AtthaPali Vol.29

5. Parayanagavagga 1. Vatthugathavannana [983] Kosalanam pura rammati parayanavaggassa vatthugatha. Tasam ^1- uppatti:- atite kira baranasivasi eko rukkhavaddhaki sake acariyake adutiyo, tassa solasa sissa, ekamekassa sahassam antevasika. Evam te sattarasadhikasolasasahassa acariyantevasino te ^2- sabbepi baranasim upanissaya jivikam kappetva pabbatasamipam gantva rukkhe gahetva tattheva nanapasadavikatiyo nitthapetva kullam bandhitva gangaya baranasim anetva sace raja atthiko hoti, ranno ekabhumikam va .pe. Sattabhumikam va pasadam yojetva denti. No ce, annesampi vikkinitva puttadare ^3- posenti. Atha nesam ekadivasam acariyo "na sakka vaddhakikammena niccam jivikam kappetum, ^4- dukkaram hi jarakale etam kamman"ti cintetva antevasike amantesi "tata udumbaradayo appasararukkhe anetha"ti. Te "sadhu"ti patissunitva anayimsu. So tehi katthasakunam ^5- katva tassa abbhantaram pavisitva yantam puresi. Katthasakuno hamsaraja ^6- viya akasam langhitva vanassa upari caritva antevasinam purato oruhi. Athacariyo sisse aha "tata idisani katthavahanani katva sakka sakalajambudipe rajjam gahetum, tumhepi tata etani karotha, rajjam gahetva jivissama, dukkham vaddhakisippena jivitun"ti. Te tatha katva tassa acariyassa pativedesum. Tato ne acariyo aha "katamam tata ^7- rajjam ganhama"ti. Baranasirajjam acariyati. Alam tata ma etam rucci, mayam hi tam gahetvapi "vaddhakiraja vaddhakiyuvaraja"ti vaddhakivada na muccissama, mahanto jambudipo, annattha gacchamati. @Footnote: ¹ ka. ka ² cha.Ma.,i. ayam patho na dissati ³ cha.Ma. puttadaram @⁴ ka. jivitum ⁵ ka. katthehi sakunam ⁶ cha.Ma.,i. supannaraja ⁷ ka. tava Tato saputtadara katthavahanani abhiruhitva sajjavudha ^1- hutva himavantabhimukha gantva himavati annataram nagaram pavisitva ranno nivesaneyeva paccutthahamsu. Te tattha rajjam gahetva acariyam rajje abhisincimsu. So "katthavahano raja"ti pakato ahosi. Tampi nagaram tena gahitatta "katthavahananagaran"tveva namam labhi, tatha sakalaratthampi. Katthavahano raja dhammiko ahosi, tatha yuvaraja amaccatthanesu ca thapita solasa sissa. Tam rattham ranna catuhi sangahavatthuhi sangayhamanam ativiya iddham phitam nirupaddavanca ahosi. Nagara janapada rajananca rajaparisanca ativiya mamayimsu "bhaddako no raja laddho, bhaddika rajaparisa"ti. Athekadivasam majjhimadesato vanija bhandam gahetva katthavahananagaram agamimsu, pannakaranca gahetva rajanam passimsu. Raja "kuto agatattha"ti sabbam pavattim ^2- pucchi. Baranasito devati. So tattha sabbam pavattim pucchitva "tumhakam ranna saddhim mama mittabhavam karotha"ti aha. Te "sadhu"ti sampaticchimsu. So tesam paribbayam ^3- datva gamanakale sampatte puna adarena vatva vissajjesi. Te baranasim gantva tassa ranno arocesum. Raja "katthavahanarattha agatanam vanijakanam ajjatagge sunkam muncami"ti bherim carapetva "atthu me katthavahano mitto"ti. Dvepi aditthamitta ahesum. Katthavahanopi ca sakalanagare bherim carapesi "ajjatagge baranasito agatanam vanijakanam sunkam muncami, ^4- paribbayo ca nesam databbo"ti. Tato baranasiraja katthavahanassa lekham pesesi "sace tasmim janapade datthum va sotum va araharupam kinci acchariyam uppajjati, amhepi dakkhapetu ca savetu ca"ti. ^5- @Footnote: ¹ ka. sannavudha ² cha.Ma.,i. ayam patho na dissati ³ ka. pariccayam @⁴ ka. muncati ⁵ ka. dakkhapetunca savetunca Sopissa tatheva patilekham pesesi. Evam tesam katikam katva vasantanam kadaci katthavahanassa atimahaggha accantasukhuma kambala uppajjimsu balasuriyarasmisadisa ^1- vannena. Te disva raja "mama sahayassa pesemi"ti dantakarehi attha dantakarandake likhapetva tesu karandakesu te kambale pakkhipitva lakhacariyehi bahi lakhagolakasadise karapetva atthapi lakhagolake samugge pakkhipitva vatthena vethetva rajamuddikaya lanchetva "baranasiranno detha"ti amacce pesesi, lekhanca adasi "ayam pannakaro nagaramajjhe amaccaparivutena pekkhitabbo"ti. Te gantva baranasiranno adamsu. So lekham vacetva amacce sannipatetva nagaramajjhe rajangane lanchanam bhinditva palivethanam apanetva samuggam vivaritva attha lakhagolake disva "mama sahayo lakhagolakehi kilanakabalakanam viya mayham lakhagolake pesesi"ti manku hutva ekalakhagolakam attano nisinnasane pahari, tavadeva lakha paripati, dantakarandako vivaram datva dvebhago ahosi. So abbhantare kambalam disva itarepi vivari, sabbattha tathevahosi. Ekameko kambalo dighato solasahattho vittharato atthahattho ahosi. Pasarite kambale rajanganam suriyappabhaya obhasitamiva ^2- ahosi, tam disva mahajano anguliyo vidhuni, celukkhepamakasi, ^3- "amhakam ranno aditthasahayo katthavahanaraja evarupam pannakaram pesesi, yuttam evarupam mittam katun"ti attamano ahosi. Raja voharike ^4- pakkosapetva ekamekam kambalam agghapesi, sabbepi anaggha ahesum. Tato cintesi "paccha pesentena pathamam pesitapannakarato atirekam pesetum vattati, sahayena ca @Footnote: ¹ i. balasuriyamaruttamalakasadisa ² ka. obhasamiva @³ cha.Ma. celukkhepanca akasi ⁴ i. pavarike Me anaggho pannakaro pesito, kim nu kho aham sahayassa peseyyan"ti. Tena ca samayena kassapo bhagava uppajjitva baranasiyam viharati. Atha ranno etadahosi "vatthuttayaratanato annam uttamaratanam natthi, handaham vatthuttayaratanassa uppannabhavam sahayassa pesemi"ti. So:- "buddho loke samuppanno hitaya sabbapaninam dhammo loke samuppanno sukhaya sabbapaninam samgho loke samuppanno punnakkhettam anuttaran"ti imam gatham yava arahattam, tava ekabhikkhussa patipattinca suvannapatte jatihingulakena likhapetva sattaratanamaye samugge pakkhipitva tam samuggam manimaye samugge, manimayam masaragallamaye, masaragallamayam lohitangamaye, lohitangamayam suvannamaye, suvannamayam rajatamaye, rajatamayam dantamaye, dantamayam saramaye, saramayam samuggam pelaya pakkhipitva pelam dussena vethetva lanchetva mattavaravaranam sovannaddhajam ^1- sovannalankaram ^2- hemajalasanchannam ^3- karetva tassa upari pallankam pannapetva pallanke pelam aropetva setacchattena dhariyamanena sabbagandhapupphadihi pujaya kariyamanaya sabbatalavacarehi thutisatani gayamanehi ^4- yava attano rajjasima, tava maggam alankarapetva sayameva nesi. Tatra ca thatva samantarajunam pannakaram pesesi "evam sakkarontehi ayam pannakaro pesetabbo"ti. Tam sutva te te rajano patimaggam agantva yava katthavahanassa rajjasima, tava nayimsu. Katthavahanopi sutva patimaggam agantva tatheva pujento nagaram pavesetva amacce ca nagare ca sannipatapetva rajangane palivethanadussam @Footnote: ¹ i. sonnaddhajam ² i. sonnalankaram @³ ka. hemajalapaticchannam ⁴ ka. kariyamanehi Apanetva pelam vivaritva pelaya samuggam passitva anupubbena sabbasamugge vivaritva suvannapatte lekham passitva "kappasatasahassehi atidullabham mama sahayo pannakararatanam pesesi"ti attamano hutva "asutapubbam vata sunimha `buddho loke uppanno'ti, yannunaham gantva buddhanca passeyyam dhammanca suneyyan"ti cintetva amacce amantesi "buddhadhammasamgharatanani kira loke uppannani, kim katabbam mannatha"ti. Te ahamsu "idheva tumhe maharaja hotha, mayam gantva pavattim janissama"ti. Tato solasasahassaparivara solasaamacca rajanam abhivadetva "yadi buddho loke uppanno, puna dassanam natthi, yadi na uppanno, agamissama"ti niggata. Ranno pana bhagineyyo paccha rajanam vanditva "ahampi gacchami"ti aha. Tata tvam tattha buddhuppadam natva puna agantva mama arocehiti. So "sadhu"ti sampaticchitva agamasi. Te sabbepi sabbattha ekarattivasena gantva baranasim patta. Asampattesveva ca tesu bhagava parinibbayi. Te "ko buddho kuhim buddho"ti sakalaviharam ahindanta sammukhasavake disva pucchimsu. Te tesam "buddho parinibbuto"ti acikkhimsu. Te "aho duraddhanam ^1- agantva dassanamattampi na labhimha"ti paridevamana "kim bhante koci bhagavata dinnaovado atthi"ti pucchimsu. Ama upasaka atthi, saranattaye patitthatabbam, panca silani samadatabbani, atthangasamannagato uposatho upavasitabbo, danam databbam, pabbajitabbanti. Te sutva tam bhagineyyam amaccam thapetva sabbe pabbajimsu. Bhagineyyo paribhogadhatum gahetva katthavahanaratthabhimukho pakkami. Paribhogadhatu nama bodhirukkhapattacivaradini. Ayam @Footnote: ¹ ka. duratthanam Pana bhagavato dhammakarakam ^1- dhammavinayadharamekam theranca gahetva pakkami, anupubbena ca nagaram gantva "buddho loke uppanno ca parinibbuto ca"ti ranno arocetva bhagavata dinnovadam acikkhi. Raja theram upasankamitva dhammam sutva viharam karapetva cetiyam patitthapetva bodhirukkham ropetva saranattaye pancasu ca niccasilesu patitthaya atthangupetam uposatham upavasanto danadini dento yavatayukam thatva kamavacaradevaloke nibbatti. Tepi solasasahassa pabbajitva puthujjanakalakiriyam katva tasseva ranno parivara sampajjimsu. Te ekam buddhantaram devaloke khepetva amhakam bhagavati anuppanneyeva devalokato cavitva acariyo pasenadiranno pitu purohitassa putto jato namena "bavari"ti, tihi mahapurisalakkhanehi samannagato tinnam vedanam paragu, pituno ca accayena purohitatthane atthasi. Avasesapi solasadhikasolasa- sahassa ^2- tattheva savatthiya brahmanakulesu ^3- nibbatta. Tesu solasa jetthantevasino bavarissa ^4- santike sippam uggahesum, itare solasasahassa tesamyeva santiketi evam te punapi sabbe samagacchimsu. Mahakosalarajapi kalamakasi, tato pasenadim rajje abhisincimsu. Bavari tassapi purohito ahosi, raja pitara dinnanca annanca bhogam bavarissa adasi. Sopi ^5- daharakale tasseva santike sippam uggahesi. Tato bavari ranno arocesi "pabbajissamaham maharaja"ti. Acariya tumhesu thitesu mama pita thito viya hoti, ma pabbajitthati. Alam maharaja pabbajissamiti. Raja nivaretum asakkonto "sayam patam mama dassanatthane rajuyyane pabbajatha"ti yaci. Acariyo @Footnote: ¹ cha.Ma. dhammakaranam ² ka. solasasahassa, evamuparipi @³ cha.Ma. brahmanakule ⁴ ka. acariyassa ⁵ cha.Ma. sohi Solasasahassaparivarehi solasahi sissehi saddhim tapasapabbajjam pabbajitva rajuyyane vasi, raja catuhi paccayehi upatthahati, sayam patancassa upatthanam gacchati. Athekadivasam antevasino acariyam ahamsu "nagarasamipe vaso nama mahapalibodho, vijanasampatam acariya okasam gacchama, pantasenasanavaso nama bahupakaro pabbajitanan"ti acariyo "sadhu"ti sampaticchitva ranno arocesi. Raja tikkhattum varetva varetum asakkonto dvesatasahassani kahapanani datva dve amacce anapesi "yattha isigano vasam icchati, tattha assamam katva detha"ti. Tato acariyo solasadhikasolasasahassajatilaparivuto amaccehi anuggahamano uttarajanapada dakkhinajanapadabhimukho agamasi. Tamattham gahetva ayasma anando sangitikale parayanavaggassa nidanam aropento ima gathayo abhasi. Tattha kosalanam purati kosalaratthassa nagara, savatthitoti vuttam hoti. Akincannanti akincanabhavam, pariggahupakaranam vivekanti vuttam hoti. [984] So assakassa visaye, mulakassa ^1- samasaneti so brahmano assakassa ca mulakassa ^1- cati dvinnampi rajunam ^2- samasanne visaye asanne ratthe, majjheti adhippayo. Godhavarikuleti godhavariya nadiya kule. Yattha godhavari dvidha bhijjitva tiyojanappamanam antaradipamakasi sabbam kapitthavanasanchannam, yattha pubbe sarabhangadayo vasimsu, tasmim deseti adhippayo. So kira tam padesam disva "ayam pubbasamanalayo pabbajitasaruppan"ti ^3- amaccanam nivedesi. Amacca bhumiggahanattham assakaranno satasahassam, mulakaranno ^4- @Footnote: ¹ cha.Ma.,i. alakassa ² Si. dvinnam andhakarajanam @³ ka. anupubbamano eso pabbajitasaruppoti ⁴ cha.Ma.,i. alakaranno Satasahassam adamsu, te tanca padesam annanca dviyojanamattanti sabbampi pancayojanamattam padesam adamsu. Tesam kira rajjasimantare so padeso hoti. Amacca tattha assamam karetva savatthito ca annam dhanampi aharapetva gocaragamam nivesetva agamamsu. Unchena ca phalena cati unchacariyaya ca vanamulaphalena ca. Tasma vuttam "tasseva upanissaya, gamo ca vipulo ahu"ti. [985] Tattha tassati tassa godhavarikulassa, tassa va brahmanassa, upayogatthe cetam samivacanam, tam upanissayati attho. Tato jatena ayena, mahayannamakappayiti tasmim game kasikammadina satasahassam ayo uppajji, tam gahetva kutumbika ranno assakassa santikam agamamsu "sadiyatu devo ayan"ti. So "naham sadiyami, acariyasseva upanetha"ti aha. Acariyopi tam attano aggahetva danayannam akappayi. Evam so samvacchare samvacchare danamadasi. [986] Mahayannanti gathayattho:- so evam samvacchare samvacchare danayannam yajanto ekasmim samvacchare tam mahayannam yajitva tato gama nikkhamma puna pavisi assamam. Pavittho ca pannasalam pavisitva "sutthu dinnan"ti ^1- danam anumajjanto nisidi. Tasmim patipavitthamhi tarunaya brahmaniya ghare kammam katukamaya "eso brahmana bavari godhavaritire anusamvaccharam satasahassam vissajjeti, gaccha tato pancasatani yacitva dasim me anehi"ti pesito anno aganchi brahmanoti. [987-8] Ugghattapadoti maggakkamanena ghattapadatalo, panhikaya va panhikam, goppakena va goppakam, jannukena va jannukam ahacca ghattapado. Sukhanca kusalam pucchiti sukhanca kusalanca pucchi "kacci te brahmana sukham, kacci kusalan"ti. @Footnote: ¹ ka. dinnam mayati [989-91] Anujanahiti anumannahi saddahahi. Sattadhati sattavidhena. Abhisankharitvati gomayavanapupphakusatinadini adaya sigham sigham bavarissa assamadvaram gantva gomayena bhumim upalimpitva ^1- pupphani vikkiritva tinani santharitva vamapadam kamandaludakena dhovitva sattapadamattam gantva attano padatale paramasanto evarupam kuhanam katvati vuttam hoti. Bheravam so akittayiti bhayajanakam vacanam akittayi, "sace me yacamanassa"ti imam gathamabhasiti adhippayo. Dukkhitoti domanassajato. [992-4] Ussussatiti tassa tam vacanam kadaci saccam bhaveyyati mannamano sussati. Devatati assame adhivattha devata eva. Muddhani muddhapate vati ^2- muddhe va muddhapate va. [995-6] Bhoti carahi janatiti bhoti ce janati. Muddhadhipatancati muddhapatanca. Nanametthati nanam me ettha. [998] Purati ekunatimsavassavayakale. Bavaribrahmane pana godhavaritire vasamane atthannam vassanam accayena buddho loke udapadi. Apaccoti anuvamso. [999] Sabbabhinnabalappattoti sabbabhinnaya balappatto, sabba va abhinnayo ca balani ca patto. Vimuttoti arammanam katva pavattiya vimuttacitto. [1001-3] Sokassati soko assa. Pahutapannoti mahapanno. Varabhurimedhasoti uttamavipulapanno, bhute abhiratavarapanno va. Vidhuroti vigatadhuro, appatimoti vuttam hoti. @Footnote: ¹ ka. opunchitva ² ka. muddhadhipate cati [1004-9] Mantaparageti vedaparage. Passavhoti passatha. Ajanatanti ajanantanam. Lakkhanati lakkhanani. Byakkhatati kathitani, vittharitaniti vuttam hoti. Samattati samattani, paripunnaniti vuttam hoti. Dhammena manusasatiti dhammena anusasati. [1011] Jatim gottanca lakkhananti "kivaciram jato"ti mama jatinca gottanca lakkhananca. Mante sisseti maya paricitavede ^1- ca mama sisse ca. Manasayeva pucchathati ime satta panhe citteneva pucchatha. [1013-8] Tissametteyyoti ekoyeva esa namagottavasena vutto. Dubhayoti ubho. Paccekaganinoti visum visum ganavanto. Pubbavasanavasitati pubbe kassapassa bhagavato sasane pabbajitva gatapaccagatavattapunnavasanaya vasitacitta. Puramahissatinti mahissatinamikam puram, nagaranti ^2- vuttam hoti. Tanca nagaram pavitthati adhippayo, evam sabbattha. Gonaddhanti godhapurassa ^3- namam. Vanasavhayanti pavananagaram ^4- vuccati, "vanasavatthin"ti eke. Evam vanasavatthito kosambim, kosambito ca saketam anuppattanam kira tesam solasannam jatilanam chayojanamatta parisa ahosi. [1019] Atha bhagava "bavarissa jatila mahajanam samvaddhenta agacchanti, na ca tava nesam indriyani paripakam gacchanti, napi ayam deso sappayo, magadhakhette pana tesam pasanakacetiyam sappayam. Tatra hi mayi dhammam desente mahajanassa dhammabhisamayo bhavissati, sabbanagarani ca pavisitva agacchanta bahutarena janena agamissanti"ti bhikkhusamghaparivuto savatthito rajagahabhimukho @Footnote: ¹ ka. kathitavede ² Si.,i. mahissatinti mahissatinamikam purimanagaranti @³ Ma. gonaddhapurassa ⁴ Si. bhumbavanagaram, i. tumbavanagaram Agamasi. Tepi jatila savatthim agantva viharam pavisitva "ko buddho kuhim buddho"ti vicinanta gandhakutimulam gantva bhagavato padanikkhepam disva "rattassa hi ukkutikam padam bhave .pe. Vivatacchadassa idamidisam padan"ti ^1- "sabbannu buddho"ti nittham gata. Bhagavapi anupubbena setabyakapilavatthuadini nagarani pavisitva mahajanam samvaddhento pasanakacetiyam gato. Jatilapi tavadeva savatthito nikkhamitva sabbani tani nagarani pavisitva pasanakacetiyameva agamamsu. Tena vuttam "kosambincapi saketam, savatthinca puruttamam. Setabyam kapilavatthun"tiadi. [1020] Tattha magadham puranti magadhapuram, rajagahanti adhippayo. Pasanakam cetiyanti mahato ^2- pasanassa upari pubbe devatthanam ahosi, uppanne pana bhagavati viharo jato. So teneva purimavoharena "pasanakam cetiyan"ti vuccati. [1021] Tasitovudakanti te hi jatila vegasa bhagavantam anubandhamana sayam gatamaggam pato, pato gatamagganca sayam gacchanta "ettha bhagava"ti sutva ativiya pitipamojjajata tam cetiyamabhiruhimsu. Tena vuttam "turita pabbatamaruhun"ti. [1024] Ekamantam thito hatthoti tasmim pasanake cetiye sakkena mapitamahamandape nisinnam bhagavantam disva "kacci isayo khamaniyan"tiadina nayena bhagavata patisammodaniye kate "khamaniyam bho gotama"tiadihi sayampi patisantharam karitva ajito jetthantevasi ekamantam thito hatthacitto hutva manopanhe pucchi. ^3- @Footnote: ¹ mano.pu. 1/382, dhammapada.A. 2/40 (sya), visuddhi. 1/132 (sya) @² ka. bahuno ³ ka. apucchi [1025] Tattha adissati "kativasso"ti ^1- evam uddissa. Jammananti ^2- "amhakam acariyassa jatim bruhi"ti pucchati. Paraminti nitthagamanam. [1026-7] Visam vassasatanti visativassadhikam vassasatam. Lakkhaneti mahapurisalakkhane, etasmim ito paresu ca itihasadisu anavayoti adhippayo. Parapadam va anetva tesu paramim gatoti yojetabbam. Pancasatani vacetiti pakatialasadummedhamanavakanam pancasatani sayam mante vaceti. Sadhammeti sake brahmanadhamme, tevijjake pavacaneti vuttam hoti. [1028] Lakkhananam pavicayanti lakkhananam vittharam, "katamani tanissa gatte tini lakkhanani"ti pucchati. [1030-31] Pucchanhiti pucchamanam. Kametam patibhasatiti devadisu kam puggalam etam panhavacanam patibhasati. ^3- [1032-33] Evam brahmano pancannam panhanam veyyakaranam sutva avasese dve pucchanto "muddham muddhadhipatanca"ti aha. Athassa bhagava te byakaronto "avijja muddha"ti gathamaha. Tattha yasma catusu saccesu annanabhuta avijja samsarassa sisam, tasma "avijja muddha"ti aha. Yasma ca arahattamaggavijja attana sahajatehi saddhasatisamadhikattukamyatachandaviriyehi samannagata indriyanam ekarasatthabhavamupagatatta tam muddham adhipateti, tasma "vijja muddhadhipatini"tiadimaha. [1034-38] Tato vedena mahatati atha imam panhaveyyakaranam sutva uppannaya mahapitiya santhambhitva alinabhavam, kayacittanam odaggam patvati attho. Patitva ca "bavari"ti imam gathamaha, atha nam anukampamano bhagava @Footnote: ¹ ka. tisso pussoti ² Ma. jappananti ³ cha.Ma.,i. patibhasatiti "sukhito"ti gathamaha. Vatva ca "bavarissa ca"ti sabbannupavaranam pavaresi. Tattha sabbesanti anavasesanam solasasahassanam. Tattha pucchi tathagatanti tattha pasanake cetiye, tattha va parisaya, tesu va pavaritesu ajito pathamam panham pucchiti. Sesam sabbagathasu pakatamevati. Paramatthajotikaya khuddakatthakathaya suttanipatatthakathaya ^1- ayam tavettha ^1- vatthugathavannana nitthita. ------------

The Pali Atthakatha in Roman Book 29 page 421-433. http://84000.org/tipitaka/atthapali/read_rm.php?B=29&A=9468&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9468&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=424 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10810 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10877 The Pali Tipitaka in Roman Character :- http://84000.org/tipitaka/read/roman_read.php?B=25&A=10877 Contents of The Tipitaka Volume 25 http://84000.org/tipitaka/read/?index_25