ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {305} Yam bhikkhave maya idam na kappatiti ime cattaro mahapadese
bhagava bhikkhunam nayaggahanatthaya aha. Tattha dhammasangahakatthera
suttam gahetva parimaddanta idam addasamsu. Thapetva dhannaphala-
rasanti satta dhannani pacchabhattam na kappantiti patikkhittani.
Talanalikerapanasalabujaalavukumbhandapusaphalatipusaelalukati nava
mahaphalani sabbanca aparannam dhannagatikameva. Tam kincapi
na patikkhittam athakho akappiyam anulometi tasma pacchabhattam
na kappatiti. Attha panani anunnatani avasesani
vettatintinikamatulungakapitthakosambakaramandadikhuddakaphalapanani
atthapanagatikaneva. Tani kincapi na anunnatani athakho kappiyam
anulomenti tasma kappanti. Thapetva hi sanulomam dhannaphalarasam
annam phalapanam nama akappiyam natthi sabbam yamakalikamyevati
kurundiyam vuttam. Bhagavata cha civarani anunnatani dhamma-
sangahakattherehi tesam anulomani dukulam pattunnam cinapatam somarapatam
iddhimayikam devadattiyanti aparani cha anunnatani. Tattha
pattunnanti pattunnadese panakehi sanjatavattham. Dve pata
desanameneva vutta. Tani tini koseyyassanulomani dukulam
sanassa itarani dve kappasikassa va sabbesam va. Bhagavata
ekadasapatte patikkhipitva dve patta anunnata lohapatto
ceva mattikapatto ca. Lohathalakam mattikathalakam tambalohathalakanti
tesamyeva anulomani. Bhagavata tayo tumba anunnata lohatumbo
katthatumbo phalatumboti. Kundika kancanako udakatumboti tesamyeva
anulomani. Kurundiyampana paniyasankhapaniyasaravakani etesam
anulomaniti vuttam. Pattika sukarantakanti dve kayabandhanani
anunnatani dussapattena rajjukena ca katakayabandhanani tesam
Anulomani. Setacchattam kilanjacchattam pannacchattanti tini
chattani anunnatani ekapannacchattam tesamyeva anulomanti
imina nayena palinca atthakathanca anupekkhitva annanipi
kappiyakappiyanam anulomani veditabbani.
     Tadahupatiggahitam kale kappatitiadi sabbam sambhinnarasam
sandhaya vuttam. Sace hi challimpi anapanetva sakaleneva
nalikeraphalena saddhim panakam patiggahitam hoti nalikeram apanetva
tam vikalepi vattati. Upari sappipindam thapetva sitalapayasam
denti yam payasena asamsattham sappi tam apanetva sattaham
paribhunjitum vattati. Thaddhamadhuphanitadisupi eseva nayo.
Takkolajatiphaladihipi alankaritva pindapatam denti tani uddharitva
dhovitva yavajivam paribhunjitabbani. Yaguyam pakkhipitva dinnasingi-
veradisu teladisupi pakkhipitva dinnalatthimadhukadisupi eseva nayo.
Evam yam yam asambhinnarasam hoti tam tam ekato patiggahitampi
yatha suddham hoti tatha dhovitva va tacchetva va tassa
tassa kalavasena paribhunjitum vattati. Sace pana sambhinnarasam hoti
samsattham na vattati. Yavakalikam hi attana saddhim sambhinnarasani
tinipi yamakalikadini attano sabhavam upaneti yamakalikampi
dvepi sattahakalikadini attano sabhavam upaneti sattahakalikampi
attana saddhim samsattham yavajivikam attano sabhavamyeva upaneti
tasma tena tadahupatiggahitena saddhim tadahupatiggahitam va pure
Patiggahitam va yavajivikam sattaham kappati dvihapatiggahitena chaham
tihapatiggahitena pancaham sattahapatiggahitena tadaheva kappatiti
veditabbam. Tasmayeva hi sattahakalikena bhikkhave yavajivikam
tadahupatiggahitanti avatva patiggahitam sattaham kappatiti vuttam.
     Kalayamasattahatikkamesu cettha vikalabhojanasannidhibhesajjasikkhapadanam
vasena apattiyo veditabba. Imesu ca pana catusu kalikesu
yavakalikam yamakalikanti idameva dvayam antovutthakanceva
sannidhikarakanca hoti sattahakalakanca yavajivikanca akappiyakutiyam
nikkhipitumpi vattati sannidhimpi na janetiti. Sesam sabbattha
uttanamevati.
                Bhesajjakkhandhakavannana nitthita.
                      ----------



             The Pali Atthakatha in Roman Book 3 page 204-207. http://84000.org/tipitaka/atthapali/read_rm.php?B=3&A=4219&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4219&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=-94              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2197              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=2449              The Pali Tipitaka in Roman Character :- http://84000.org/tipitaka/read/roman_read.php?B=4&A=2449              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]