AtthaPali Vol.3

{88} Magadhesu panca abadha ussanna hontiti magadhanamake janapade manussananca amanussananca panca roga ussanna vuddhippatta phatippatta honti. Jivakakomarabhaccakatha civarakkhandhake avi- bhavissati. Na bhikkhave pancahi abadhehi phuttho pabbajetabboti ye te kutthadayo panca abadha ussanna tehi phuttho abhibhuto na pabbajetabbo. Tattha kutthanti rattakuttham va hotu kalakuttham va. Yankinci kitibadaddukandukacchuadippabhedampi sabbam kutthamevati vuttam. Tanca nakhapitthippamanampi vaddhanakapakkhe thitam hoti na Pabbajetabbo sace pana nivasanaparupanehi pakatipaticchannatthane nakhapitthippamanam avaddhanakapakkhe thitam hoti vattati. Mukhe pana hatthapadapitthisu va sacepi avaddhanakapakkhe thitam nakhapitthito khuddakatarampi na vattatiyevati kurundiyam vuttam. Tikicchapetva pabbajentenapi pakativane jateyeva pabbajetabbo. Godhapitthi- sadisacunnaokiranakasarirampi pabbajetum na vattati. Gandoti medagandadigando. Medagando va hotu anno va yokoci. Kolatthimattakopi ce vaddhanakapakkhe thito gando hoti na pabbajetabbo. Paticchannatthane pana kolatthimatte avaddhanakapakkhe thite pabbajetum vattati. Mukhadike appaticchannatthane avaddhanakapakkhe thitepi na vattati. Tikicchapetva pabbajentenapi sariram sanchavim karetvava pabbajetabbo. Unniganda nama honti gothanika viya angulika viya ca tattha tattha lambanti etepi gandayeva tesu sati pabbajetum na vattati. Daharakale kharapilaka yobbanakale ca mukhe kharapilaka nama honti mahallakakale nassanti na ta gandasankhyam gacchanti tasu sati pabbajetum vattati. Anna pana sarire kharapilaka nama apara padumakannika nama honti anna sasapabijaka nama sasapamatta eva sakalasariram pharanti ta sabba kutthajatika eva tasu sati na pabbajetabbo. Kilasoti nabhijjanakam napaggharanakam padumapundarikapattavannam kuttham. Yena gunnam viya sabalam sariram Hoti. Tasmim kutthe vuttanayeneva vinicchayo veditabbo. Sosoti sosabyadhi. Tasmim sati na pabbajetabbo. Apamaroti pittummado va yakkhummado va. Tattha pubbaverikena amanussena gahito duttikiccho hoti. Appamattakepi pana apamare sati na pabbajetabbo. Pancabadhavatthukatha nitthita.

The Pali Atthakatha in Roman Book 3 page 59-61. http://84000.org/tipitaka/atthapali/read_rm.php?B=3&A=1233&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=1233&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=101 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2876 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3036 The Pali Tipitaka in Roman Character :- http://84000.org/tipitaka/read/roman_read.php?B=4&A=3036 Contents of The Tipitaka Volume 4 http://84000.org/tipitaka/read/?index_4