AtthaPali Vol.3

Dutiyagathasanganikavannana --------- {359} dutiyagathasanganikayam. Codanati vatthunca apattinca dassetva codana. Saranati dosasarana. Sangho kimatthayati sanghasannipato kimatthaya. Matikammam pana kissa karanati matikammam vuccati mantagahanam. Tam kissa karanati attho. Codana saranatthayati vuttappakara codana tena cuditakapuggalena katadosasaranatthaya. Niggahatthaya saranati dosasarana pana tassa puggalassa niggahatthaya. Sangho pariggahatthayati tattha sannipatito sangho vinicchayapariggahatthaya. Dhammadhammatulanatthaya suvinicchita- dubbinicchitajananatthayati attho. Matikammam pana patiyekkanti suttantiyattherananca vinayadharattherananca mantagahanam patekkam patekkam vinicchayasannitthapanattham. Ma kho patighanti cuditake va codake va kopam ma janayi. Sace anuvijjako tuvanti sace tvam sanghamajjhe otinnam adhikaranam vinicchinitum nisinno vinayadharo. Viggahiyanti ^1- na tvam imam dhammavinayam ajanasitiadinayappavattam. Anatthasanhitanti ya anattham janayati parisankhobhetva utthapeti evarupim katham ma abhani. Sutte vinayetiadisu suttam nama ubhatovibhango vinayo nama khandhako anulomo nama parivaro @Footnote: ^1. viggahikanti pali. Pannattam nama sakalam vinayapitakam anulomikam nama cattaro mahapadesa. Anuyogavattam nisamethati ^1- anuyunjanavattam nisametha. Kusalena buddhimata katanti chekena panditena nanaparamippattena bhagavata niharitva thapitam. Suvuttanti supannapitam. Sikkha- padanulomikanti sikkhapadanam anulomam. Ayam tava padattho. Ayam panettha sadhippayasankhepavannana sace tvam anuvijjako ma sahasa bhani ma anatthasanhitam viggahikakatham bhani yam pana kusalena buddhimata lokanathena etesu suttadisu anuyogavattam katam supannattam sabbasikkhapadanam anulomam tam nisamaya tam upadharehiti. Gatim na nasento samparayikanti attano samparayesu gatim nipphattim anasento anuyogavattam nisamaya yo hi tam anisametva anuyunjati so samparayikam attano gatim naseti tasma tam anasento nisamayati attho. Idani tam anuyogavattam dassetum hitesitiadimaha. Tattha hitesiti hitam esanto gavesanto mettinca mettipubbabhaganca upatthapetvati attho. Kaleti yuttappattakale ajjhesitakaleyeva tava bhare kate anuyunjati attho. Sahasa voharam ma padharesiti yo etesam sahasa voharo hoti sahasa bhasitam tam ma apadharesi ma ganhittha. Patinnanusandhitena karayeti ettha anusandhitanti kathanusandhi vuccati tasma patinnanusandhina karaye kathanusandhim sallakkhetva patinnaya @Footnote: ^1. nisamayatitipi. Karayeti attho. Athava. Patinnaya ca anusandhitena ca karaye lajjipatinnaya karaye alajjivattanusandhinati attho. Tasma evam patinna lajjisuti gathamaha. Tattha vattanusandhitena karayeti vattanusandhina karaye ya assa vattena saddhim patinna sandhiyati taya patinnaya karayeti attho. Sanciccati jananto apajjati. Pariguhatiti niguhati na deseti na vutthati. Saccam ahampi janamiti yam tumhehi vuttam tam saccam ahampi nam evameva janami. Annanca tahanti annam ca tam aham pucchami. Pubbaparam na janatiti pure kathitanca paccha kathitanca na janati. Akovidoti tasmim pubbapare akusalo. Anusandhivacanapatham na janatiti kathanusandhivacanam vinicchayanusandhivacanam ca na janati. Silavipattiya codetiti dvihi apattikkhandhehi codeti. Acaraditthiyati acaravipattiya ceva ditthivipattiya ca. Acaravipattiya codento pancahapattikkhandhehi codeti ditthivipattiya codento micchaditthiya ceva antagahikaditthiya ca codeti. Ajivenapi codetiti ajivahetu pannattehi chahi sikkhapadehi codeti. Sesam sabbattha uttanamevati. Dutiyagathasanganikavannana nitthita. ----------

The Pali Atthakatha in Roman Book 3 page 551-553. http://84000.org/tipitaka/atthapali/read_rm.php?B=3&A=11204&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=11204&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4