantam disva brahmano "ayam sasisam parupitva
sabbarattim padhanamanuyutto, imassa dakkhinodakam datva imam habyasesam dassami"ti
brahmanasanni hutva eva upasankami. Mundo ayam bhavam, mundako ayam bhavanti
sise vivaritamatteva kesantam disva "mundo"ti aha, tato sutthutaram olokento
parittampi sikham adisva hilento "mundako"ti aha. Evarupa hi nesam
brahmananam ditthi. Tato vati 3- yattha thito addasa, tamha padesa. Mundapiti
kenaci karanena munditasisapi honti.
      [458] Na brahmano nomhiti ettha nakaro patisedhe, nokaro
avadharane "na no saman"tiadisu 4- viya. Tena nevamhi brahmanoti dasseti.
Na rajaputtoti khattiyo namhi. Na vessayanoti vessopi namhi. Uda koci
nomhiti annopi suddo va candalo va koci na homiti evam ekamseneva
jativadasamudacaram patikkhipati. Kasma? mahasamuddam patta viya hi nadiyo
pabbajjupagata kulaputta jahanti purimani namagottani. Paharadasuttam cettha
sadhakam. Evam jativadam patikkhipitva yathabhutamattanam avikaronto aha "gottam
parinnaya puthujjananam, akincano manta carami loke"ti. Katham gottam
parinnasiti ce? bhagava hi tihi parinnahi pancakkhandhe parinnasi, tesu ca
parinnatesu gottam parinnatameva hoti. Ragadikincananam pana abhavena so
@Footnote: 1 Si.,Ma. atthetampi  2 Si. na karonti eva
@3 ka. tato cati  4 khu.dha. 25/226/377
Akincano manta janitva nananuparivattihi kayakammadihi carati. Tenaha
"gotti .pe. Loke"ti. Manta vuccati panna. Taya cesa carati. Tenevaha
"manta carami loke"ti chandavasena rassam katva.
      [459-60] Evam attanam avikatva idani "evam olarikalingampi
disva pucchitabbapucchitabbam na janasi"ti brahmanassa uparambham aropento
aha "sanghativasi .pe. Gottapanhan"ti. Ettha ca chinnasanghatitatthena tinipi
civarani "sanghati"ti adhippetani, tani nivaseti paridahatiti sanghativaSi.
Agahoti ageho, nittanhoti adhippayo. Nivasagaram pana bhagavato jetavane
mahagandhakutikarerimandalamalakosambakuticandanamaladianekappakaram, tam sandhaya na
yujjati. Nivuttakesoti apagatakeso 1- oharitakesamassuti vuttam hoti.
Abhinibbutattoti ativa vupasantaparilahacitto, guttacitto va. Alimpamano idha
manavehiti upakaranasinehassa pahinatta manussehi alitto asamsattho ekantavivitto.
Akallam mam brahmanati yvaham evam sanghativasi .pe. Alimpamano idha manavehi
kimattham 2- brahmana pakatikani namagottani atitapabbajitam samanam 3- appatirupam
gottapanham pucchasiti.
      Evam vutte uparambham mocento brahmano aha:- pucchanti ve bho
brahmana brahmanehi saha "brahmano no bhavan"ti. Tattha brahmano
noti brahmano nuti attho. Idam vuttam hoti:- naham bho akallam pucchami.
Amhakam hi brahmanasamaye brahmana brahmanehi saha samagantva "brahmano
nu bhavam, bharadvajo nu bhavan"ti evam jatimpi gottampi pucchanti evati.
      [461-2] Evam vutte bhagava brahmanassa cittamudubhavakaranattham
mantesu attano pakatannutam pakasento aha "brahmano hi ce tvam brusi
@Footnote: 1 cha.Ma. apanitakeso  2 cha.Ma.,i. tam mam tvam  3 ka. samanam
.pe. Catuvisatakkharan"ti. Tassattho:- sace tvam "brahmano ahan"ti brusi, manca
abrahmanam brusi, tasma bhavantam savittim pucchami yam 1- tipadam catuvisatakkharam,
tam me bruhiti. Ettha ca bhagava paramatthavedanam tinnam pitakanam adibhutam
paramatthabrahmanehi sabbabuddhehi pakasitam atthasampannam byanjanasampannanca
"buddham saranam gacchami, dhammam saranam gacchami, samgham saranam gacchami"ti imam
ariyasavittim sandhaya pucchati. 2- Yadipi hi brahmano annam vadeyya, addha
nam bhagava "nayam brahmana ariyassa vinaye savittiti vuccati"ti tassa
asarakattam 3- dassetva idheva patitthapeyya. Brahmano pana "savittim pucchami
tipadam catuvisatakkharan"ti idam attano samayasiddham savittilakkhanabyanjanakam
brahmassarena niccharitam vacanam sutvava "addhayam samano brahmanasamaye
nitthangato, aham pana annanena `abrahmano ayan'ti paribhavim, sadhurupo
mantaparagu brahmanova eso"ti nittham gantva "handa nam yannavidhim
dakkhineyyavidhinca pucchami"ti tamattham pucchanto "kim nissita .pe. Loke"ti
idampi 4- visamagathapadadvayamaha. Tassattho:- kim nissita kimadhippaya kim
patthenta isayo ca khattiya ca brahmana ca anne ca manuja devatanam
atthaya yannam 5- akappayimsu. Yannamakappayimsuti makaro padasandhikaro. Akappayimsuti
samvidahimsu akamsu. Puthuti bahu annapanadanadina bhedena 6- anekappakare, puthu
va isayo manuja khattiya brahmana ca kimnissita yannamakappayimsu, katham nesam
tam kammam samijjhatiti imina adhippayena pucchati.
      [463] Athassa bhagava tamattham byakaronto "yadantagu vedagu yannakale.
Yassahutim labhe tassijjheti brumi"ti idam sesapadadvayamaha. Tattha yadantaguti
@Footnote: 1 cha.Ma.,i. ayam patho na dissati  2 ka. vuccati  3 ka. asavittittam
@4 cha.Ma. imam  5 ka. anne  6 ka. annapanadibhede
Yo antagu, okarassa akaro, dakaro ca padasandhikaro "asadharanamannesan"ti-
adisu 1- makaro viya. Ayam panattho:- yo vattadukkhassa tihi parinnahi
antagatatta antagu, catuhi ca maggananavedehi kilese vijjhitva 2- gatatta
vedagu, so yassa isimanujakhattiyabrahmananam annatarassa yannakale yasmim
kisminca ahare paccupatthite antamaso vanapannamulaphaladimhipi ahutim labhe,
tato kinci deyyadhammam labheyya, tassa tam yannakammam ijjhe samijjheyya 3-
mahapphalam bhaveyyati brumiti.
      [464] Atha brahmano tam bhagavato paramatthayogagambhiram atimadhuragira-
nibbikarasarasampannam desanam sutva sarirasampattisucitam cassa sabbagunasampattim
sambhavayamano pitisomanassajato "addha hi tassa"ti gathamaha. Tattha iti
brahmanoti sangitikaranam vacanam, sesam brahmanassa. Tassattho:- addha hi
tassa mayham hutamijjhe, ayam ajja deyyadhammo ijjhissati samijjhissati mahapphalo
bhavissati, yam tadisam vedagum addasama, yasma tadisam bhavantarupam vedagum addasama.
Tvanneva hi so vedagu na anno. 4- Ito pubbe pana tumhadisanam vedagunam
antagunanca adassanena amhadisanam yanne patiyattam anno jano bhunjati
puralasam carukanca puvancati.
      [465] Tato bhagava attani pasannam vacanapatiggahanasajjam brahmanam
viditva yathassa sutthu pakata honti, evam nanappakarehi dakkhineyye
pakasetukamo "tasma tiha tvan"ti gathamaha. Tassattho:- yasma mayi pasannosi,
tasma pana iha tvam brahmana upasankamma pucchati attanam dassento aha.
Idani ito pubbam 5- atthena atthikapadam parapadena sambandhitabbam:- atthena
@Footnote: 1 khu.khu. 25/9/12  2 Si. vidhamitva
@3 ka. samijjhe  4 ka. vedagunam aggo  5 ka. pubbe
Atthiko tassa atthatthikabhavassa anurupam kilesaggivupasamena santam, kodhavupasamena 1-
vidhumam, dukkhabhavena anigham, anekavidhaasabhavena nirasam appevidha ekamsena idha
thitova, idha va sasane abhivinde lacchasi, adhigacchissi sumedham varapannam
khinasavam dakkhineyyanti. Atha va yasma mayi pasannosi, tasma tiha tvam
brahmana atthena atthiko 2- samano upasankamma puccha santam vidhumam anigham
nirasanti attanam dassento aha. Evam pucchanto appevidha abhivinde sumedham
khinasavam dakkhineyyanti evampettha yojana veditabba.
      [466] Atha brahmano yathanusittham patipajjamano bhagavantam aha
"yanne ratoham bho .pe. Bruhi metan"ti. Tattha yanno yago dananti
atthato ekam, tasma danarato aham, taya eva danaramataya danam datukamo,
na pana janami, evam ajanantam anusasatu mam bhavam. Anusasanto ca
uttaneneva nayena yattha hutam ijjhate bruhi me etan"ti 3- evamettha
atthayojana veditabba. "yatha hutan"tipi patho.
      [467] Athassa bhagava vattukamo aha "tenahi .pe. Desessami"ti.
Ohitasotassa cassa anusasanattham tava "ma jatim pucchi"ti gathamaha. Tattha
ma jatim pucchiti yadi hutasamiddhim danamahapphalattam paccasimsasi, jatim ma puccha.
Jatipucchanam 4- akaranam tam hi dakkhineyyavicaranaya jati. 5- Carananca pucchati
apica kho siladigunabhedam caranam puccha. Etanhi dakkhineyyavicaranaya karanam.
      Idanissa tamattham vibhavento nidassanamaha "kattha have jayati
jatavedo"tiadi. Tatrayamadhippayo:- idha 6- kattha aggi jayati, na ca so
@Footnote: 1 cha.Ma.,i. kodhadhumavigamena  2 i. so evam atithenatthiko
@3 cha.Ma. metanti  4 cha.Ma. ayam patho na dissati
@5 ka. akaranam  6 ka. yatha
Saladi kattha jato eva aggikiccam karoti, sopanadoniadikattha 1- jato
na karoti, apica kho attano acciadigunasampannatta eva karoti, evam na
brahmanakuladisu jato eva dakkhineyyo hoti, candalakuladisu jato na
hoti, 2- apica kho nicakulinopi uccakulinopi khinasavamuni dhitima hirinisedho
ajaniyo hoti, imaya dhitihirippamukhaya gunasampattiya jatima uttamadakkhineyyo
hoti. So hi dhitiya gune dhareti, 3- hiriya dose nisedheti. Vuttancetam
"hiriya hi santo na karonti papan"ti tena te brumi:-
              "ma jatim puccha carananca
              kattha have jayati jatavedo
              nicakulinopi muni dhitima
              ajaniyo hoti hirinisedho"ti.
Esa sankhepo, vittharo pana assalayanasuttanusarena 4- veditabbo.
      [468] Evametam bhagava catuvannavisuddhiya 5- anusasitva idani yattha
hutam ijjhati 6- yatha ca hutam ijjhateva, 6- tamattham dassetum "saccena danto"ti-
adika 7- gathamaha. Tattha saccenati paramatthasaccena. Tam hi patto danto
hoti. Tenaha "saccena danto"ti. Damasa upetoti indriyadamanena
samannagato. Vedantaguti vedehi va kilesanam antam gato, vedanam va antam
catutthamaggananam gato. Vusitabrahmacariyoti puma vasitabbabhavato vutthamaggabrahmacariyo.
Kalena tamhi habyam paveccheti attano deyyadhammatthitakalam tassa sammukhibhavakalanca
@Footnote: 1 cha.Ma. sapanadoni....  2 ka. jata na honti  3 cha.Ma. dharayati
@ 4 Ma.Ma. 13/401-11/388-98
@5 cha.Ma. catuvannisuddhiya  6 cha.Ma.,i. ijjhate  7 cha.Ma.... adi
Ca upalakkhetva tena kalena tadise dakkhineyye deyyadhammam paveccheyya
paveseyya 1- patipadeyya.
      [469-71] Kameti vatthukame ca kilesakame ca. Susamahitindriyati
sutthu samahitaindriya, avikkhittaindriyati vuttam hoti. Candova rahuggahana
pamuttoti 2- yatha cando rahuggahana, evam kilesaggahana pamuttayeva ativa
bhasanti ceva tapanti ca. Satati satisampanna. Mamayitaniti tanhaditthimamayitani.
      [472] Yo kame hitvati ito pabhuti attanam sandhaya vadati. Tattha
kame hitvati kilesakame pahaya. Abhibhuyyacariti tesam pahinatta vatthukame
abhibhuyyacari. Jatimaranassa antam nama nibbanam vuccati, tanca yo vediti 3-
attano pannabalena annasi. Udakarahadovati ye ime anotattadaho
kannamundadaho rathakaradaho chaddantadaho kunaladaho mandakinidaho
sihapapatadahoti himavati satta maharahada aggisuriyasantapehi asamphutthatta
niccam sitala, tesam annataro udakarahadova sito parinibbutakilesaparilahatta.
      [473] Samoti tulyo. Samehiti vipassiadihi buddhehi. Te hi pativedhasamatta
"sama"ti vuccanti. Natthi tesam pativedhenadhigantabbesu gunesu,
pahatabbesu va dosesu vemattata, addhanaayukulappamanabhinikkhamanapadhanabodhirasmihi
pana nesam vemattata hoti. Tatha hi te hetthimaparicchedena catuhi
asankhyeyyehi kappasatasahassena ca paramiyo purenti, uparimaparicchedena
solasahi asankhyeyyehi kappasatasahassena ca. Ayam nesam addhanavemattata.
Hetthimaparicchedena ca vassasatayukakale uppajjanti, uparimaparicchedena ca 4-
vassasatasahassayukakale. Ayam nesam ayuvemattata. Khattiyakule va brahmanakule
@Footnote: 1 ka. ayam patho na dissati  2 cha.Ma.,i. pamuttati
@3 cha.Ma.,i. yo vedi  4 cha.Ma.,i. ca-saddo na dissati
Va uppajjanti. Ayam kulavemattata. Ucca va honti atthasitihatthappamana
nica va pannarasaattharasahatthappamana. Ayam pamanavemattata. Hatthiassarathasivikadihi
va nikkhamanti vehasena va. Tatha 1- hi vipassikakusandha assarathena
nikkhamimsu, sikhikonagamana hatthikkhandhena, vessabhu sivikaya, kassapo vehasena,
sakyamuni assapitthiya. Ayam nekkhammavemattata. Sattaham va padhanamanuyunjanti,
addhamasam masam dvemasam temasam catumasam pancamasam chamasam ekavassam
dviticatupancachavassani va. Ayam padhanavemattata. Assattho va bodhirukkho hoti
nigrodhadinam va annataro. Ayam bodhivemattata. Byamappabhaasiti-
anantappabhayutta 2- honti. Tattha byamappabha va asitippabha va sabbesam samana,
anantappabha pana durampi gacchati asannampi, ekagavutam dvigavutam yojanam
anekayojanam cakkavalapariyantampi, mangalassa buddhassa sarirappabha dasasahassacakkavalam
agamasi. Evam santepi manasa cintayattava sabbabuddhanam, yo yattakam
icchati, tassa tattakam gacchati. Ayam rasmivemattata. Ima attha vemattata
thapetva avasesesu pativedhenadhigantabbesu gunesu, pahatabbesu va dosesu
natthi nesam viseso, tasma "sama"ti vuccati. Evametehi samo samehi.
     Visamehi dureti na sama visama, paccekabuddhadayo avasesasabbasatta.
Tehi visamehi asadisataya dure. Sakalajambudipam puretva pallankena pallankam
sanghattetva nisinnapaccekabuddhapi hi gunehi ekassa sammasambuddhassa kalam
nagghanti solasim, ko pana vado savakadisu. Tenaha "visamehi dure"ti.
Tathagato hotiti ubhayapadehi dureti yojetabbam. Anantapannoti aparimitapanno.
Lokiyamanussanam hi pannam upanidhaya atthamakassa panna adhika, tassa pannam
upanidhaya sotapannassa. Evam yava arahato pannam upanidhaya paccekabuddhassa
@Footnote: 1 Si.,ka. yatha  2 cha.Ma.,i. byamasiti.....
Panna adhika, paccekabuddhassa pannam pana upanidhaya tathagatassa panna
adhikati na vattabba, anantaicceva pana vattabba. Tenaha "anantapanno"ti.
Anupalittoti tanhaditthilepehi alitto. Idha va huram vati idhaloke va
paraloke va. Yojana panettha:- samo samehi visamehi dure tathagato hoti.
Kasma? yasma anantapanno anupalitto idha va huram va, tena tathagato
Arahati puralasanti.
      [474] Yamhi na mayati ayam pana gatha anna ca idisa mayadidosayuttesu 1-
brahmanesu dakkhineyyasannapahanattham vuttati veditabba. Tattha
amamoti sattasankharesu "idam mama"ti pahinamamayitabhavo. 2-
      [475] Nivesananti tanhaditthinivesanam. Tena hi mano tisu bhavesu
nivisati, tena tam "nivesanam manaso"ti vuccati. Tattheva va nivisati tam hitva
gantum asamatthataya. Tenapi "nivesanan"ti vuccati. Paripaggahati tanhaditthiyo
eva, ta hi pariggahitadhamma va. Keciti appamattakapi. Anupadiyanoti tesam
nivesanapariggahanam abhava kanci dhammam anupadiyamano.
      [476] Samahito maggasamadhina. Udatariti uttinno. Dhammamannasiti 3-
sabbampi 4- neyyadhammam annasi. Paramaya ditthiyati sabbannutannanena.
      [477] Bhavasavati bhavatanhajhananikantisassataditthisahagata raga. Vaciti
vaca. Kharati kakkhala pharusa. Vidhupitati daddha. Atthagatati atthangata.
Na santiti vidhupitatta atthangatatta ca. Ubhayehi pana ubhayam yojetabbam. Sabbadhiti
sabbesu khandhayatanadisu.
@Footnote: 1 ka...vinasayuttesu  2 ka. pahinagaho
@3 cha.Ma.,i dhammam cannasiti  4 cha.Ma. sabbanca
      [478] Manasattesuti manena laggesu. 1- Dukkham parinnayati vattadukkham
tihi parinnahi parijanitva. Sakhettavatthunti sahetupaccayam, saddhim kammakilesehiti
vuttam hoti.
      [479] Asam anissayati tanham analliyitva. Vivekadassiti nibbanadasSi.
Paravediyanti parehi napetabbam. Ditthimupativattoti dvasatthibhedampi micchaditthim
atikkanto. Arammanati paccaya, punabbhavakarananiti vuttam hoti.
      [480] Paroparati parapara 2- sundarasundaRa. Para va bahira,
apara 3- ajjhattika. Sameccati nanena pativijjhitva. Dhammati khandhayatanadayo
dhamma. Upadanakkhaye vimuttoti nibbane nibbanarammanato vimutto,
nibbanarammanavimuttilabhiti attho.
      [481] Samyojanajatikkhayantadassiti 4- samyojanakkhayantadassi jatikkhayantadassi
ca. Samyojanakkhayantena cettha saupadisesa nibbanadhatu, jatikkhayantena
anupadisesa vutta. Khayantoti hi accantakkhayassa samucchedappahanassetam
adhivacanam. Anunasikalopo cettha "vivekajam pitisukhan"tiadisu viya na kato. Yo
panuditi yo apanudi. Ragapathanti ragarammanam, ragameva va. Ragopi hi
duggatinam pathatta "ragapatho"ti vuccati kammapatho viya. Suddho niddoso vimalo
akacoti parisuddhakayasamacaraditaya suddho. Yehi dosehi 5- "ragadosa ayam
paja, dosadosa, mohadosa"ti vuccati, tesam abhava niddoso. Anupavisamaladhigama 6-
vimalo, upakkilesabhavato akaco. Upakkilittho hi upakkilesena
"sakaco"ti vuccati. Suddho va yasma niddoso, niddosataya vimalo,
@Footnote: 1 ka. sattesu  2 Si. parovarati para avara  3 Si. avara
@4 cha.Ma. samyojanamjatikhamantadassiti  5 cha.Ma. ayam patho na dissati
@6 cha.Ma. atthapurisamalavigama
Bahiramalabhavena vimalatta akaco. Samalo hi "sakaco"ti vuccati. Vimalatta
va agum na karoti, tena akaco. Agukiriya hi upaghatakaranato "kaco"ti
vuccati.
      [482] Attana 1- attanam nanupassatiti nanasampayuttena cittena
vipassanto attano khandhesu annam attanam nama na passati, khandhamattameva
passati. Ya cayam "attanava attanam sanjanami"ti tassa saccato tathato 2- ditthi
uppajjati, tasma, abhava attano attanam na passati, 3- annadatthu pannaya
khandhe passati. Maggasamadhina samahito, kayavankadinam abhava ujjugato,
lokadhammehi akampaniyato thitatto, tanhasankhataya ejaya pancannam
cetokhilananca atthatthanaya kankhaya ca abhava anejo akhilo akankho.
      [483] Mohantarati mohakarana mohapaccaya, sabbakilesanametam
adhivacanam. Sabbesu dhammesu ca nanadassiti sacchikatasabbannutannano. Tanhi
sabbesu dhammesu nanam, tanca bhagava passi, "adhigatam me"ti sacchikatva vihasi.
Tena vuccati "sabbesu dhammesu ca nanadassi"ti. Sambodhinti arahattam.
Anuttaranti paccekabuddhasavakehi asadharanam. Sivanti khemam nirupaddavam, sassirikam
vati. 4- Yakkhassati purisassa. Suddhiti vodanata. Ettha hi mohantarabhavena
sabbadosabhavo, tena samvarakaranasamucchedo 5- antimasariradharita, nanadassitaya
sabbagunasambhavo, tena anuttara sambodhipatti  6- ito param 7- pahatabbam
adhigantabbam va natthi. Tenaha "ettavata yakkhassa suddhi"ti.
      [484] Evam vutte brahmano bhiyyoso mattaya bhagavati pasanno
pasannakaram karonto aha "hutanca mayhan"ti. Tassattho:- yamaham ito pubbe
@Footnote: 1 cha.Ma. attano  2 cha.Ma. thetato  3 cha.Ma. nanupassati
@4 cha.Ma. va  5 ka. cassa karanasamuccheda
@6 ka. anuttaram sambodhinti  7 cha.Ma.,i. paranca
Brahmanam 1- arabbha aggimhi ajuham, 2- tam me hutam saccam va hoti, alikam
vati na janami. Ajja pana idam hutam 3- mayham hutamatthu saccam, saccahutameva 4-
atthuti yacanto bhanati. Yam tadisam vedagum 5- alattham, yasma idheva thito
bhavantarupam vedagum alattham. Brahma hi sakkhi, paccakkhameva hi tvam brahma,
yato patigganhatu me bhagava patiggahetva ca bhunjatu me bhagava puralasanti
tam habyasesam upanamento aha.
      [487] Atha bhagava kasikabharadvajasutte vuttanayena gathadvayamabhasi.
Tato brahmano "ayam attana na icchati, tampi annam 6- sandhaya  `kevalinam
mahesim khinasavam kukkuccavupasantam annena panena upatthahassu'ti bhanati"ti evam
gathaya attham asallakkhetva tam natukamo aha "sadhaham bhagava"ti. Tattha
sadhuti ayacanatthe nipato. Tathati yena tvamaha, tena pakarena. Vijannanti
janeyyam. Yanti yam dakkhineyyam yannakale pariyesamano upatthaheyyanti
pathaseso. Pappuyyati patva. Tava sasananti tava ovadam. Idam vuttam hoti?
sadhaham bhagava tava ovadam agamma tatha vijannam, arocehi me tam kevalinanti
adhippayo. Yo dakkhinam bhunjeyya madisassa, yathaham 7- yannakale pariyesamano
upatthaheyyam, tatharupam me dakkhineyyam dassehi, sace tvam na bhunjasiti.
      [488-90] Athassa bhagava pakatena nayena tatharupam dakkhineyyam
dassento "sarambha yassa"ti gathattayamaha. Tattha simantanam vinetaranti
simati mariyada sadhujanavutti, tassa anta pariyosana aparabhagati 8- katva
simanta vuccanti kilesa, tesam vinetaranti attho. Simantati buddhaveneyya
@Footnote: 1 cha.Ma. brahmanam  2 Ma.,ka. juhami  3 cha.Ma. hutanca
@4 ka. hutameva  5 cha.Ma.,i. vedagunam  6 cha.Ma.,i. kampi cannam
@7 cha.Ma.,i. yam caham  8 ka. assa bhagati
Sekkha ca puthujjana ca, tesam vinetarantipi eke. Jatimaranakovidanti "evam
jati hoti 1- evam maranan"ti ettha kusalam. Moneyyasampannanti pannasampannam,
kayamoneyyadisampannam va. Bhakutim 2- vinayitvanati yam ekacce dubbuddhino
yacakam disva bhakutim 2- karonti, tam vinayitva, pasannamukha hutvati attho.
Panjalikati paggahitaanjalino hutva.
      [491] Atha brahmano bhagavantam thomayamano "buddho bhavan"ti
gathamaha. Tattha ayagoti ayajitabbo, tato tato agamma va yajitabbametthatipi
ayago, deyyadhammanam adhitthanabhutoti vuttam hoti. Sesamettha ito
purimagathasu ca yam na vannitam, tam sakka avannitampi janitunti
uttanatthattayeva samma 3- na vannitam. Ito param pana kasibharadvajasutte
vuttanayamevati.
                     Paramatthajotikaya khuddakatthakathaya
                          suttanipatatthakathaya
                      puralasasuttavannana nitthita.
                           -----------



             The Pali Atthakatha in Roman Book 29 page 222-236. http://84000.org/tipitaka/atthapali/read_rm.php?B=29&A=5007&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=5007&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=358              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=8535              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=8546              The Pali Tipitaka in Roman Character :- http://84000.org/tipitaka/read/roman_read.php?B=25&A=8546              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]