ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 29 : PALI ROMAN Sutta.A.2 (paramattha.2)

                         1. Ajitasuttavannana
      [1039] Tasmim pana panhe nivutoti paticchadito. Kissabhilepanam brusiti
kim assa lokassa abhilepanam vadesi.
      [1040] Veviccha pamada nappakasatiti macchariyahetu ca pamadahetu
ca nappakasati. Macchariyam hissa danadigunehi pakasitum na deti, pamado
siladihi. Jappabhilepananti tanha assa lokassa makkatalepo viya makkatassa
abhilepanam. Dukkhanti jatiadikam dukkham.
      [1041] Savanti sabbadhi sotati sabbesu rupadiayatanesu tanhadika
sota sandanti. Kim nivarananti tesam kim avaranam ka rakkhati. Samvaram bruhiti
tam tesam nivaranasankhatam samvaram bruhi. Etena savasesappahanam pucchati. Kena
sota pithiyyareti 2- kena dhammena ete sota pithiyyanti pacchijjanti. Etena
anavasesappahanam pucchati.
      [1042] Sati tesam nivarananti vipassanayutta kusalanam 3- dhammanam
gatiyo samannesamana sati tesam sotanam nivaranam. Sotanam samvaram brumiti
@Footnote: 1-1 cha.Ma. ime patha na dissanti  2 cha.Ma. pidhiyyareti  3 Si.,ka. kusalakusalanam
Tamevaham satim sotanam samvaram brumiti adhippayo. Pannayete pithiyyareti rupadisu
pana aniccatadipativedhasadhikaya maggapannaya ete sota sabbaso pithiyyantiti.
      [1043] Panna cevati panhagathaya 1- ya cayam taya vutta panna,
ya ca sati, yanca tadavasesam namarupam, etam sabbampi kattha nirujjhati, etam me
panham puttho pabruhiti 2- evam sankhepattho veditabbo.
      [1044] Vissajjanagathaya panassa yasma pannasatiyo nameneva sangaham
gacchanti, tasma ta visum na vutta. Ayamettha sankhepattho:- yamattham 3- ajita
etam panham apucchi "katthetam uparujjhati"ti, tam te yattha namanca rupanca
asesam uparujjhati, tam vadanto vadami, tassa tassa hi vinnanassa nirodhena
saheva apubbam acarimam etthetam uparujjhati, ettheva vinnananirodhe nirujjhati
etam, vinnananirodha tassa nirodho hoti, tam nativattatiti vuttam hoti.
      [1045] Ettavata ca "dukkhamassa mahabbhayan"ti imina pakasitam
dukkhasaccam, "yani sotani"ti imina samudayasaccam, "pannayete pithiyyare"ti imina
maggasaccam, "asesam uparujjhati"ti imina nirodhasaccanti. Evam cattari saccani
sutvapi ariyabhumim anadhigato puna sekhasekhapatipadam pucchanto "ye ca sankhatadhammase"ti
gathamaha. Tattha sankhatadhammati aniccadivasena parivimamsitadhamma,
arahatam etam adhivacanam. Sekhati siladini sikkhamana avasesa ariyapuggala.
Puthuti bahu satta jana. Tesam me nipako iriyam puttho pabruhiti tesam me
sekhasekhanam nipako pandito tvam puttho patipattim bruhiti.
      [1046] Athassa bhagava yasma sekhena kamacchandanivaranam adim katva
sabbakilesa pahatabba eva, tasma "kamesu"ti upaddhagathaya sekhapatipadam
@Footnote: 1 ka. panhabhagagathaya  2 cha.Ma. bruhiti  3 cha.Ma.,i. yam mam tvam
Dasseti. Tassattho:- vatuthukamesu kilesakamena nabhigijjheyya, kayaduccaritadayo
ca manaso avilabhavakare dhamme pajahanto manasa navilo siyati. Yasma pana
asekho aniccadivasena sabbasankharadinam paritulitatta kusalo sabbadhammesu
kayanupassanasatiadihi ca sato sakkayaditthiadinam bhinnatta bhikkhubhavam patto
ca hutva sabbairiyapathesu paribbajati, tasma "kusalo"ti upaddhagathaya
asekhapatipadam dasseti. Sesam sabbattha pakatameva.
      Evam bhagava arahattanikutena desanam nitthapesi, desanapariyosane
ajito arahatte patitthasi saddhim antevasisahassena, annesanca anekasahassanam
dhammacakkhum udapadi. Saha arahattappattiya ca ayasmato ajitassa antevasisahassassa
ca ajinajatavakacivaradini antaradhayimsu, sabbeva iddhimayapattacivaradhara
dvangulakesa ehibhikkhu hutva bhagavantam namassamana panjalika nisidimsuti.
                     Paramatthajotikaya khuddakatthakathaya
                          suttanipatatthakathaya
                       ajitasuttavannana nitthita.
                       -------------------



             The Pali Atthakatha in Roman Book 29 page 433-435. http://84000.org/tipitaka/atthapali/read_rm.php?B=29&A=9749&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9749&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=425              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10976              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=11010              The Pali Tipitaka in Roman Character :- http://84000.org/tipitaka/read/roman_read.php?B=25&A=11010              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com