Atthakatha Book 29 : PALI ROMAN
Sutta.A.2 (paramattha.2)

                         7. Nandasuttavannana
      [1084-5] Santi loketi nandasuttam. Tattha pathamagathayattho:- loke
khattiyadayo jana ajivakaniganthadike sandhaya "santi munayo"ti vadanti,
tayidam 1- kathamsuti kinnu kho te samapattinanadina nanena uppannatta
nanupapannam munim no vadanti, 2- evamvidham nu vadanti, udahu ve nanappakarena 3-
lukhajivitasankhatena jivitenupapannanti. Athassa bhagava tadubhayampi
patikkhipitva munim dassento "na ditthiya"ti gathamaha.
      [1086-7] Idani "ditthadihi suddhi"ti vadantanam vade kankhapahanattham
"ye kecime"ti pucchati. Tattha anekarupenati kotuhalamangaladina. Tattha
yata 4- carantati tattha sakkayaditthiya gutta viharanta. Athassa tatha
suddhiabhavam dipento bhagava dutiyam gathamaha.
@Footnote: 1 ka. tadidam  2 cha.Ma. no munim vadanti
@3 cha.Ma.,i. nanappakarakena  4 ka. yatha
---------------------------------------------------------------------------------------------
page445.
      [1088-90] Evam "natarimsu"ti sutva idani yo atari, tam sotukamo
"ye kecime"ti pucchati. Athassa bhagava oghatinnamukhena jatijaratinne
dassento tatiyam 1- gathamaha. Tattha nivutati ovuta pariyonaddha. Yesidhati
yesu idha. Ettha suiti nipatamattam. Tanham parinnayati tihi parinnahi
tanham parijanitva. Sesam sabbattha pubbe vuttanayatta pakatameva.
      Evam bhagava arahattanikuteneva desanam nitthapesi, desanapariyosane
pana nando bhagavato bhasitam abhinandamano "etabhinandami"ti gathamaha. Idhapi
ca pubbe vuttasadiso eva dhammabhisamayo ahositi.
                     Paramatthajotikaya khuddakatthakathaya
                          suttanipatatthakathaya
                       nandasuttavannana nitthita.
                          -------------


             The Pali Atthakatha in Roman Book 29 page 444-445.
http://84000.org/tipitaka/atthapali/read_rm.php?B=29&A=9995&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=29&A=9995&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=431
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=11194
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=11205
             The Pali Tipitaka in Roman Character :-
http://84000.org/tipitaka/read/roman_read.php?B=25&A=11205
             Contents of The Tipitaka Volume 25
http://84000.org/tipitaka/read/?index_25