AtthaPali Vol.3

{330} Dasakesu. Dasa aghatavatthuniti navake vuttani nava atthane va pana aghato jayatiti imina saddhim dasa honti. Aghatapativinayapi tattha vutta nava atthane va pana aghato jayati tam kutettha labbhati aghatam pativinetiti imina saddhim dasa veditabba. Dasa vinitavatthuniti dasahi aghatavatthuhi viratisankhatani Dasa. Dasavatthuka micchaditathiti natthi dinnantiadivasena veditabba. Atthi dinnantiadivasena sammaditthi. Sassato lokotiadivasena pana antagahika ditthi veditabba. Dasa micchatta micchaditthiadayo micchavimuttipariyosana. Viparita sammatta. Salakagaha samathakkhandhake niddittha. Dasahangehi samannagato bhikkhu ubbahikaya sammannitabboti silava hotitiadina nayena samathakkhandhake vuttehi. Dasa adinava rajante- purappavesane rajasikkhapade niddittha. Dasa danavatthuniti annam panam vattham yanam malagandham vilepanam seyyavasatham padipeyyam. Dasa ratananiti muttamaniveluriyadini dasa. Dasa pamsukulaniti sosanikam papanikam undurakhayitam upacikakhayitam aggidaddham gokhayitam ajikakhayitam thupacivaram abhisekiyam gatapatiyagatanti etesu upasampannena ussukkam katabbam. Dasa civaradharananiti sabbanilakadicivarani dharentiti vuttavasena dasati kurundiyam vuttam. Mahaatthakathayam pana navasu kappiyacivaresu udakasatikam va sankacchikam va pakkhipitva dasati vuttam. Avandiyapuggala senasanakkhandhake niddittha. Akkosavatthuni omasavade nidditthani. Dasa akara pesunnasikkhapade niddittha. Dasa senasananiti manco pitham bhisi bimbohanam cimilika uttarattharanam tattika cammakhando nisidanam paccattharanam tinasantharo pannasantharoti. Dasa varani yacimsuti visakha attha suddhodanamaharaja ekam jivako ekam. Yaguanisamsa ca akappiyamamsani ca bhesajjakkhandhake nidditthani. Sesam sabbattha uttanamevati. Dasakavannana nitthita.

The Pali Atthakatha in Roman Book 3 page 525-527. http://84000.org/tipitaka/atthapali/read_rm.php?B=3&A=10729&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=10729&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4