ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {105} Yena kapilavatthu tena carikam pakkamiti ettha ayam anupubbi-
katha suddhodanamaharaja kira bodhisattassa abhinikkhamanadivasato
patthaya mama putto buddho bhavissamiti nikkhanto jato nukho
buddho noti pavattisavanattham ohitasotova viharati. Lo bhagavato
padhanacariyanca sambodhinca dhammacakkappavattanadini ca sunanto
idani kira me putto rajagaham upanissaya viharatiti sutva ekam amaccam
anapesi aham tata vuddho mahallako sadhu me jivantasseva
puttam dassehiti. So sadhuti patissunitva purisasahassaparivaro
rajagaham gantva bhagavato pade vanditva nisidi. Athassa bhagava
dhammakatham kathesi. So pasiditva pabbajjanceva upasampadanca
Yaci. Tato nam bhagava ehibhikkhupasampadaya upasampadesi.
So sapariso arahattam patva tattheva phalasamapattisukham anubhavamano
vihasi. Raja teneva upayena aparepi attha dute pahini.
Tepi sabbe saparisa tatheva arahattam patvava tattheva viharimsu.
Imina nama karanena te nagacchantiti ranno koci pavatti-
mattampi arocento natthi. Atha raja bodhisattena saddhim
ekadivase jatam kaludayim nama amaccam pahinitukamo purimanayeneva
yaci. So sace aham pabbajitum labhami dassessamiti aha.
Tam raja pabbajitvapi me puttam dassehiti pahini. Sopi
purisasahassaparivaro gantva tatheva sapariso arahattam papuni. So
ekadivasam sambhatesu sabbasassesu vissatthakammantesu janapadamanussesu
pupphitesu thalajajalajapupphesu patipajjanakkhame magge bhagavantam vanditva
satthimattahi gathahi gamanavannam vannesi. Bhagava kimetanti
pucchi. Bhante tumhakam pita suddhodanamaharaja mahallakomhi
jivantasseva me puttam dassehiti mam pesesi sadhu bhante bhagava
natakanam sangaham karotu kalodani carikam pakkamitunti. Tenahi
sanghassa arocehi bhikkhu gamiyavattam puressantiti. Sadhu bhanteti
thero tatha akasi. Bhagava angamagadhavasinam kulaputtanam dasahi
sahassehi kapilavatthuvasinam dasahi sahassehiti sabbeheva visatisahassehi
khinasavehi parivuto rajagaha nikkhamitva rajagahato satthiyojanikam
kapilavatthum divase yojanam gacchanto dvihi masehi papunissamiti
Aturitacarikam pakkami. Tena vuttam yena kapilavatthu tena carikam
pakkamiti. Evam pakkante ca bhagavati udayitthero nikkhanta-
divasato patthaya suddhodanamaharajassa gehe bhattakiccam karoti.
Raja theram parivisitva pattam gandhacunnena ubbattetva uttama-
bhojanassa puretva bhagavato dassathati therassa hatthe thapesi.
Theropi tatheva karoti. Iti bhagava antaramagge rannoyeva
pindapatam paribhunji. Theropi bhattakiccavasane divase divase
ranno arocesi ajja ettakam bhagava agatoti buddhaguna-
patisamyuttaya ca kathaya sakiyanam bhagavati saddham uppadesi. Teneva
nam bhagava etadaggam bhikkhave mama savakanam bhikkhunam kulappasadakanam
yadidam kaludayiti etadagge thapesi. Sakiyapi kho anuppatte
bhagavati amhakam natisettham passissamati sannipatitva bhagavato
vasanatthanam vimamsamana nigrodhasakkassa aramo ramaniyoti
sallakkhetva tattha sabbam patijagganavidhim karetva gandhapupphahattha
paccuggamanam karonta sabbalankarapatimandite dahare nagaradarake
ca nagaradarikayo ca pathamam pahinimsu tato rajakumare ca
rajakumariyo ca tesam anantara samam gantva pupphacunnadihi
pujayamana bhagavantam gahetva nigrodharamameva agamamsu. Tatra
bhagava visatisahassakhinasavaparivuto pannattapavarabuddhasane nisidi.
Sakiya manajatika manatthaddha. Te siddhatthakumaro amhehi
daharadaharo amhakam kanittho bhagineyyo putto nattati cintetva
Daharadahare rajakumare ahamsu tumhe vandatha mayam tumhakam
pitthito nisidissamati. Tesu evam nisinnesu bhagava tesam ajjhasayam
oloketva na mam nati vandanti handadani te vandapessamiti
abhinnapadakam catutthajjhanam samapajjitva vutthaya iddhiya akasam
abbhuggantva tesam sise padapamsum okiramano viya gandambarukkhamule
yamakapatihariyasadisam patihariyamakasi. Raja tam acchariyam disva
aha bhagava tumhakam mangaladivase brahmanassa vandanattham
upanitanam pade vo parivattetva brahmanassa matthake patitthite
disvapi aham tumhe vandim ayam me pathamavandana vappamangaladivase
jambuchayaya sirisayane nipannanam vo jambuchayaya aparivattanam disvapi
pade vandim ayam me dutiyavandana idani imam aditthapubbam
patihariyam disvapi tumhakam pade vandami ayam me tatiyavandanati.
     Suddhodanamaharajena pana vandite bhagavati avanditva thito nama
ekasakiyopi nahosi sabbeyeva vandimsu. Iti bhagava nati
vandapetva akasato oruyha pannatte asane nisidi. Nisinne
bhagavati sikhappatto natisamagamo ahosi. Sabbe ekaggacitta
sannisinna nisidimsu. Tato mahamegho pokkharavassam vassi.
Tambavannamudakam hettha viravantam gacchati. Kassaci sarire
ekabindumattampi na patati. Tam disva sabbe acchariyabbhutajata
ahesum. Bhagava na idaneva mayham natisamagame pokkharavassam
vasati atitepi vassiti imissa atthuppattiya vessantarajatakam
Kathesi. Dhammadesanam sutva sabbe utthaya vanditva padakkhinam
katva pakkamimsu. Ekopi raja va rajamahamatto va sve
amhakam bhikkham ganhathati vatva gato nama natthi. Bhagava
dutiyadivase visatibhikkhusahassaparivaro kapilavatthum pindaya pavisi.
Na koci paccuggantva nimantesi va pattam va aggahesi. Bhagava
indakhile thito avajjesi katham nukho pubbe buddha kulanagare
pindaya carimsu kim uppatipatiya issarajananam gharani agamamsu
udahu sapadanacarikam carimsuti tato ekabuddhassapi uppatipatiya
gamanam adisva mayapi idani ayameva vamso ayam paveni paggahetabba
ayatinca me savakapi mameva anusikkhanta pindacariyavattam
puressantiti kotiyam nivitthagehato patthaya sapadanam pindaya
carati. Ayyo kira siddhatthakumaro pindaya caratiti catubhumikadisu
pasadesu sihapanjaram vivaritva mahajano dassanabyavato ahosi.
Rahulamatapi devi ayyaputto kira imasmimyeva nagare mahata
rajanubhavena suvannasivikadihi vicaritva idani kesamassum oharetva
kasayavatthavasano kapalahattho pindaya carati sobhati nu
kho no vati sihapanjaram vivaritva olokayamana bhagavantam
nanaviragasamujjalaya sarirappabhaya nagaravithiyo obhasetva
buddhasiriya virocamanam disva unhisato patthaya yava padatala
narasihagathahi nama atthahi gathahi abhitthavitva ranno santikam
gantva tumhakam putto pindaya caratiti ranno arocesi.
Raja tam sutva samviggahadayo hatthena satakam santhapayamano
turitaturitam nikkhamitva vegena gantva bhagavato purato thatva
aha kim bhante amhe lajjapetha kimattham pindaya caratha kim
ettakanam bhikkhunam na sakka bhattam laddhunti evam sannino
ahuvatthati. Vamsacarittametam maharaja amhakanti. Nanu bhante amhakam
mahasammatakhattiyavamso nama vamso tattha ca ekakhattiyopi
bhikkhacaro nama natthiti. Ayam maharaja rajavamso nama tava vamso
amhakam pana buddhavamso nama sabbabuddhava pindacarika ahesunti
antaravithiyam thitova
          uttitthe nappamajjeyya    dhammam sucaritam care
          dhammacari sukham seti       asmim loke paramhi cati
     imam gathamaha. Gathapariyosane raja sotapattiphalam sacchakasi.
          Dhammam care sucaritam        na tam duccaritam care
          dhammacari sukham seti       asmim loke paramhi cati
     imam pana gatham sutva sakadagamiphale patitthasi dhammapalajatakam
sutva anagamiphale patitthasi maranasamaye setacchattassa hettha
sirisayane nipannoyeva arahattam papuni. Arannavasena padhananu-
yogakiccam ranno nahosi. Sotapattiphalam sacchikatvaeva pana
bhagavato pattam gahetva saparisam bhagavantam mahapasadam aropetva
panitena khadaniyena bhojaniyena parivisi. Bhattakiccavasane sabbam
itthagaram agantva bhagavantam vandi thapetva rahulamataram. Sa
Pana gaccha ayyaputtam vandahiti parijanena vuccamanapi sace mayham
guno atthi sayameva ayyaputto agamissati agatam nam
vandissamiti vatva na agamasi. Bhagava rajanam pattam gahapetva
dvihi aggasavakehi saddhim rajadhitaya sirigabbham gantva rajadhita
yatharuciya vandamana na kinci vattabbati vatva pananatte
asane nisidi. Sa vegena agantva gopphakesu gahetva
padapitthiyam sisam parivattetva parivattetva yathajjhasayam vandi.
     Raja rajadhitaya bhagavati sinehabahumanadigunasampattim kathesi.
Bhagava anacchariyam maharaja yam idani paripakke nane taya
rakkhiyamana rajadhita attanam rakkhati sa pubbe anarakkha
pabbatapade vicaramana aparipakke nane attanam rakkhiti vatva
candakinnarijatakam kathesi. Tam divasameva nandarajakumarassa kesa-
visajjanam pattabandho gharamangalam avahamangalam chattamangalanti panca
mahamangalani honti. Bhagava nandam pattam gahapetva mangalam
vatva utathayasana pakkami. Tada janapadakalyani kumaram
gacchantam disva tuvatam kho ayyaputta agaccheyyasiti vatva givam
pasaretva olokesi. Sopi bhagavantam pattam ganhathati vattum
avisahamano viharamyeva agamasi. Tam anicchamanamyeva bhagava
pabbajesi. Iti bhagava kapilapuram agantva dutiyadivase nandam
pabbajesi. Sattame divase rahulamata kumaram alankaritva
bhagavato santikam pesesi passa tata etam visatisahassasamanaparivutam
Suvannavannam brahmarupavannam samanam ayante pita etassa
mahanta nidhayo ahesum tassa nikkhamanato patthaya na passama
gaccha nam dayajjam yaca aham tata kumaro chattam ussapetva
cakkavatti bhavissami dhanena me attho dhanam me dehi samiko
hi putto pitusantakassati. Kumaro bhagavato santikam gantvava
pitusineham patilabhitva hatthatutthacitto sukha te samana chayati
vatva annampi bahum attano anurupam vadanto atthasi.
Bhagava katabhattakicco anumodanam katva utthayasana pakkami.
Kumaropi dayajjam me samana dehi dayajjam me samana dehiti
bhagavantam anubandhi. Tena vuttam anupubbena carikancaramano
yena kapilavatthu .pe. Dayajjam me samana dehiti. Athakho
bhagava ayasmantam sariputtam amantesiti bhagava kumaram na
nivattapesi parijanopi kumaram bhagavata saddhim gacchantam nivattetum
na visahati. Atha aramam gantva yam ayam pitu santakam dhanam icchati
tam vattanugatam savighatam handassa bodhimande patiladdham sattavidham
ariyadhanam demi lokuttaradayajjassa nam samikam karomiti ayasmantam
sariputtam amantesi. Amantetva ca panaha tenahi tvam
sariputta rahulakumaram pabbajehiti. Yasma ayam dayajjam yacati
tasma nam lokuttaradayajjam patilabhaya pabbajehiti attho.
     Idani ya sa bhagavata baranasiyam tihi saranagamanehi pabbajja ca
upasampada ca anunnata tato yasma upasampadam patikkhipitva
Garubhave thapetva natticatutthena kammena upasampada anunnata
pabbajja pana neva patikkhitta na puna anunnata tasma
anagate bhikkhunam vimati uppajjissati ayam pabbajja nama
pubbe upasampadasadisa kim nu kho idanipi upasampada viya
kammavacaya eva kattabba udahu saranagamanehiti imanca
panattham viditva bhagava puna tihi saranagamanehi samanerapabbajjam
anujanitukamo tasma dhammasenapati tam bhagavato ajjhasayam
viditva bhagavantam puna pabbajjam anujanapetukamo aha kathaham
bhante rahulakumaram pabbajemiti. Athakho ayasma sariputto
rahulakumaram pabbajesiti kumarassa mahamoggallanatthero kese
chinditva kasayani datva sariputto saranani adasi.
Mahakassapatthero ovadacariyo ahosi. Yasma pana upajjhaya-
mulaka pabbajja ca upasampada ca upajjhayova tattha issaro
na acariyo tasma vuttam athakho ayasma sariputto
rahulakumaram pabbajesiti. Evam kumaro pabbajitoti sutva
uppannasamvegena hadayena athakho suddhodano sakkoti sabbam vattabbam.
Tattha yasma unchacariyaya jivato pabbajitassa avisesena varam
yacamiti vutte yacassuti vacanam appatirupam na ca buddhanam
acinnam tasma atikkantavara kho gotama tathagatati vuttam.
Yanca bhante kappati yanca anavajjanti yam tumhakanceva datum
kappati anavajjanca hoti mama sampaticchanappaccaya vannuhi
Na garahitabbam tam yacamiti attho. Tatha nande adhimattam
rahuleti yatheva kira bodhisattam evam nandampi rahulampi mangaladivase
nemittaka cakkavatti bhavissatiti byakarimsu. Atha raja puttassa
cakkavattisirim passissamiti ussahajato bhagavato pabbajjaya
mahantam icchavighatam papuni. Tato nandassa cakkavattisirim
passissamiti ussaham janesi. Tampi bhagava pabbajesi.
Iti tampi dukkham adhivasetva idani rahulassa cakkavattisirim
passissamiti ussaham janesi. Tampi bhagava pabbajesi. Tenassa
idani kulavamsopi pacchinno kuto cakkavattisiriti adhikataram dukkham
uppajji. Tena vuttam tatha nande adhimattam rahuleti.
Ranno pana ito paccha anagamiphalappatti veditabba. Sadhu
bhante ayyati idam kasma aha. So kira cintesi yatra hi
nama ahampi buddhamamako dhammamamako sanghamamako samano
attano pitara putte pabbajiyamane nativiyogadukkham adhivasetum
na sakkomi anne jana puttanattakesu pabbajantesu katham
adhivasessanti tasma annesampi tava evarupam dukkham ma
ahositi aha. Bhagava sasane niyyanikakaranam raja vadatiti
dhammakatham katva na bhikkhave ananunnato matapituhi putto
pabbajetabboti sikkhapadam pannapesi. Tattha matapituhiti
jananijanake sandhaya vuttam. Sace dve atthi dvepi
apucchitabba. Sace pita mato hoti mata va yo jivati so
Apucchitabbo. Pabbajitapi apucchitabbava. Apucchantena
sayam va gantva apucchitabbam anno va pesetabbo soeva
va pesetabbo gaccha matapitaro apucchitva ehiti. Sace
anunnatomhiti vadati saddahantena pabbajetabbo. Pita sayam
pabbajito puttampi pabbajetukamo hoti mataram apucchitvava
pabbajetu. Mata va dhitaram pabbajetukama pitaram apucchitvava
pabbajetu. Pita puttadarena anatthiko palayi. Mata imam
pabbajethati puttam bhikkhunam deti pitassa kuhinti vutte
cittakeliyam kilitum palatoti vadati tam pabbajetum vattati. Mata
kenaci purisena saddhim palata hoti. Pita pana pabbajethati
deti. Etthapi eseva nayo. Pita vippavuttho hoti.
Mata puttam pabbajethati anujanati pitassa kuhinti vutte
kim tumhakam pitara aham janissamiti vadati pabbajetum vattatiti
kurundiyam vuttam. Matapitaro mata darako culamatadinam santike
samvaddho tasmim pabbajiyamane tam nissaya nataka kalaham va
karonti khiyanti va tasma vivadupacchedanattham apucchitvava
pabbajetabbo. Anapuccha pabbajentassa pana apatti natthi.
Daharakale gahetva posanaka matapitaro nama honti. Tesupi
eseva nayo. Putto attanam nissaya jivati na matapitaro
sacepi raja hoti apucchitvava pabbajetabbo. Matapituhi
anunnato pabbajitva puna vibbhamati sacepi sattakkhattum
Pabbajitva vibbhamati agatagatakale punappunam apucchitvava
pabbajetabbo. Sace evam vadanti ayam vibbhamitva geham agato
amhakam kammam na karoti pabbajitva tumhakam vattam na pureti
natthi imassa apucchanakiccam agatagatam nam pabbajeyyathati
evam nissattham puna anapucchapi pabbajetum vattati. Yopi
daharakaleyeva ayam tumhakam dinno yada icchatha tada
pabbajeyyathati evam dinno hoti sopi agatagato puna
apucchitvava pabbajetabbo. Yampana daharakaleyeva imam bhante
pabbajeyyathati anujanitva paccha vuddhippattakale nanujananti.
Ayam na anapuccha pabbajetabbo. Eko matapituhi saddhim
bhanditva pabbajetha manti agacchati. Apucchitva ehiti
ca vutto naham gacchami sace mam na pabbajetha viharam va
jhapemi satthena va tumhe paharami tumhakam natakaupatthakanam
va aramacchedanadihi anattham uppademi rukkha va patitva
marami coramajjham va pavisami desantaram va gacchamiti
vadati. Tam jivitasseva rakkhanatthaya pabbajetum vattati.
Sace panassa matapitaro agantva kasma amhakam puttam
pabbajayitthati vadanti tesam tamattham arocetva rakkhanatthaya
nam pabbajayimha pannayatha tumhe puttenati vattabba.
Rukkha papatissamiti aruhitva pana hatthapade muncantam pabbajetum
vattatiyeva. Eko videsam gantva pabbajjam yacati. Apucchitva
Ce gato pabbajetabbo. No ce daharabhikkhum pesetva
apucchapetva pabbajetabbo. Atidurance hoti pabbajetvapi
bhikkhuhi saddhim pesetva dassetum vattati. Kurundiyampana vuttam
sace duram hoti maggo ca mahakantaro gantva apucchissamiti
pabbajetum vattatiti. Sace pana matapitunam bahu putta honti
evanca vadanti bhante etesam darakanam yam icchatha tam
pabbajeyyathati darake vimamsitva yam icchati so pabbajetabbo
sacepi sakalena kulena va gamena va anunnatam hoti bhante
imasmim kule va game va yam icchatha tam pabbajeyyathati yam
icchati so pabbajetabboti.
                  Rahulavatthukatha nitthita.



             The Pali Atthakatha in Roman Book 3 page 71-83. http://84000.org/tipitaka/atthapali/read_rm.php?B=3&A=1483&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=1483&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=118              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3321              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3442              The Pali Tipitaka in Roman Character :- http://84000.org/tipitaka/read/roman_read.php?B=4&A=3442              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]