ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {110} Puranakulaputtoti puranassa anukkamena parijunnam pattassa
kulassa putto. Khinakolannoti matipakkhapitipakkhato kolanna
khina vinattha mata assati khinakolanno. Anadhigatanti
appattam. Phatim katunti vaddhetum. Inghati uyyojanatthe
nipato. Anuyunjiyamanoti ekamantam netva kesamassu-
oropanakasayapatiggahanasaranagamanaupajjhayagahanakammavacanissayadhamme
pucchiyamano. Etamattham arocesiti etam sayam pabbajitabhavam adito
patthaya acikkhi. Theyyasamvasako bhikkhaveti ettha tayo
theyyasamvasaka lingatthenako samvasatthenako ubhayatthenakoti. Tattha
yo sayam pabbajitva viharam gantva na bhikkhuvassani ganeti na
yathavuddham vandanam sadiyati na asanena patibahati na uposatha-
pavaranadisu sandissati ayam lingamattasseva thenitatta lingatthenako
nama. Yo pana bhikkhuhi pabbajito samanero samano

--------------------------------------------------------------------------------------------- page89.

Videsam gantva aham dasavasso va visativasso vati musa vatva bhikkhuvassani ganeti yathavuddham vandanam sadiyati asanena patibahati uposathapavaranadisu sandissati ayam samvasamattasseva thenitatta samvasatthenako nama. Bhikkhuvassagananadiko hi sabbopi kiriyabhedo imasmim ettha samvasoti veditabbo. Sikkham paccakkhaya na me koci janatiti evam patipajjantepi eseva nayo. Yo pana sayam pabbajitva viharam gantva bhikkhuvassani ganeti yathavuddham vandanam sadiyati asanena patibahati uposathapavaranadisu sandissati ayam lingassa ceva samvasassa ca thenitatta ubhayat- thenako nama. Ayam tividhopi theyyasamvasako anupasampanno na upasampadetabbo upasampanno nasetabbo puna pabbajjam yacantopi na pabbajetabbo. Ettha ca asammohattham idam pakinnakam veditabbam rajadubbhikkhakantara- rogaveribhayena va civaraharanattham va lingam adiyatidha yo samvasam nadhivaseti yava so suddhamanaso theyyasamvasako nama tava esa na vuccatiti. Tatra vittharanayo idhekaccassa raja kuddho hoti. So evam me sotthi bhavissatiti sayameva lingam gahetva palayati. Tam disva ranno arocenti. Raja sace pabbajito na tam labbha kinci katunti tasmim kodham pativineti. So vupasantam me

--------------------------------------------------------------------------------------------- page90.

Rajabhayanti sanghamajjham anosaritvava gihilingam gahetva agato pabbajetabbo. Athapi sasanam nissaya maya jivitam laddham handadani aham pabbajamiti uppannasamvego teneva lingena agantva agantukavattam na sadiyati bhikkhuhi puttho va aputtho va yathabhutamattanam avikatva pabbajjam yacati lingam apanetva pabbajetabbo. Sace pana vattam sadiyati pabbajitalayam dasseti sabbam pubbe vuttam vassagananadibhedam vidhim patipajjati ayam na pabbajetabbo. Idha panekacco dubbhikkhe jivitum asakkonto sayameva lingam gahetva sabbapasandiyabhattani bhunjanto dubbhikkhe vitivatte sanghamajjham anosaritvava gihilingam gahetva agatoti sabbam purimasadisameva. Aparo mahakantaram nittharitukamo hoti satthavaho ca pabbajite gahetva gacchati. So evam mam satthavaho gahetva gamissatiti sayameva lingam gahetva satthavahena saddhim kantaram nittharitva khemantam patva sanghamajjham anosaritvava gihilingam gahetva agatoti sabbam purimasadisameva. Aparo rogabhaye uppanne jivitum asakkonto sayameva lingam gahetva sabbapasandiyabhattani bhunjanto rogabhaye vupasante sanghamajjham anosaritvava gihilingam gahetva agatoti sabbam purimasadisameva. Aparassa eko veriko kuddho hoti ghatetukamo nam vicarati so evam me sotthi bhavissatiti sayameva lingam gahetva palayati veriko kuhim soti pariyesanto pabbajitva palatoti sutva sace pabbajito na tam

--------------------------------------------------------------------------------------------- page91.

Labbha kinci katunti tasmim kodham pativineti. So vupasantam me veribhayanti sanghamajjham anosaritvava gihilingam gahetva agatoti sabbam purimasadisameva. Aparo natikulam gantva sikkham paccakkhaya gihi hutva imani civarani idha vinassanti sacepi imani gahetva viharam gamissami antaramagge mam coroti gahessanti yannunaham kayaparihariyani katva gaccheyyanti civaraharanattham nivasetva ca parupitva ca viharam gacchati. Tam durato va agacchantam disva samanera ca dahara ca abbhuggacchanti vattam dassenti. So na sadiyati yathabhutamattanam avikaroti. Sace bhikkhu nadani mayam tam muncissamati balakkarena pabbajetukama honti kasayani apanetva puna pabbajetabbo. Sace pana nayime mama hinayavattabhavam janantiti tamyeva bhikkhubhavam patijanitva sabbam pubbe vuttam vassagananadibhedam vidhim patipajjati ayam na pabbajetabbo. Aparo mahasamanero natikulam gantva uppabbajitva kammantanutthanena ubbalho hutva punadani aham samanova bhavissami theropi me uppabbajitabhavam na janatiti tadeva pattacivaram adaya viharam gacchati tamattham bhikkhunam naroceti samanerabhavam patijanati. Ayam theyyasamvasakoyeva pabbajjam na labhati. Sacepissa lingagahanakale evam hoti naham kassaci arocessamiti viharanca gato aroceti. Gahaneneva theyyasamvasako. Athapissa gahanakale acikkhissamiti cittam uppannam hoti viharanca

--------------------------------------------------------------------------------------------- page92.

Gantva kuhim tvam avuso gatoti vutto nadani mam ime janantiti vancetva nacikkhati. Nacikkhissamiti saha dhuranikkhepena ayampi theyyasamvasakova. Sace panassa gahanakalepi acikkhissamiti cittam uppannam hoti viharam gantvapi acikkhati ayam puna pabbajjam labhati. Aparo daharasamanero mahanto va pana balo abyatto so purimanayeneva uppabbajitva ghare vacchakarakkhanadini katum na icchati. Tamenam nataka taniyeva kasayani acchadetva thalakam va pattam va hatthe datva gaccha samanova hohiti ghara niharanti. So viharam gacchati. Neva nam bhikkhu jananti ayam uppabbajitva puna sayameva pabbajitoti. Napi sayam janati yo evam pabbajati so theyyasamvasako nama hotiti. Sace tam paripunnavisativassam upasampadenti supasampanno. Sace pana anupasampannakaleyeva vinayavinicchaye vattamane sunati yo evam pabbajati so theyyasamvasako nama hotiti tena maya evam katanti bhikkhunam acikkhitabbam. Evam puna pabbajjam labhati. Sace nadani mam koci janatiti na aroceti dhure nikkhittamatte theyyasamvasako. Bhikkhu sikkham paccakkhaya lingam apanetva dussilakammam katva va akatva va puna sabbam pubbe vuttam vassagananadibhedam vidhim patipajjati theyyasamvasako hoti. Sikkham appaccakkhaya salinge thito methunam patisevitva vassagananadibhedam vidhim apajjanto theyyasamvasako na hoti pabbajjamattam labhati.

--------------------------------------------------------------------------------------------- page93.

Andhakatthakathayampana eso theyyasamvasakoti vuttam. Tam na gahetabbam. Eko bhikkhu kasaye saussahova odatam nivasetva methunam patisevitva puna kasayani nivasetva vassagananadibhedam sabbam vidhim apajjati ayampi theyyasamvasako na hoti pabbajjamattam labhati. Sace pana kasaye dhuram nikkhipitva odatam nivasetva methunam patisevitva puna kasayani nivasetva vassagananadibhedam sabbam vidhim apajjati theyyasamvasako hoti. Samanero salinge thito methunadim assamanakaranadhammam apajjitvapi theyya- samvasako na hoti. Sacepi kasaye saussahova kasayani apanetva methunam patisevitva puna kasayani nivaseti neva theyyasamvasako hoti. Sace pana kasaye dhuram nikkhipitva naggo va odatanivattho va methunasevanadihi assamano hutva kasayani nivaseti theyyasamvasako hoti. Sace gihibhavam patthayamano kasayam ovattikam va katva annena va akarena gihinivasanena nivaseti sobhati nukho me gihilingam na sobhatiti vimamsanattham rakkhati tava sobhatiti sampaticchitva pana puna lingam sadiyanto theyyasamvasako hoti. Odatam nivasetva vimamsanasampaticchanesupi eseva nayo. Sace pana nivatthakasayassa upari odatam nivasetva vimamsati va sampaticchati va rakkhatiyeva. Bhikkhuniyapi eseva nayo. Sapi gihibhavam patthayamana sace kasayam gihinivasanam nivaseti sobhati nukho me gihilingam na

--------------------------------------------------------------------------------------------- page94.

Sobhatiti vimamsanattham rakkhati tava sace sobhatiti sampaticchati na rakkhati. Odatam nivasetva vimamsanasampaticchanesu eseva nayo. Nivatthakasayassa pana upari odatam nivasetva vimamsatu va sampaticchatu va rakkhatiyeva. Sace koci vuddhapabbajito vassani aganetva paliyampi athatva ekapassenagantva mahapeladisu katacchuna ukkhitte bhattapinde pattam upanametva seno viya mamsapesim gahetva gacchati theyyasamvasako na hoti. Bhikkhuvassani pana ganetva ganhanto theyyasamvasako hoti. Sayam samanerova samanerapatipatiya kutavassani ganetva ganhanto theyyasamvasako na hoti. Bhikkhu bhikkhupatipatiya kutavassani ganetva ganhanto bhandagghena karetabboti. Theyyasamvasakakatha nitthita. Titthiyapakkantako bhikkhaveti ettha pana titthiyesu pakkanto pavitthoti titthiyapakkantako. So na kevalam upasampadetabbo athakho na pabbajetabboti. Tatrayam vinicchayo upasampanno bhikkhu titthiyo bhavissamiti salingeneva tesam upassayam gacchati padavare padavare dukkatam tesam linge adinnamatte titthiyapakkantako hoti. Yopi sayameva titthiyo bhavissamiti kusaciradini nivaseti titthiyapakkantako hotiyeva. Yo pana naggo nahayanto attanam oloketva sobhati me ajivakabhavo ajivako bhavissanti kasayani anadaya naggova ajivakanam upassayam gacchati padavare

--------------------------------------------------------------------------------------------- page95.

Padavare dukkatam sace panassa antaramagge hirottappam uppajjati dukkatani desetva muccati. Tesam upassayam gantvapi tehi va ovadito attana va imesam pabbajja atidukkhati disva nivattantopi muccatiyeva. Sace pana kim tumhakam pabbajjaya ukkatthanti pucchitva kesamassuluncanaditi vutto ekakesampi luncapeti ukkutikappadhanadini va vatani adiyati morapinchadini va nivaseti tesam lingam ganhati ayam pabbajja setthati setthabhavam upagacchati na muccati titthiyapakkantako hoti. Sace pana sobhati nukho me titthiyapabbajja na nukho sobhatiti vimamsanattham kusaciradini nivaseti jatam va bandhati kharikajam va adiyati yava na sampaticchati tava nam laddhi rakkhati sampaticchitamatte titthiyapakkantako hoti. Acchinnacivaro pana kusaciradini nivasento rajabhayadihi va titthiyalingam ganhanto laddhiya abhavena neva titthiyapakkantako hoti. Ayanca titthiya- pakkantako nama upasampannabhikkhuna kathito tasma samanero salingena titthayatanam gatopi puna pabbajjanca upasampadanca labhatiti kurundiyam vuttam. Purimo pana theyyasamvasako anupasampannena kathito tasma upasampanno kutavassam ganentopi assamano na hoti. Linge saussaho parajikam apajjitva bhikkhuvassadini ganentopi theyyasamvasako na hotiti. Titthiyapakkantakatha nitthita.


             The Pali Atthakatha in Roman Book 3 page 88-95. http://84000.org/tipitaka/atthapali/read_rm.php?B=3&A=1837&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=1837&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=4&i=126              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3496              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3579              The Pali Tipitaka in Roman Character :- http://84000.org/tipitaka/read/roman_read.php?B=4&A=3579              Contents of The Tipitaka Volume 4 http://84000.org/tipitaka/read/?index_4

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]