Atthakatha Book 3 : PALI ROMAN
Vinaya.A. (samanta.3)

     {7} Athakho bhagava sattahassa accayena tamha samadhimha
vutthahitva vuttappakarameva sabbakiccamnitthapetvarajayatanamulapunapi
yena ajapalanigrodho tenupasankami. Parivitakko udapaditi tasmim
nisinnamattasseva sabbabuddhanam acinnasamacinno ayam cetaso
parivitakko udapadi kasma panayam sabbabuddhanam uppajjatiti.
Dhammassa mahantabhavam garubhavam bhariyabhavam paccavekkhanaya brahmuna
yacitena desetukamataya ca.
     Jananti hi buddha evam vitakkite brahma agantva dhammadesanam
yacissati tato satta dhamme garavam uppadessanti brahmagaruko
hi lokasannivasoti. Iti imehi dvihi karanehi ayam vitakko
uppajjatiti. Tattha adhigato kho myayanti adhigato kho me ayam.
Alayaramati satta pancakamagunesu alayanti tasma te alayati
vuccanti tehi alayehi ramantiti alayarama. Alayesu ratati
alayarata. Alayesu sutthu muditati alayasammudita. Yadidanti
nipato tassa thanam sandhaya yam idanti paticcasamuppadam sandhaya yo
ayanti evamattho datthabbo. Idappaccayatapaticcasamuppadoti imesam
paccaya idappaccaya idappaccaya eva idappaccayata idappaccayata ca
sa paticcasamuppado cati idappaccayatapaticcasamuppado. So mamassa
kilamathoti ya ajanantanam desana nama so mama kilamatho assa
Sa mama vihesa assati attho. Bhagavantanti bhagavato. Anacchariyati
anuacchariya. Patibhamsuti patibhanasankhatassa nanassa gocara
ahesum parivitakkayitabbabhavam papunimsu. Halanti ettha hakaro
nipatamatto alanti attho. Pakasitunti desitum. Alam dani me
imam kicchena adhigatam dhammam desitunti vuttam hoti. Nayam dhammo
susambudhoti na ayam sukaro abhisambujjhitum janitum na sukaroti attho.
Patisotagaminti patisotam vuccati nibbanam nibbanagaminti attho.
Ragarattati kamaragena bhavaragena ditthiragena ca ratta satta.
Na dakkhantiti na passanti. Tamokkhandhena avutati avijjarasina
ajjhotthata. Appossukkatayati nirussukkabhavena adesetukamatayati
attho.
     {8} Yatra hi namati yasmim nama loke. Bhagavato purato paturahositi
dhammadesanayacanattham dasasu cakkavalasahassesu mahabrahmano gahetva
agamma bhagavato purato paturahosi. Apparajakkhajatikati pannamaye
akkhimhi appam ragadosamoharajam etesam sabhavati apparajakkhajatika.
     Bhavissanti dhammassati catusaccadhammam. Annataroti pativijjhataro.
Paturahositi patubhavi. Samalehi cintitoti ragadisamalehi chasattharehi
cintito. Apapuretanti vivara etam. Amatassa dvaranti amatassa
nibbanassa dvarabhutam ariyamaggam. Sunantu dhammam vimalenanubuddhanti
ime satta ragadimalanam abhavato vimalena sambuddhena
anubuddham catusaccadhammam sunantu. Sele yatha pabbatamuddhanitthitoti
Silamaye ekaghane pabbatamuddhani thito so ca yatha cakkhuma
puriso samantato janatam passeyya tvampi sumedha sundarapanna
sabbannutananena samantacakkhu bhagava dhammamayam pannamayam
pasadamaruyha sayam apetasoko sokavakinnam jatijarabhibhutam janatam
apekkhassu upadharaya. Utthehiti bhagavato dhammadesanattham carikancaranam
yacanto bhanati. Viratiadisu bhagava viriyavantataya viro devaputta-
maccukilesabhisankharamaranam vijitatta vijitasangamo jatikantaradi-
nittharanasamatthataya satthavaho kamacchandainassa abhavato anano.
     {9} Ajjhesananti yacanam. Buddhacakkhunati indriyaparopariyattinanena ca
asayanusayananena ca. Imesanhi dvinnam nananam buddhacakkhuti
namam. Apparajakkheti yesam pannacakkhumhi ragadirajam appam
te apparajakkha. Yesam mahantam te maharajakkha. Yesam saddhadini
indriyani tikkhani te tikkhindriya. Yesam muduni te
mudindriya. Yesam saddhadayo akara sundara te svakara.
Yesam asundra te dvakara. Ye kathitakaranam sallakkhenti
sukhena sakka honti vinnapetum te suvinnapaya. Ye tatha
na honti te duvinnapaya. Ye paralokanca vajjanca bhayato
passanti te paralokavajjabhayadassavino. Uppaliniyanti uppalavane.
Itaresupi eseva nayo. Antonimuggaposiniti yani udakassa anto
nimugganeva posiyanti. Samodakatthitaniti udakena samatthitani.
Udakam accuggamma titthantiti udakam atikkamitva titthanti.
     Aparutati vivata. Amatassa dvarati ariyamaggo. So hi
amatasankhatassa nibbanassa dvaram. Pamuncantu saddhanti sabbe
attano saddham pamuncantu vissajjantu. Pacchimapadadvaye ayamevattho
ahanhi attano pagunam suvattitampi imam panitam uttamam dhammam
kayavacakilamathasanni hutva manujesu devamanussesu nabhasim.


             The Pali Atthakatha in Roman Book 3 page 14-17.
http://84000.org/tipitaka/atthapali/read_rm.php?B=3&A=276&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=3&A=276&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=4&i=8
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=209
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=167
             The Pali Tipitaka in Roman Character :-
http://84000.org/tipitaka/read/roman_read.php?B=4&A=167
             Contents of The Tipitaka Volume 4
http://84000.org/tipitaka/read/?index_4