AtthaPali Vol.3

kantanti tena suttena vayitavattham etantipi vadanti. {336} Sinehethati kim pana bhagavato kayo lukho na lukho. Bhagavato hi ahare sada devata dibbojam pakkhipanti sinehapanampana sabbattha dose temeti sira muduka karoti tenayam evamaha. Tini uppalahatthaniti ekam uppalahattham olarikadosaharanattham ekam majjhimadosaharanattham ekam sukhumadosaharanattham. Na cirasseva pakatatto ahositi evam pakatatte pana kaye nagara danam sampadesum. Jivako agantva bhagavantam etadavoca bhagava ajja nagara tumhakam danam datukama antogamam pindaya pavisathati. Mahamoggallanatthero cintesi kuto nukho ajja bhagavato pathamapindapato laddhum vattatiti. Tato cintesi sono setthiputto khettaparikammato patthaya annehi asadharananam khirodakasecanasamvaddhanam gandhasalinam odanam bhunjati tato bhagavato pindapatam aharissamiti iddhiya gantva tassa pasadatale attanam

--------------------------------------------------------------------------------------------- page226.

Dassesi. So therassa pattam gahetva panitam pindapatam adasi therassa ca gamanakaram disva bhunjatha bhanteti aha. Thero tamattham arocesi. Bhunjatha bhante aham annam bhagavato dassamiti theram bhojetva gandhehi pattam ubbattitva pindapatam adasi. Tam thero aharitva bhagavato adasi. Rajapi kho bimbisaro ajja bhagava kim bhunjissatiti viharam agantva pavisamaneva pindapatagandham ghayitva bhunjitukamo ahosi. Bhagavato ca dvisuyeva pindapatesu bhajanagatesu devata ojam pakkhipimsu yanca sujata adasi yanca parinibbanakale cundo kammaraputto annesu kavale kavale pakkhipanti tasma bhagava ranno iccham janitva apakkhittojameva thokam pindapatam ranno dapesi. So paribhunjitva pucchi kim bhante uttarakuruto abhatam bhojananti. Na maharaja uttarakuruto apica kho taveva ratthavasino gahapatiputtassa bhojanam etanti vatva sonassa sampattim acikkhi. Tam sutva raja sonam datthukamo hutva cammakkhandhake vuttanayena asitiya kulaputtasahassehi saddhim sonassa agamanam akasi. Te bhagavato dhammadesanam sutva sotapanna jata. Sono pana pabbajitva arahatte patitthito. Bhagavapi etadatthameva ranno pindapatam dapesi. {337} Evam katabhattakicce bhagavati athakho jivako komarabhacco tam siveyyakam dussayugam adaya .pe. Etadavoca. Atikkantavarati ettha vinicchayo mahakhandhake vuttanayeneva

--------------------------------------------------------------------------------------------- page227.

Veditabbo. Bhagava bhante pamsukuliko bhikkhusangho cati bhagavato hi buddhattappattito patthaya yava idam vatthum etthantare visati vassani na koci bhikkhu gahapaticivaram sadiyi sabbe pamsukulikava ahesum tenayamevamaha. Gahapaticivaranti gahapatihi dinnacivaram. Dhammiya kathayati vatthadananisamsapatisamyuttaya kathaya. Itaritarenapiti appagghenapi mahagghenapi yena kenaciti attho. Pavaroti salomako kappasikapavaro. Anujanami bhikkhave kojavanti ettha pakatikojavameva vattati mahapitthiyakojavam na vattati. Kojavanti unnamayo pavarasadiso. {338} Kasirajati kasinam raja pasenadissa ekapitikabhata esa. Addhakasiyanti ettha kasiti sahassam vuccati tamagghanako kasiyo ayampana pancasatani agghati tasma addhakasiyoti vutto tenevaha upaddhakasinam khamamananti. {339} Uccavacaniti sundarani ca asundarani ca. Bhangannama khomaadihi pancahi suttehi missetva katam. Vakamayamevatipi vadanti. {340} Ekamyeva bhagavata civaram anunnatam na dveti te kira itaritarena civarenati ekassa gahapatikena va pamsukulena vati evam attham sallakkhayimsu. Nagamesunti yava te susanato agacchanti tava te na acchimsu pakkamimsuyeva. Nakama bhagam datunti na anicchaya datum yadi pana icchanti databbo. Agamesunti upacare acchimsu. Tena bhagava aha anujanami bhikkhave agamentanam akama

--------------------------------------------------------------------------------------------- page228.

Bhagam datunti. Yadi pana manussa idhagataeva ganhantuti denti sannanam va katva gacchanti sampatta ganhantuti sampattanam sabbesampi papunanti. Sace chaddetva gata yena gahitam so eva sami. Sadisa okkamimsuti sabbe okkamimsu ekadisaya va okkamimsuti attho. Te katikam katvati laddhapamsukulam sabbesam bhajetva ganhissamati bahiyeva katikam katva.

The Pali Atthakatha in Roman Book 3 page 225-228. http://84000.org/tipitaka/atthapali/read_rm.php?B=3&A=4630&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4630&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=104 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2976 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3144 The Pali Tipitaka in Roman Character :- http://84000.org/tipitaka/read/roman_read.php?B=4&A=3144 Contents of The Tipitaka Volume 4 http://84000.org/tipitaka/read/?index_4