ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {6} Mucalindamulati mahabodhito pacinakone thita mucalinda-
rukkhamula. Rajayatananti dakkhinadisabhage thitam rajayatanarukkham
upasankami. Tena kho pana samayenati katarena samayena bhagavato kira
rajayatanamule sattaham ekapallankena nisinnassa samadhito
Vutthanadivase arunuggamanavelayameva bhojanakiccena bhavitabbanti natva sakko
devaraja osathaharitakam upanesi bhagava tam paribhunji paribhutta-
mattasseva sarirakiccam ahosi sakko mukhodakam adasi bhagava mukham
dhovitva tasmimyeva rukkhamule nisidi evam uggate arunamhi nisinne
bhagavati tena kho pana samayena. Tapussabhallika vanijati tapusso ca
bhalliko cati dve bhataro vanija. Ukkalati ukkalajanapadato.
Tam desanti yasmim dese bhagava viharati. Katarasminca dese bhagavati.
Majjhimadese. Tasma majjhimadesam gantum addhanamaggam patipanna
hontiti ayamettha attho. Natisalohita devatati tesam
natibhutapubba devata. Etadavocati sa kira nesam sabbasakatani
appavattani akasi. Tato te kim idanti maggadevatanam balikammam
akamsu. Tesam balikammakale sa devata dissamaneneva kayena
etadavoca. Manthena ca madhupindikaya cati abaddhasattuna ca
sappimadhuphanitadihi yojetva baddhasattuna ca. Patimanethati
upatthahatha. Tam voti tampatimananam tumhakam bhavissati digharattam
hitaya sukhaya. Yam amhakanti yampatiggahanam amhakam assa
digharattam hitaya sukhaya. Bhagavato etadahositi yo kirassa
padhananuyogakale patto ahosi so sujataya payasam datum
agacchantiya eva antaradhayi tenassa etadahosi patto me
natthi purimakapica nakho tathagata hatthesu patigganhanti kimhi
nukho aham patigganheyyam manthanca madhupindikancati.
     Parivitakkamannayati ito pubbeva bhagavato sujataya dinnam bhojanamyeva
ojanuppabandhanavasena atthasi ettakam kalam neva jighaccha na pipasa
na kayadubbalyam ahosi idani panassa aharam patiggahetukamataya
nakho tathagatatiadina nayena parivitakko udapadi. Tam
evam uppannam attano cetasa bhagavato cetoparivitakkamannaya.
Catuddisati catuhi disahi. Selamaye patteti muggavannasilamaye
patte. Idamyeva bhagava patiggahesi teyeva sandhaya vuttam.
Cattaro pana maharajano pathamam indanilamanimaye patte
upanamesum. Na te bhagava aggahesi. Tato ime cattaropi
muggavannasilamaye patte upanamesum. Bhagava cattaropi patte
aggahesi tesam pasadanurakkhanatthaya no mahicchataya. Gahetva ca
pana cattaropi yatha ekova patto hoti tatha adhitthahi.
Catunnampi ekasadiso punnavipako ahosi. Evam ekam katva
adhitthite patiggahesi bhagava paccagghe selamaye patte manthanca
madhupindikanca. Paccaggheti paccagghasmim patekkam mahagghasminti
attho. Athava paccaggheti abhinave abbhunhe tamkhane
nibbattasminti attho. Dve vaca etesam ahesunti dvevacika.
Athava dvihi vacahi upasakabhavam pattati attho. Te evam
upasakabhavam pativedetva bhagavantam ahamsu kassidani bhante amhehi
ajjato patthaya abhivadanapaccutthanam katabbanti. Bhagava sisam
paramasi. Kesa hatthe laggimsu. Te tesam adasi ime tumhe
Pariharathati. Te kesadhatuyo labhitva amatenevabhisitta hatthatuttha
bhagavantam vanditva pakkamimsu.



             The Pali Atthakatha in Roman Book 3 page 11-14. http://84000.org/tipitaka/atthapali/read_rm.php?B=3&A=228&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=228&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=6              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=160              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=116              The Pali Tipitaka in Roman Character :- http://84000.org/tipitaka/read/roman_read.php?B=4&A=116              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]